وعليكم السلام مرحبا وسهلا اخوي .. عيل تعرف ( ني هاو ) ههه
تراه الصين مثل كل البلدان بس عيبها اللغه .. لذلك يبيلك اولاً مترجم شوف موضوع المترجمين في الصين بيفيدك ..
اتصل على واحد منهم وانت في بلدك واتأكد هل هو موجود في المدينه اللي بتروح لها ..
ويبيلك تقرا مواضيع الاخوه لأنه فيها الفايده وبتصير خبير... نصيحه لوجه الله باجر بتقول يزاه الله خير بو خلي يوم نصحني...
ما خبرتنا وين بتروح أي مدينه ؟؟ وكم يوم بتقعد ؟؟ وهل وياك احد ؟؟
وليش ما تفكر تروح مع شركة سياحيه ؟؟
ممكن تأكد عليهم في موضوع الاكل الحلال والاقامه وهم يدبرون لك كل شيء.. بس عشان تتفاهم وياهم سر ويا المترجم وخله يترجم لك كلامهم..

تروح وترجع بالسلامه
ومازيد عن ابو خلي شي
لاكن انصحك انك تاخذ معاك تصبيره خبز بريد ليز وافل اشياء مثل كذا بتفيدك كثير

يسلموو حبايبي
انا ان شاء الله رحلتي على شنغهاي وناوي اجلس هناك 23 يوم اكيد كثيره على الصين بس ودي ازور هونق كونق ومكاو
بصراحه هذي اللي قدرت استفيد من الموقع بس لو في اماكن غيرها ليش لا لاني مطول هناك
انا معاي واحد من اخوياي يعني رحلة شباب
وعلى سالفة المترجم ترى احلا شي الخربطه بجرب بدون في البدايه
بكل صراحه انا اهم شي عندي اذا رجعت ما اندم على اماكن ما رحتها
حبيبي السيل بالنسبه للاكل ترى اخوك ما عنده مشاكل ياكل اي شي ههه
انتظر ردكم

عود اسنان
بس نصيحة احفظ ارقام مترجمين عندك في حال اعتوصت عليك السالفه واحتجت تفهم ايش يخربط عليك الصيني لأنه بعضهم حتى الاشاره ما يفهمها !!
جميل ما دام انك رايح (شانغهاي) في مدينه يمدحونها قريبه من شانجهاي اسمها Suzhou أو سوجو، انا اخطط اذهب لها واجعلها من ضمن جولتي السياحيه القادمه ان شاء الله إلى الصين..
سوجو تشتهر بالحدائق الأربعه الاكثر شهرة في الصين .. ولها صيت المعابد وتوجد فيها مرافق عديدة.. وانا جمعت لك هذي المرافق بتجدها في خريطتي عن Suzhou من هنا http://maps.google.com/maps/ms?hl=en&ptab=2&ie=UTF8&oe=UTF8&msa=0&msid=112021959374488652817.0004737f13414d8eb203c ممكن تلف الحدائق الاربعه او ثلاث منهم في يوم كامل..
(اذا عندك اي سؤال عن الخريطة كيف تستخدمها ستجد شرح مطوّل في توقيعي - الموضوع الثاني)
وكذلك سوجو فيها أسواق الجمله ومحلات مشهوره حفظتها في الخريطة وهي متركزة في منطقه اسمها (Nanmen commercial) ممكن تخصص يوم كامل حق الاسواق وانتبه انه اوقات عمل اسواق الجمله تبدأ من الصباح 7 إلى 6 مساءً ... أهم شيء تحدد نوعية توجهك للشراء..
وستجد في الخريطة بعض خيارات الفنادق ان بغيت تسكن في Suzhou لأنه بحسب علمي المسافه بين شانغهاي وسوجو 30 دقيقه بالقطار.
المدينه هذي اذا زرتها لابد ان تزور القرى المائيه حولها ومن المشهور منها Zhouzhuang و Tong Li وغيرها (انظر الخريطه الرموز الملونه بالازرق) وكل قرية يحتاج لها يوم كامل حسب بحثي...
اذا تحاول ترتب برنامج سياحي لك اسأل رسبشن الفندق الي بتسكن فيه في شانغهاي وهو بيساعدك.
أو فيه شركة سياحية ترتب هذي الرحلات جاهزة بس انت تشتري منهم اونلاين ولكن هم يأخذون قيمة عالية جداً على الفرد الواحد (لذلك سألتك اذا كنت تسافر وحدك أم لا) لأنهم يسوون خصم اذا كثر العدد ..
هذا موقعها عن مدينة Suzhou والقرى المائيه: http://www.chinahighlights.com/suzhou/tours.htm
وفيه مدن كثيره لكن ما سويت لها سيرش قريبه من شانجهاي مثل : هانجزو Hangzhou ممكن تشوف الرحلات السياحيه عنها في هالموقع: http://www.chinahighlights.com/hangzhou/tours.htm
وتروحون واتردون بالسلامه.. اي استفسار انا حاضر ..

هذي معلومات عن القطار من شانجهاي الى سوجو : من اهنه http://www.travelchinaguide.com/china-trains/views.asp?tt=1&tid=D5460&s=shanghai&e=suzhou
شي مدينه قريبه من شانجهاي كانت على بالي والي هي Dalian هي مدينه ساحليه وهذي معلومات عن المدينه : من اهنه http://www.chinahighlights.com/tour/daliantour/dl-2/
ما اعرف الكثير عنها لكن يبيلك تشوف الموقع وتقرا تفاصيل عنها ..
وهذي تفاصيل القطار من شانجغاي الى Dalian : من اهنه http://www.travelchinaguide.com/china-trains/views.asp?tt=2&tid=T132/T133&s=shanghai&e=suzhou