عليكم السلام ورحمة الله وبركاته
حياك الله يأخ عبدالله
افضل جدول لعدد الليالي 14 هو
ليلتين سيلانقور -- ثلاث ليال لنكاوي -- 3 ثلاث ليال بينانق -- ليلتين الكاميرون هايلاند -- اربع ليال كوالالمبور
وهذا الرابط فيه كل ماتبحث عنه
https://artravelers.com/p/re/453550

ارشح لك المناطق المتيم فيها الاعضاء ..
سيلانجور ، لنكاوي ، بينانج ، الكاميرون ، جنتغ ، كوالالمبور ، بورت ديكسون
شوف هالمناطق واختر اللى ييناسبك مع العلم انك تقدر تزور جنتغ من كوالالمبور يعني تخصص لها يوم
واي استفسار حاضرين والخبراء ماراح يقصرون معاك يالغالي ..

الله يجزاكم خير اخواني
زازاز و مسألة وقت
ماقصرتوا عالاستجابة السريعة
حبيت اسأل عن المسافات بين هالاماكن اللي اعرفه بس هو المسافة بين بيننانغ وكوالامبور وهي ساعة
طيب باجي الاماكن اللي رشحتوها جم المسافات فيما بينهم
لأني بصراحة املك 14 يوم ما ابي اكون كثير التنقل بشكل متعب وطويل
يعني لو التنقل بين ساعة بالتاكسي راح يكون معقول

العفو يالغالي ما عملنا شى ..
بالنسبه للتنقلات : :
من سيلانجور الى لنكاوي مافيه غير طيران وعلى ما اعتقد ساعه
من لنكاوي الى بينانج طيران وفيه عن طريق العباره بس ارشح لك طيران لانه اسرع واريح
من بينانج الى الكاميرون عن طريق الباص وعلى ما اعتقد 4 ساعات بالباص
من الكاميرون الى كوالالمبور بالباص 4 ساعات ولو بالسياره بتكون اقل المدة
طبعا هذه التنقلات على حسب ترتيب الغالي زازا ..
وتقدر تستغني عن الكاميرون وتضيف يوم لكوالالمبور ويوم لبورت ديكسون شاليه بمسبح خاص
يعني يكون التوزيع : :
2 سيلانجور 3 لنكاوي 3 بينانج 5 كوالالمبور 1 بورت ديكسون
شوف المناطق اللى ودك تروح لها وابشر باللى يرضيك والخبراء مايقصرون معاك ...
بالتوفيق

السلام عليكم ورحمة الله وبركاته
المسافات
من سيلانقور للنكاوي بالطيران ساعه
من لنكاوي إلي بينانق بالطيران 35 دقيقه وبالفييري العباره حدود 3 ساعات ولا انصحك بها
من بينانق إلي الكاميرون بالباص او تاكسي لأن مافي الكاميرن مطار تقريبا ثلاث ساعات ونصف تقريبا
ومن الكاميرون لكوالالمبور بالباص او التاكسي 4 ساعات تقريبا
من بينانق إلي كوالالمبور بالطيران لو ماتبي الكاميرون وبتكنسلها طيران تقريبا 50 دقيقه او بالباص 4 ساعات
وطبعا الطريق من بينانق للكاميرون او من بينانق إلي كوالالمبور طويل بس ممتع جدا و غير ممل
ونصيحه دامك رايح لماليزيا اهم شي كوالالمبور ولنكاوي وبينانق لازم يكونوا في الجدول حرام تروح بدون ماتمرهم كلهم
المسافات بالطيران بسيطه جدا واسعارها معقوله جدا عندهم طيران داخلي مثل الماليزيه وآير آسيا والفاير فلاي

الله يجزاكم خير يا اخوان
فعلاً اخجلتوني بذوقكم وسعة صدركم وروحكم الطيبة للمساعدة
انا اميل بصراحة لرأيك اخوي زازاز اني اكتفي ب كولامبور وبينانغ و لنكاوي
شنو تقترحون علي يكون الترتيب ابدأ من وين وانتهي من وين
وبخصوص المسافة بين كولامبور وبينانغ هل هي ساعة بالتاكسي !

تسلم يالغالي ربي يسعدك ..
اذا بتشيل الكاميرون فكر في البورت ديكسون وخليها يوم وقبل السفر للراحه ..
وماراح تندم ان شاء الله
بالنسبه للمسافه بين كوالالمبور وبينانغ بالباص على ما اعتقد اربع ساعات ولو بالسياره بتكون اقل بس مااقدر اعطيك المدة ..
لو تبغى الاريح والاسرع خلي كل التنقلات طيران ..
بالتوفيق يالغالي

مسألة وقت..
الله يجزاك خير
ما اخفيك اني قاعد افكر في بورت ديكسون خاصة سالفة الشاليه بحمام سباحة خاص
طيب لنفترض اني راح اوصل كوالامبور واطير منها لبورت ديكسون ومن بورت ديكسون لبينانغ ومن بينانغ إلا لنغاوي ومن لنغاوي إلى كوالامبور ومن بعدها العودة للحبيبة الكويت
اشرايك بالمخطط

السلام عليكم ورحمة الله وبركاته
شوف إذا بتشيل الكاميرون فالجدول المناسب
ليلتين سيلانقور للراحه بعد السفر الطويل وهي اقرب للمطار وفيها الألعاب المائيه والسكن بالصن واي لاقون
وعموما سيلانقور تبعد حولي 30 دقيقه بالتاكسي من كوالالمبور
ليلتين سيلانقور -- فندق الصن واي لاقون او البيراميد
ثلاث ليال لنكاوي -- فندق الويستن او ذا دانا او البلانجي بيتش (من سيلانقور للنكاوي طيران ساعه)
ثلاث ليال بينانق -- فندق الراساسايانق او القولدن ساندس او البارك رويال ( من لنكاوي لبينانق طيران 30 دقيقه)
خمس ليال كوالالمبور -- ( من بينانق لكوالالمبور 50 دقيقه طيران او اربع ساعات تاكسي)
وفي كوالالمبور فندق الويستن او الماريوت بشارع العرب او رويال شولان قريب جدا من شارع العرب
او قريب البرجين عندك فندق تريدرز غرفه مطله علي الحديقه والبرجين
اخر ليله قبل المغادره ببورت ديكسون -- فندق ذا ليجند وترهومز إنترناشيونال (من كوالالمبور لبورت ديكسون ساعه ونص بالتاكس)
وإن حبيت ممكن تخلي بورت ديكسون بعد بينانق و تصير كوالالمبور اخر شي عشان التسوق وتصير المشاوير نفس
الشي من بينانق لمطار كوالالمبور 50 دقيقه طيران ومن مطار كوالالمبور لبورت ديكسون ساعه بالتاكسي بعدين
من بورت ديكسون لكوالالمبور ساعه ونصف بالتاكسي وتصير كوالالمبور بالأخر عشان التسوق