1. للأم اللي عندها طفل من 4شهور الى سنتين بخبرج شو ممكن تسويين:


2. للأطفال من سن 3سنوات


3. glad zipper


4. وايد مفيده تحطينه فيها كل شيء تبيين تخزنينه بصوره نظيفه وحسب حاجتك.


5. للأطفال فوق السنتين:


6. للبيبيات مع اني أشوفه ثقل بس في ناس يفضلونه


7. حطوه في اكياس جلاد لوقت الطواريء.

اختي شوفي هذا الموضوع الشامل لكل ماتحتاجينه وهو موضوع لأحد الاخوات في منتدى ثاني يزاها الله خير
اذا مسافره في الصيف وعندج عيال تعالي اخبرج شو تشليين
الأخوات اللي يسافرون مع أطفال وما عندهم أفكار شو المفروض ياخذون وكيف يتصرفون في أكل الطفل حابه أعطيهم بعض الأفكار .......

للأم اللي عندها طفل من 4شهور الى سنتين بخبرج شو ممكن تسويين:

• اشتري جدر الطبخ اللي يطبخ العيش وموجود ماركات وايد منه مثل كينوود وراسل هوبز ودوري أصغر حجم هذا الصبح قبل لا تطلعين تطبخيين فيه اللي تبيينه ما تتخيلين شكثر مفيد بيض مسلوق -مقلي فوول بلاليط معكرونه وغيرها ...فالمهم جهزي وجبة البيبي وحطيها في حراره حافظه للحراره وسكريها في كيس وخليها في الشنطه مالت الطلعه وايد عشان ما تضطرون ترجعون تغدونها.

في بعض الحيل اللي ممكن توقف نوبات الصياح للطفل بشكل سريع مثل نفخ بالونه أو تلهيته بمصاصة لولي بوب أو قطعة بسكوت أو كاكاو.
في شي ثاني تذكرته يوم تقلع الطياره و تحل يستوي في بكاء جماعي في الطياره للأطفال, لا تحاتون مؤقت وسببه الضغط الجوي اللي عليكم تسونه انكم تعطون الطفل مرضعة ماي أو حليب أو عصير المهم تخلونه يبلع.

للأطفال من سن 3سنوات

• أقلام تلوين
• عرائس للأطفال
• طين
• ألعاب الحيوانات
• جهزي بعض المأكولات الخاصه بالبيبي من البلاد بتقولون ليش اولا الفتره الأولى محتاجه هذي الأغراض لين تعرفيين أماكن البقاله, ثانيا وايد بتوفرين لأن الأغراض هناك وخصوصا اوربا غاليه نار عكس أسعاره عدنا يعني أنا يوم أسافر أشل التالي:اندومي- أرز وأوزعه في أكياس بلاستيك قياس كل وجبه -كورن فليكس_شابوره- معكرونه-عدس-جبن معلبات-سريلاك-تونه- فاصوليا -فول -معكرونة ماجي -حليب بودر-طحين عيش-......الخ حليب البودر مع طحين العيش يستوي وجبه حلوه تخلطينهم وتسوين كسترد وتحطينه في علبه بلاستيك محكمة الإغلاق.
• خذي ترمس او فلاس صغير تسخنين فيه الماي قبل الخروج مباشرة ويستعمل لأغراض متعدده بنأتي على ذكرها.
• خذي أكياس

glad zipper

وايد مفيده تحطينه فيها كل شيء تبيين تخزنينه بصوره نظيفه وحسب حاجتك.

• اذا كنتي في مطعم وزاد خبز أو فواكه أو خيار حطيه في كيس بلاستيك وممكن اذا ياع البيبي وما عندج أكل جاهز تصبرينه بهذي الأشياء.
• دايما حطي خطه للطوارىْ بمعنى اذا طلعتي ما تعرفين متى بترجعون فحطي مثلا علبه دايما تكون في الشنطه فيها أكل جاف مثل السيريلاك او بسكوت فارليز وتكونين حاطه كاس بلاستك وملعقه بلاستيك بشكل دايم في الشنطه لهذا الغرض.

للأطفال فوق السنتين:

• من الوجبات الخفيفه للأطفال فوق السنتين الشابوره مع الحليب والكورن فلكس يعني الموضوع محتاج كاس بلاستيك سكر حليب بودروكاكاو بودر مخلوطين بمعاييرهم في كيس بلاستيك وتضيفيلهم الماي الدافىء وخلط خفيف وتعطيهم الوجبه.
• موجود شوربات جاهزه محتاجه بس اضافة الماي الحار مفيده للطواريء.
• ممكن وانتي في الفندق تسوين سندويشات للأطفال مثل جبن-جام قشطه-كاكاو وتعطينهم اذا ياعوا

طبعا كل ام حابه تسافر تحط في بالها ان تحضر أغراض البيبي كامله ومن أهم الأشياء دراجة الطفل ,الشروط الواجب توافرها في الدراجه:

• تطوى بشكل مظله عشان ما تاخذ مساحه وعادي يركبونها لين باب الطياره(احرصوا انكم ما تشحنونها وخلي الطفل فيها لين باب الطياره بس بتحتاجون ستيكر وهذا أسهل عشان ما تمون شالين البيبي لين توصل الأغراض وتتبهدلون)
• اذا سايرين بلاد ممطره أو بارده خذوا بلاستيك اللي يغطي الدراجه أحفظ حق الياهل عن المرض والزكام مثل اللي في الصوره
• في امكانيه انها تفرد في حالة نوم الطفل.

من نماذج العربانات التالي:

للبيبيات مع اني أشوفه ثقل بس في ناس يفضلونه

• من الضروري اختيار النوعيه اللي فيها سله وبعد الدراجات اللي لهم مسكة المظله تسمح بحمل الأكياس.
• اذا الأم عنده توائم او طفلين تحت الأربع سنين فنصيحتي لها انها تستعمل هذي النوعيه من الدراجات

المهم اليوم بتكلم عن الشنطه اللي تشلونها في الطياره وشو الأشياء اللي ممكن تنسونها بس ضروريه.
أولا: حطوا في بالكم ان احيانا اتضيع الشنط أو تتأخر(زوجي عانا من هاي السالفه مرتين مره ضاعت ومره تأخرت يومين) وعلشان تاخذون احتياطاتكم حطوا في هاند باج
حطوا لبسه وملابس داخليه لكل فرد من العايله بتفيدكم حتى في الطياره اذا استوى لا سمح الله ترجيع ولا توصيخ للثياب وخاصه للأطفال فوق الأربع.بالعاده هذي الشنطه
ثانيا: في شنطه صغيره تنشل من قبل الأم أوالشغاله أو تتعلق في دراجة البيبي ينحط فيها كافة أغراض البيبي من

• بامبرز
• المحارم المنظفه

كلينكس

• أكل البيبي من روب أو كسترد او شوربه محضره مسبقا بالإضافه لوجبه احتياطيه ناشفه مثل سريلاك او فارليز وما وصيكم اذا في شي من أكل الطياره يناسب البيبي

حطوه في اكياس جلاد لوقت الطواريء.

• مرضعه للحليب والماي وتوابعها.
• بسكوتات وحلويات بأحجام صغيره للتصبير والتسكيت.
• لبستين للطفل وفوطه صغيره وسماط للتبديل.
• غسول اللي بدون ماي وغرشه صغيره فيها ديتول لتظيف حمام الطياره اذا اضطريتوا تستخدمونه.
• أكياس لوضع البامبرز المستخدم

منقول
لاتنسون تدعون لكاتبة الموضوع الأصلي

وشوفي هذا الرابط للأخ ابو حسام 111
https://artravelers.com

:idea: :mf_leia:

أم عمر
تسلمين اختي ام عمر على هالدعوات الصادقة....يزاج الله خير

ريانة دهن العود
ان شاء الله اختي ريانة دهن العود....بجمع المواضيع وبحطهن في موضوع واحد.