السلالالاام عليكم ورحمه الله وبركااته ,,
ولله الحمد رجعنا لارض الوطن .. بعد 18 يوم قضيناها في اسيا الحقيقيه .. ايام لاتنسى لكن عاب عليها الحر ..
وبهذا الموضوع حبيت اقولكم ملخص ملاحظاتي بما اني سافرت مع اهلي ولعلها تكون مفيده باذن الله وان اخظئت من نفسي والشيطان ..
اول الوصول .. يومين في الخيول الذهبيه: الخيول فندق مبهر جدا وكبير وضخم واللوبي والمطاعم والمسطحات الخضرا جميلها جدا جدا .. لكن الغرف اقل من عاديه النظافه اعطيها 4 من 10 لايستحق ابدا الكلام الي سمعته عنه انا اذا جيت اسكن رح اسكن بغرفتي مو باللوبي .. لو ازور مره ثانيه ماليزيا استحاله اسكن فيه ..
من الخيول الى ( افاموسا ): افاموسا عباره عن منتجع يبعد حوالي الساعه والربع عن كواللمبور .. فلل كل فله فيها مسبح .. لاتوجد اي نشاطات فيها .. بعيده عن كل شي اللهم حديقه السفاري و الكرنفال فقط غيرها لايوجد .. المنتجع هادئ ويصلح له يومين لااكثر لانه ممل اللوبي غرفه والافطار الله يكرم النعمه عموما اعطيه 5 من 10 (( يعاب عليه الحر اكثر مكان احترينا فيه ))
من افموسا وبالسياره الى بيننتج وتقريبا 6 ساعات طريق لاتملك الا (( التتنيح )) خضار طول الطريق واصلاحات ..
في بيننج فندق قولدن ساندس فندق جميل جدا وينبض بالحياه متعه انك تجلس على البلكونه وتشرب شاهي وتتفرج على الي تحتك .. افطارهم ممتاز خدمات ممتازه برشوتات وجتسكيات وكل شي .. لكن حصلي موقف معهم احذروا منه كنت في الصباح حوالي الساعه السادسه نزلت عشان اسوي التيشك اوت خلاص بنغادر .. المهم وموظفه الرسيبشن تضع امامي حوالي 4 فواتير ؟؟؟؟؟؟؟؟؟؟؟ المهم جلست اقراهم الاولى تقول ادفع 400 رينقت لشخصين لانك عند الحجز كتبت الاشخاص 6 وانتم 8 .. قلت دقايق باتصل على المكتب ترددت وعفطت الورقه قدامي قالت يعجبك كذا قلت اكيد .. الفاتوره الثانيه تقول انتم طالبين من المطعم طبعا كذب بس طلعت حوالي 4 رينقت مو مشكله .. اخذت التأمين ..
سألتها : هل يمكن ان افطر انا وعائلتي ؟؟ قالت اكيد وهو مجاني .. المهم افطرنا وخلصنا واشوف الويترز جايبه الفاتوره 370 رينقت .. قلت لا الموظفه تقول مجاني قالت لا انتم اليوم بتطلعون .. المهم حنا ماعندنا وقت للكلام الفيري رح يروح علينا قلت ماراح ادفع اتصلوا على الشرطه (( شفت انهم خافوا وتراجعوا شوي)) المشكله مافيه وقت للهواش طبعا هم استغلوا فتره الصباح الباكر عشان مافيه احد باللوبي جالس فاخذوا راحتهم بالصراخ والهواش .. وبالاخير دفعنا والشكوى لله ..
انتم ممكن تقولون ايه انت بس عاادي اقولكم صاحب التاكسي يقول هذا الاسبوع صارت 3 مشاكل ل3 عوائل خليجيه بنفس الوقت ..
ملاحظه ثانيه على الاكشاك الصينيه .. الاكشاك حلوه وفيها اشياء كثيره لكن اسعارهم نصب في نصب تخيلوا نزلت سعر ساعه من 240 الى 60 رينقت ؟؟؟؟؟؟؟؟؟؟ بالعربي حط براسك سعر ورح يوافق البائع مهما كان ..
ننتقل لفندق ويست the west بلنكاوي فندق رائع رائع رائع بمعنى الكلمه هدوء تام فخاامه نظافه موظفين متساعدين جدا .. لاانصح به للعوايل .. لكن رح يكون من اولوياتي اذا تزوجت