وتبقى المملكة خليفيه
30-11-2022 - 01:20 pm
السلام عليكم ورحمة الله وبراكته ..
بختصر الموضوع وبحط لكم نقاط واللي ودكم تستفيدون منه استفيدو واللي تبون تنطنشونه تنطشو ..
1- كل فندق تحجزه من موقع بوكنغ اطبع نسختين وخل كل نسخه في ملف واكتب عليهم الفندق والتاريخ والمنطقه واحتفظ بنسخة لك ونسخة للفندق ..
2- بالنسبة عن مكاتب السياحة قبل لاتفكر تروح وتحجز عن طريق مكتب تاكد من الاسعار وشوف اللي يعجبك لاتغلط غلطت الكثير من الناس انهم يروحون المكتب ويفكرون فالرحه واخر شيء يتوهقون في الاختيارات الخاطئة للفنادق او اوقات الطيران المتلخبطه ، اذا كان الحجز انت حاجزه راح تكون متأكد منه 100% لكن اذا مكتب ماتدري عنهم ..
3- الموقع الأكيد للفنادق موقع بوكنغ تحصل فيه كل الاسعار وتقدر تقارن بين الفنادق ..
4- يفضل النسخة اللي بتوديها الفندق تكون انغليزيه لان اكثر الفنادق ماعندهم احد يجيد العربيه واذا ماقدر تطبع النسخه الانغليزيه ماعندك خلاف ..
5- الحجز للطيران الداخلي عن طريق الأنترنت سهل جداً وتقدرون تستخدمون المترجم في قوقل ..
اتمنى الكل يستفيد من الموضوع والنصائح واذا كنت ناوي على ماليزيا لاتسمع للي يقول ان مافيها شيء انا اقول زيد عزيمتك وتوكل على الله وروح ماليزيا واكتشفها ..
