كثر هم الناس الذين ينتظرون بداية الصيف لتبداء رحلة الاستعداد والترتيب
للسفر والسياحه من ترتيب مادي:36_1_36: الى اختيار البلد والصحبه ونحوه :36_1_12:
في هذه القصيدة للشاعر فيصل اليامي تمثيل لحال بعض هؤلاء :
يجينا الصيف وننتظره واذا عدى نبيه يعود
ونفرح به اذا جانا نقول الصيف لايعدي
نحسب حسابنا بدري نفكر في الليالي السود
نفكر كيف نستانس وكيف نجيب ونودي
ندور للوناسه وين شباب وقدها وقدود
نسولف مع نجوم الليل ذوات المبسم الوردي
نغير موجة اللهجة حسب جنسية الموجود
مابين شكون وعاوز ايه وشو بدك ومابدي
بعضنا فلوسه كثيره بعضنا بين نقص وزود
بعضنا مسافر بسلفه وفيزا بس متحدي
يبي ينقط على هاذي يلبس ذيك عقد ورود
يضحكها وهي تضحك عشان يقول من قدي
يظن انه ملك دنياه وودع حظه المقرود
مايدري انه بوضعه غدى في حال متردي
يفاخر با لخطايا اللي تصده عن طريق الجود
يضيع نفسه بنفسه ويظن انه بعد مقدي
غلط والغلطه بعشره لرجل يعرف المنقود
خطا واكبر خطا والله اضيع نفسي بيدي
مادام ان العمر يمشي وتالي ذا الجسم للدود
اجل بالله وش وضعي اذا حطوني بلحدي
قصيده اعجبتني اتمنى ان تنال اعجابكم
القروج