1. صباحكم ورد إذا كنا الصبح ..... ومساكم ورد إذا كنا المسا .


2. من نحن .... ؟؟


3. دقيقة بس خل أتأكد فيه أحد والا لا :36_1_50: ....


4. وحددنا الأيام :36_1_39:

صباحكم ورد إذا كنا الصبح ..... ومساكم ورد إذا كنا المسا .

طبعاً حاب أقدم لك هذا التقرير الخطير عن سفرة رباعي الصيف للمغرب !!! رداً لجميل هذا للمنتدى الرائع .... الذي إستفدت منه في كل سفراتي (يارجال ماعمرك سافرت غير هالسفرة :frown: ) ... رغم أنني لم أكتب فيه حرفاً واحداً حتى الآن :baaa2: ( قصدي حتى قبل شوي)...
الشيء الذي أريد قوله هو أن هذا التقرير لا يحوي إلا صورة واحدة فقط !! يعني تقرير سواليف وإنطباعات ليس إلا..

من نحن .... ؟؟

شلة السفر الصيفية تتكون من 4 أصدقاء مثل بعض بالسن والتفكير والشيافة ... يعني إلتم المتعوس على خايب الرجا ؟؟ صار لنا 10 سنوات نسافر مع بعض .... ونادراً ماكررنا نفس البلد ... التغيير حلو ... والإكتشاف أحلى .. :36_1_37:
كانت خطتنا هالسنة (طبعاً التخطيط من بعد الحج ) ... أقول كانت الخطة يا جنوب أفريقيا يا كينيا ( ناوينها سامري هالسنه ) .... لكن خلال إجازة الحج سافر قريب لواحد من خويانا للمغرب ..... ويوم رجع وهو ماغير تمديح في الديرة ... والظاهر الفكرة دخلت مزاج خوينا .... فعرض علينا فكرة إننا نروح هالسنة للمغرب .... وكلها أفريقيا( إيه هين :36_1_15: )... أنا عن نفسي رفضت رفضاً قاطعاً ... مارحت يومي صغير :36_1_33: تبيني أروح يوم تزوجت وصار عمري 33 (على فكرة أنا ترى موقف لي 5 سنين على عمر 33 سنه شكلي من 33 إلى 44 على طول )
..إيه. وش حنا نقول .... إيه قلت لهم معصي ما حنا رايحين تبون على أخرتها نصير ,,,,,,,,,,,,,... و............ ... وننجلد ( هذي ترى فكرتي عن المغرب أول) .... على فكره ترانا من الشباب اللي يمشي جنب الحيط :suprise: ... ولا لنا باللف والدوران ..
والشباب جاز لهم الوضع وانا ماني مرتاح للسفره هذي..... بصراحة خايف ... يعلق الخط على المغرب لين تطيح سنوني :36_9_2: وهذا خوفي!! لكن مع الإصرار وافقت طال عمري :36_1_12: وهم قالوا ترى لو إنك ماوافقت ترى كنا نبي نروح ونخليك (والله من زين الشلة وانا توي مادحكم :36_1_4: )....
وبعد مداولات وسؤالات وخرائط ومنتديات تحددت التفاصيل والفضل لله ثم لهذا المنتدى الرائع بأعضائه :36_3_14: ....
تم تحديد موعد الرحلة ( كل هالكلام ترى بشهر واحد يعني محرم .... شفتوا إننا قدعان أوي ونخطط من مبطي ) .... أقول إننا خططنا للرحلة راح تكون ب 30/7 ولمدة 14 يوماً ( طبعاً في عز الموسم والأسعار مالت الفنادق شبه تندبل :36_11_13: .... مثل ما تسبودنا إندبلت :36_1_2: ) ولكن إختيار هذا التوقيت جاء من باب ( مرغم أخاك لا بطل ... شكلها مكره :36_1_3: ....بس بصراحة زر الباك سبيس عندي يعلق ولو ضغطته والله مايرده إلا الموضوع اللي قبل موضوعي :36_6_7: ) ..
إني واي : بعد ما حددنا التوقيت( قصدي حدده المدير وإلا حنا ندربي روسنا .... معاهم معاهم ... عليهم عليهم :282: )
صار لازم نوزع الرحلة بين المدن ونختار الفنادق ولأني أكوس واحد في الشلة وأعرف العرب المسافرون اخذت معلومات من تقارير الأعضاء في منتدى ماليزيا (علشان أروح أنا وزوجتي وعيالي وجحدت الشله .... بلا شله بلا هم لا جيت بكرا داج وأبي سلف والله إن يجحدوني .. قال المغرب قال :36_15_9: )
أقول لكم حددت الرحلة 3 أيام بكوالا وبعدين 4 بلنكاوي و4 في بيننانغ و4 أيام في كوالا مرة أخرى :55654: .....
معليش ياشباب ترى قبل شوي دخلت علي وحدة :36_1_3: علشان كذا غيرت الموضوع ..... عادي الوضع أكيد مفهوم :36_1_16: !!!!

دقيقة بس خل أتأكد فيه أحد والا لا :36_1_50: ....

أيوه وش كنا نقول .... نعم !!! إيه صح نوزع المدن والأيام ونحدد على أي طيران نسافر ....بعد بحث مضني (بشر عساها جابت ولد :36_1_40: ... لولولي زغرودة يابنات :36_6_3: ) .... لقيت إن طيران الإتحاد من الدمام ب 2390 ريال والسعودية تقريباً 3300 ريال :36_1_36: لكن طيران الإتحاد يبيلها سفرة من الرياض للدمام :36_7_14: وبعدين أبوظبي وبعدين ليبيا وبعدين كازا .... بينما السعودية طيران مباشر .. على شان كذا إخترنا السعودية ( تبون الصدق ... رئيس الشلة عنده أميال من الخطوط تؤهله للحصول على تذكرة المغرب مجاناً ولعب علينا وخلانا نروح على السعودية :4: ).

وحددنا الأيام :36_1_39:

4 ليالي في كازا ( تشمل تسييره على الدار البيضاء :55654: ( والله من زين المدير ... ياغبي كازا هي الدار البيضاء ) ... قصدي الرباط وفاس ومكناس وطنجه ) ( ) عادي لا تستغربون ترانا سواقين تريلات سابقاً يعني راعين خطوط ولولا ليبيا كان رحنا للمغرب على السيارة بس وش يفكنا من أبو الساعدي ولا يهونون شلة عنتر الزبراوي في الجزائر :111: ... الله يرحمك ياطلال الرشيد .
2 ليلتين أو هي ليلتان (مالي دخل ) في مراكش :sweatdrop
5 ليالي ( الحلمية ) في أغادير:36_1_22:
1 ليله (لو باقي ليلة ) في كازا ( تراها هي الدار البيضاء ) ... خسارة بس ليتنا قاعدين في أغادير:36_1_28: .
1 ليلة في الإستراحة :36_1_29: ... حتى نتهاوش وتشين العشرة ( تخبرون راجعين أنواع الفلس والدجة ... والنفسيات تصير دمار )
2شهر ما أشوف رقعة وجه واحد من الشله وأغير رقم جوالي ولا أبي طاريهم :sad1: ..
بعد ماتم المخطط جمعت بيانتا (تراها بيانات بس مالي خلق أعدل ) من هذا المنتدى المبارك عن المدن ومايستحق الزيارة في كل مدينة والأسعار والمسافات وكل مايهمنا عن المغرب .. وذلك خلال الأوقات التي تسمح بها ظروفي (والله إني قعدت وقت أفكر هي ضروفي أو ظروفي بس جزمت على هذي ويمكن إنها صح ) ...
مع إني أجي أيام وألقى المنتدى أتواع الجحده . . ياولد ياناس ... وخويك أصمخ لا منتدى ولا هم يحزنون ..... وأقول هي المسافرون العرب والا العرب المسافرون والشيخ قوقل مايقصر يفزع بس ماش ماهنا منتدى .....وأرجع وأقول شكلهم يصكون المنتدى بالشتاء :11ld: ... من يبي يسافر بهالبرد طيب المفروض يقلبونه منتدى للكشتات ..... كشتات .... كشتات .... طلعه بريه ... معليش سعد الطلحه جاء تو من عندي ...
على فكرة :icon_stud ياراعين المنتدى والله تجي أيام شوي وإلا أصيح ... يا إنك ماتلقى المنتدى بكبره أو إنك تلقاه بس أول ماتفتح الموضوع يقولك الخلا..... وين يوزرك .... نكد على عميان حنا ... وأقعد أحرث بالمستودع لين ألقى لي يوزر أدخل فيه ... ويقولي أهلاً وسهلاً .... وأستانس وأول ما أدخل على الموضوع .... القاه يقولي ... لعبت عليك أطلع برا ... لين تحول عيوني وأنا كذا :2: .... بعدين تجيني الصيحه وأزعل :2: .
ما يستفاد مما سبق .... من حديث الرسول صلى الله عليه وسلم بما معناه " إن الله يحب إذا عمل أحدكم عملاً أن يتقنه " أو كما قال عليه الصلاة والسلام .. يعني ودك الواحد إذا فتح منتدى يتعب ويصرف عليه من باب الأمانه :6: .. وإحترام الأعضاء وقراء المنتدى
:55654: يا إخوان مدري وش جابني ......... ؟؟؟ معليش يا إخوان جزاكم الله خير تراني قبل شوي كنت أكتب موضوع في المسافرون العرب بس الظاهر من قوة الشوته :soccer_h4 طلعت على ..................... ( ياخي شوي شوي إذا جيت تشوت ياروبيرتو كارلوس :897play_b ) ..
خلاص ( وه ) ماودك الواحد ينصح بهالديرة .
خلاص زعلت ماني مكمل التقرير ..