ماجد سلطان
11-08-2022 - 10:48 pm
السلام عليكم ورحمة الله وبركاته
والله يا احباب ناوي اروح انا وام العيال شهر عسل مرة ثانية من غير عيال عسى الله يحفظهم بس
وناوي تحديدا في عطلة العيد القادم
قلبتها على المالديف يطلع علي تقريبا 5000 دولار لشخصين مدة اربع ليالي
فما رايكم بلنجاوي مدة خمس ايام وفقط لنجاوي لضيق الوقت والعطلة وأفضل ايضا ان كان في سكن أكواخ على البحر او على الشاطئ
فياليت ترشيح الطيران + الفندق وهل افضل لي من السفريات ولا بالنت للحجز واتوقع اكيد هي ارخص من المالديف
لاني انا سبق ان اخذت بكج كامل 21 يوم ماليزيا سكن وفطور وفنادق ورحلات آخر حلاوة بسعر 5000 دولار فالفرق شاسع
بانتظار ارشاداتكم كما عودتمونا يا احباب وهل الفترة هذي يكون الجو معتدل تقريبا من 18 ديسمبر الى 23
اخوكم من الكويت وما ادري كيف راح يكون خط السير الى لنكاوي
وتسلمون
خذ لك لفة سريعة على المنتدى بتلقى إجابات وافية شافية وتقارير مصورة وكل ماتحتاج له في مشاركات الأعضاء
فقط ملاحظة بسيطة وهي أن المدة قصيرة جداً .. تضرب مشوار لماليزيا ثم 5 أيام وترجع ؟
أقترح عليها تمددها على الأقل على الأقل إلى 7 أيام وما بقول خلها عشرة علشان تحلل السفرية وضربة المشوار