وحيد الجزيرة
12-05-2022 - 01:47 pm
السلام عليكم ورحمة الله وبركاته
عندي ولد خالي خلص ثانويه وابوه يبغى يدرسه لغه انجليزيه 6 شهور وبحكم اني زرت ماليزيا قبل كم شهر نصحته يدرسه هناك فوافق ، لكن اخوكم ورط لان خالي طلب مني اشوف له احسن معهد هناك والسكن و
ومن خلال تصفحي قرات عن معهد ELS .فلاحظت ان كثير يمدح فيه ياليت الي عنده فكره عن الفرع في كولالمبور يفيدني ويرد على بعض الاستفسارات التاليه:
1- وين موقعة في كولالمبور.
2- كيف مستوى الدراسة وجنسيات المدرسين والرسوم الدراسية
3- هل يوفر المعهد سكن واذا كان نعم بكم السكن واذا كان لا فما هو افضل سكن وبكم السعر.
واذا في واحد يعرف معهد غيره وممتاز فياليت يفيدني بالموضوع.
ابغى نصيحتكم ياشباب اخوكم في ورطه
وجزاكم الله خير
حياك الله اخوي وحيد الجزيرة ومبروك على نجاح ولد خالك .
1- اعتقد تمشيت قرب البرجين ...ولا اقول عرفت مكتب الخطوط
السعودية بماليزيا ...ان عرفتها اجل وصلت .
2- في رأيي المستوى عالي ...واللي يلاقيه الطالب من جده
واجتهاده بعد توفيق الله ...لكن مستواهم ما عليه كلام ...والمدرسين
ماليزيين وامريكان وجنوب افريقيين ... المستوى=1شهر
ب1250 ريال .
3- يوفر لكن اعتقد انه فل ...وخل مكتب يوفر لك هذا السكن
مع اعطائه مبلغ نظير خدماته ...يوفرون السكن بهوستيل خاص بالطلاب
والغرف حسب رغبة الطالب مشتركة او مفردة .
السكن المفرد بمكيف =800
المشترك =400 ريال شهرياً
في معهد اخر اللي هو انترناشونال هاوس لكن ما انصح به لوجود
العنصر الصيني وبكثرة ...رأي شخصي .
لاجل يستفيد ولد خالك يا اخوي لازم توصيه من هنا ...وتعرفه
انه حامل امانة ...واللعب والتماشي ملحوق عليه ..اعرف اخ راح
بريطانيا رجع لنا براين ادامز ..رجع عازف غيتار بدل ما يرجع بلسان
انجليزي الله يهدينا ويهديه .
وفرع العاصمة اهون من فرع بتالينغ جايا في عدد العرب .
طيب ولد خالك وده يدرس الجامعة عندنا يا اخوي ولا كيف ...
ليه ما ترسلونه يدرس بجامعة ماليزيه ...او تخلونه ياخذ السنه
التحضيرية هناك باللغة الانجليزية وترمين ويرجع بلبل انجليزي
هذه ان بغاها لنفسه لانه اغلبها غير معتمدة عندنا .
موفق اخوي ان شاء الله ...ونعم فيك تفزع لولد خالك وحنا معاك
بأذن الله ولا يصير الا بغيته بأذن الله والسلام عليكم