السلام عليكم ورحمة الله تعالى وبركاته
الاخ الفاضل ggkat ..... انا رايحة لماليزيا بكرة ... لمدة خمسة ايام بس السكن راح يكون في كوالالمبور ... يعني بيننج مش حاطينها في الاعتبار ... بس عطني اسم الزيت وباحاول ادور عليه في كوالالمبور ... واذا حصلته ابشر بالخير .... فالك طيب.
واذا رجعت بابعثه لك من قطر
وتحياتي
اختك
امواج

وعليكم السلام ...
حياك الله اخوي ggkat
والله يشفي الوالدة ويرفع عنها ويشفي مرضانا ومرضى المسلمين .
ننتظر ردود الكرام اللي هناك وان شاء الله ماراح يقصروا .
واعطيني الله يسلمك اسم الزيت ومن فين اشتريته وابشر
ياغالي واخلي حبايبنا بأرض الملايويرسلوهاعلى عنوانك ...
وعطناعنوان صندوق بريدك ويارب انه الوالدة ترتاح اكثر واكثر
وسلم لي على خالتي ... وخبرها ماليزيا كلها تحت امرها
تحياتي لك ياغالي ... وتراني بدأت بنداء للي بماليزيا لاجل
يجيبون الزيت بسرعة لخالتنا ...وكلنا اخوة واحبة والحمدلله
والسلام عليكم

المعذرة اخت امواج ماشفت ردك من اول
كثر الله من امثالك ودربك خضر والله يحقق لكم مناكم
تحياتي لكِ ياطيبة ونعم فيكِ وفي اصلك .. وراعية واجب والله .
تحياتي ..تحياتي .. وتقديري .. من هنا لماليزيا احتراماً لكِ
والسلام عليكم

الله يجزاكم خير أختي أمواج والكابتن الشعيبي كرتون الزيت عندي بالبيت وانا بالدوام وبحاول اني اكتبه في المنتدى الليلة وهوكله بالماليزي ( بس بيفهمه الشعيبي ان شا الله ) وان شالله تحصلونه وباكتب في الليل المكان اللي شريته منه بالتحديد عاد مادري عن طريقة تحويل الفلوس انتو علموني
جزاكم الله خير

وعليكم السلام ورحمة الله وبركاته:
اولا: الله يشفي الوالده ويعطيها الصحه والعافيه....والله يقويك ويحفظك على بر والديك.
اخواني ما قصروا وسبقوني الله يعطيهم العافيه ويكثر خيرهم ويحفظهم يا رب....وانا ايضا انضم لهم....وان شاء الله اني ما اقصر.
لي صديق يدرس بكوالالمبور...وان شاء الله ما راح يقصر.
وكلنا تحت الخدمه

الله يجزاكم خير جميعا وما تقصرون
ماكان ودي أثقل عليكم بس تعرفون الوالدة ارتاحت عليه فودي اسوي لها هالخدمة وعساني الحق جزاها وفق الله الجميع لبر والدينا
بالنسبة للزيت من داخل زيت لونه مايل للزهري أو الأحمر وفيه زي الجذور او سيقان النبات
بالنسبة للكرتون حقه لونه أزرق إلى سماوي الوجهين الرئيسيين واحد مكتوب عليه PENANG NUTMEG OIL وهذا هوالوحيد انجليزي فيه ثم تحته على نفس الوجه مرسوم ثلاث ثمرات صفراء اللون ثنتين كاملة وواحدة بالنصف وفي وسطها الفصمة ( أو العبسه ) حمراء كبيرة والباقي كتابات صينية ثم بالماليزي
Diperbuat oleh
Malaysia Local Fruits Stall وهذي انجليزي
129Mk 2 Sungai Pinang
11010Balic Pulau Penang
Malaysia
BUATAN MALAYSIA
أما الوجه الثاني فهو ماليزي وأحس انه عن المكونات وطريقة الاستعمال وانتو ابخص
فوق رسمة الثلاث ثمرات الصفراء ( قصدي ثنتين ونصف مثل الوجه الأول ) مكتوب بالماليزي وشكله اسم الزيت
INYAK BUAH PALA PULAU PENANG
وتحت الصورة
UNTUK
SAKIT PERUT DAN BATUK
ATURAN
MAKAN 2 ATAU 3 TATIK DENGAN AIR SUAM
UNTUK KEGUNAAN LUAR
SALAH URAT DAN GATAL GATAL RINGAN .SAPU DI TEMPAT YANG SAKIT 3 KALI SEHARI
على الوجهين الجانبيين واحد صيني خالص والثاني باللانجليزي
INDICATIONS : STOMACHACHE , COUGH (INTERNAL USE
DIRECTION: TO BE TAKEN 2 TO 3 DROPS IN LUKEWARM WATER OR TEA TIMES DAILY
EXTERNAL USE : TO RELIEF MINOR SPRAINS AND CRAMPS , MINOR ITCH, ITCHNESS , LUMBAGO , ARTHRITIS
APPLICATION :3 TIMES DAILY BY RUBBING SLOWLY ON TO THE EFFECTED PART
ذا كل شيء على الدواء
وانا شريته من المحلات اللي تبيع فواكه طازجه ومنتجات حول حديقة الفواكة وعند الشلالات اللي جنبها السعر المكتوب على العلبة 16 ( ستة عشر ) رنجت واذكر اني خذت منه ثنين بثلاثين رنجت
شاكرا لكم رغبتكم في مساعدتي
جزاكم الله خير

نسيت اذكر انها حديقة الفواكه في بينانج

حياك ربي اخوي ggkat
ابشر ياغالي ... وربي ييسرها بأذنه سبحانه .
الله يخليك لو تعطينا عنوان صندوق بريدك
والكلام الماليزي فيها شرح لطريقة استخدامها
وذكروا انها زيت ثمرة شجرة البالا ببينانغ
يعني غالباً راح نلقاها ببينانغ ماتشيل هم بأذن الله .
وطيب انك كتبت العنوان ...
واالي كتبوه بالماليزي =يستخدم لالجل الم البطن والكحه
تشرب نقطتين ل3 نقاط تحطها في موية دافية او للدهن الخارجي
للالام والحككان الخفيف ...وتدهنها في مكان الالم 3مرات يومياً .
buatan malaysia = made in malaysia
minyak = زيت
الله يجزاك خير اخوي ... وربي يخلي لك الوالدة وتنال رضاها
واجرها وادعي لي معاك انا كمان لأني زيك
واخوك راح يكلم شخص ويوصيه بستة قوارير .. يكفي ولا نزيد .
ولكن اخدمنا واعطينا صندوق البريد لاجل مباشرة يرسلها من
عنده لك ... والله يوفقك ياسيدي ... وسلامي للخالة وربي
يشفيها ويرفع عنها وعن المسلمين .
ولك تحياتي وتقديري والسلام عليكم

عمي الشعيبي
الظاهر ان اللي يتكم عليه الرجال غير اللي تقصده
اللي يقصده الرجال هو زيت جوزة الطيب
وتراهم نصابين بالاسعار
اذكر ست علب قالي ب96 رنقت
قلت له 60 رنقيت ورفض
المهم مشيت من عنده يلحقني ويعطيني ب 60
ولوني قايله ب 30 قال زين