من رأي اذا انت قاصد استراليا بمدة اطول خذ معك أسترالي من الرياض وأصرف
بعض الشئ اللي تحتاجه في هونج كونج هذا خيار
ولك خيار ثاني انك تأخذ معك شئ بسيط من الدولارات يمشيك اول ماتوصل خاصه اذا حاجز فندق
من الرياض ولاراح تصرف كثير اول ماتوصل غير التاكسي والاكل وباقي مصاريفك خلها شيك سياحه
وخذ معك مبلغ من الرياض يمشيك بهونج كونج
وبامكانك استخدام بطاقات الصراف من اي مكان بس بيحسبون عليك فرق عمله زياده بسيطه .
يعني لاتشيل هم ترا الموضوع بسيط لك عدة خيارات مادامك ماراح تشيل مبلغ كبير
امنياتي

أشكرك أخوي سحاب الجزيرة على مرورك وعلى ردك ..
أنت زي ما قلت .. الموضوع ما يستاهل كثير
لكن مجرد استفسار ومشاورة
لأن بعض الناس يقول اصرفها دولارات أمريكية وبعدين حولها إلى هونج كونج أو استراليا
فقلت اسأل اللي عند خبرة
مع العلم أن معي بطاقات الصراف والبطاقات الائتمانية
لك تقديري

المهم لاتطلع من مطار الرياض وبجيبك ريال .. خل أساس دراهمك .. دولار أمريكي .. والباقي استرالي .. ومصاريف هونغ كونغ .. حول من الدولار الأمريكي الى دولار هونغ كونغ من المطار .. حينما تخرج من صالة الأمتعة ستجد مكتب للتحويل على يمينك .. واذا استقرّيت بفندق امبريال فمكاتب التحويل والصرافة تبعد عنك خطوات .. أول ماتطلع من الفندق اتجه يمين .. وبعد ثلاثين متر تقريبا ستجد محلات الصرافة .. موفق بإذن الله

الله يحفظك يا أبو مروان
أنا الصراحة ما أدري وشلون أرد لك جميلك
اللي أقدر أسويه لك هو : الدعاء لك بظهر الغيب بأن الله يوفقك ويسدد خطاك
ويسهل لك أمرورك ويوفقك لما تتمنى ..
سؤال صغير تعقيبا على كلامك :
ليش أحولها إلى دولارات أمريكية ؟؟؟؟؟؟؟؟؟؟؟؟؟؟؟؟؟؟؟؟؟؟
ليش ما أحولها كلها دولارات استرالية وأرتاح ؟؟؟؟؟؟؟؟؟؟؟؟؟
هل تفرق بسعر الصرف أو فيه سبب معي لتحويل بعضها إلى دولارات أمريكية وبعضها إلى دولارات استرالية
وشكرا لك مقدما
محبك