هلا بأختنا الغالية ( أحلى زوجة )
أسأل الله أن يوفقكم في رحلتكم القادمة ... وتفضلي هذه الأماكن المهمة
أهم الأماكن السياحية في لنكاوي
1) التلفريك ... من أروع الأماكن في لنكاوي ... ومن الأعلى تستطيعون رؤية لنكاوي كلها ...
2) رحلة المانغروف ... أجمل نشاط في لنكاوي وهي رحلة بحرية تستغرق أربع ساعات مليئة بالمتعة
3) ميدان النسر .. أشهر معلم في لنكاوي
4) الشلالات والأبار السبعة ... وهي قريبة جدآ من التلفريك
5) حديقة ليجندا ... جميلة جدآ وتنتشر بها المسطحات الرائعة والتي تفتح النفس بصراحة
6) جولة الهيلوكبتر ... ومكتبهم موجود في مطار لنكاوي
7) حديقة التماسيح والفواكه والطيور
8) زيارة منطقة ( كواه ) ... القلب النابض في لنكاوي وفيها كل الأسواق والمطاعم ...
أهم الأماكن السياحية في بينانج :
1) النشاطات البحرية في (شاطيء باتو فرينجي ) ... وفندق البارك رويال يقع على هذا الشاطيء
2) زيارة الحدائق ( التوابل - الفواكه - النباتات - الفراشات )
3) هضبة بينانج .. والصعود لها عن طريق عربات ..
4) بحيرة ( أرتيم ) رائعة وساحرة جدآ ... أنصحكم بزيارتها
5) زيارة منطقة ( جورج تاون ) قلب بينانج النابض وفيها كل الأسواق والمطاعم والمراكز التجارية
6)زيارة المتاحف والمساجد ... أسألوا أي تاكسي راح يوصلكم لها بأذن الله
7) رحلة بحرية إلى جزيرة القرود ... وهي تشبه رحة المانغروف في لنكاوي
8) هناك جزر قريبة من بينانج .. منها ( بينار ) إذا عندكم وقت روحوا لها ... وإذا ماعندكم وقت لاتروحوا عادي
بالنسبة لأهم الأماكن في كوالالمبور :
1)زيارة البرجين ... يجب الحضور قبل الساعة ( 8 صباحآ ) للحصول على التذاكر المجانية وهي توزع لأول ( 1000 زائر فقط )
2) برج المنارة ... بجوار البرجين ومن خلاله تستطيعون رؤية ( كوالا ) من الأعلى في منظر بديع ورائع
3) شلالات كوالالمبور ... وهي تبعد عن العاصمة ( ساعة بالسيارة )
4) مجمع حدائق ( بردانه ) ... رائعة جدآ هذه الحدائق لاتفوتك ...
5) عالم تحت البحار ( أكواريا ) ... كأنك في قاع البحر ... ترى سمك القرش على الطبيعة أمامك
6) زيارة المجمعات الكبرى مثل ( التايم اسكوير - البافليون - البي بي بلازا )
7) زيارة أفاموسا ... وتبعد عن العاصمة ( ساعتين ) وفيها عروض رائعة مثل الكاوبوي ومغامرات الحيوانات ( أعزكم الله )
8) زيارة المسجد الرائع ( نيجارا ) ... وهو مسجد جميل ومن أبرز المعالم في كوالالمبور
وافي بزمن جافي

عليكم السلام ورحمة الله وبركاته
والله تنقلاتكم كثير الله يعينكم
واشوف لو تلغون السكن بجينتنق وتاخذون منها يوم لبينانق ويوم لكوالالمبور
والترتيب اشوف يبي له إعادة ترتيب الأفضل لو باقي ماخلصتوا
سيلانقور ليلتين -- لنكاوي ثلاث ليال -- بينانق ثلاث ليال -- كوالالمبور تريدرز ليلتين -- كوالالمبور الويستن ثلاث ليال
الفنادق ممتازه ومن افضل الفنادق
وبالنسبه للأماكن اللي تستحق الزياره بأقولك المهم وشوفي الرابط اللي تحت فيه كل شي
في سيلانقور
ملاهي الصن واي لاقون المائيه والله يغفر الذنب كلها خلط ملط وسوق البيراميد هذي أهم مافي سيلانقور
لنكاوي
أهم شي رحلة المناقروف البحريه تحجزها من المطار او من نفس الفندق او من مرسي السفن
قارب خاص من 250 الي 300 رنقت تقريبا لمدة ثلاث الي اربع ساعات
وعندك في لنكاوي تلفريك لنكاوي وقريب منه شلالات الأبار السبعه الطلوع لها شوي متعب بس رياضه
وبعد عندك ميدان النسر وحديقة ليجندا والأسواق القريبه منه ممكن تروح له علي نهاية العصر وتشوف الغروب
وحديقة الفواكه وتاخذ جوله في المدينه لو حبيت
وقريب فندق البلانجي بيتش عالم تحت البحار ولو بتزور اللي بكوالالمبور فهو يكفي وافضل اقصد اللي بكوالالمبور
وفيه أماكن ثانيه مثل التماسيح وغيرها نصيحه انا أعتبرها مضيعة للوقت والمال فخلك بشاطئ الفندق وفعالياته افضل
وبالنسبه لبينانق
اهم شي في بينانق شاطئ الباتو فرنجي خلك فيه عصريا
من بعد صلاة العصر الي بعد صلاة المغرب كل الفعاليات والألعاب البحريه موجوده فيه ومسابح الفندق رهيبه
وفي الليل عندك السوق الليلي هو سوق عادي جدا لكن التمشيه بالشارع في الليل مش بطاله
وعندك في بينانق هضبة بينانق وفي طريقها فيه محل لبيع القهوه والشوكلاته السواق بيوديك اصلا لأن له عموله
وفي بينانق حدائق مثل الفراشات والتوابل والقرود لو انت من محبي الحدائق وفيه مجمع وسوق جيرني بلازا
قريب منه بيتزا هت ومطعم تشيليز وعندك مجمع كوينسبي بعيد من شاطئ الباتوفرنجي وجيرني بلازا يغني عنه
وفي بينانق بعد رحله بحريه لشاطئ القرود مع الغداء ورحلة المانقروف في لنكاوي تغني عن اللي ببينانق
ونصيحه محلات مثل الذهب والأقمشه مضيعة وقت ومال مالها داعي تروح لها وفي بينانق حديقة فواكه لو رحت بلنكاوي كفايه
وبالنسبه لكوالالمبور
الأماكن كثير عندك اهم شي البرجين ومجمع سواريا وحديقة البرجين بعد العصر جميله جدا جدا
وفي نفس منطقة البرجين عالم تحت البحار لو مارحت للي بلنكاوي تروح له وهو افضل
وفي كوالالمبور شارع العرب في الليل أسواق ومطاعم ومقاهي وحركه ووناسه
وتخصص يوم لجينتنق من الصبح للمساء وعندك مجمع التايم سكوير يستحق الزياره سوق والعاب وفندق وعندك برج المناره
وبالنسبه للحدائق لو تحبها عندك حدائق الفراشات والطيور والزهو تروح لهم بنفس الوقت مع حديقة بردانا
وفيه ياطويل العمر حديقة الحيوان حلوه مش كبيره ولو بتروح لها تروح لشلالات تمبلر بارك مو بعيد مره منها
وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه اغلبها مباني
حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا والله ماحبها وكن ممكن تعجبك عروض كاوبوي وسفاري وحديقه بسيطه وحاجات ثانيه
يبي لها يوم كامل وهي خارج كوالالمبور بحدود ساعه ونص
وفيه اماكن كثيره اكيد اني ناسيها ولكن انا ذكرت الأهم
https://artravelers.com/p/re/452938

الله يجزاك الخير
ماقصرت
كمانا عندي كم سؤال السموحه ...
طيب لو نبغا ناخد لنش في لنكاوي , ورحلة الشواء في بينانغ كيف طريقة الوصول للمكتب؟؟.,.,.
وافاموسا تستحق الزياره ولا ؟

احلى زوجه
هلا بأختي الغالية ....
بالنسبة في لنكاوي ... عندكم ( رحلة المانغروف ) رحلة بحرية بقارب خاص ومدتها ( أربع ساعات ) وسعرها بحدود 350
رنقت ... وحجز الرحلة عن طريق مكاتبهم في المطار ... أو الفندق بعض الأحيان يجيب الرحلة بسعر أرخص
ورحلة ( الشواء ) في بينانج ... في مطار بينانج هناك مكاتب كثيرة جدآ لتنسيق الرحلات ... أحجزوا من عندهم
وافي بزمن جافي

السلام عليكم
رحلة المانقروف في لنكاوي ممكن تحجزوها من المطار وممكن من نفس الفندق
وممكن تروحوا علي طول إلي المرفئ وتحجزوا من هناك بس بيطلع شوي اغلي
عموما بوت خاص يكلف من 300 الي 350 رنقت
وبالنسبه لبينانق نفس الشي من الفندق او من المكاتب الموجوده في شارع الباتوفرنجي
وانتبهوا من الأشخاص اللي بالشوارع لاتحجزوا عن طريقهم وسعرها من 250 الي 300 رنقت
افاموسا والله عني ماتعجبني ممكن تعجبكم عروض كابوي وسفاري وعروض طيور وحيوانات

zazaz
وربي حطمتني ههه
ترتيبك نفس ترتيبنا بس زودة يوم لوستن بكوالا
ويوم لبينانغ
ومافي مجال للتغير لان حجزنا .,.,
ودحينا لازم ادون كل معلومه استفيدها منكم .,.,.,....
الله يعطيك العافيه

وش السالفه يابو هلا كل مارديت إلا وانت راد قبلي
انت ماخذ دوره في الكتابه علي الآله الكاتبه وش هالسرعه ماشاء الله
شكلي بأجلس ربع ساعه ثم ارد اتأكد مانت موجود

انا قصدي رحلة لنش مو المانغروف
اللي ابغا رحلة روقان يعني يكون في اللنش عشا وروقان زي كدا.,., اتمنى تكونو فهمتو قصدي