1. اول ماوصلت بالسلامة لفينا كنت ساكن في Holiday Inn Vienna South

بسم الله الرحمن الرحيم
اكتب موضوعي هذا للجميع حتى تعم الفائدة اعزائي يمكن كل واحد فيكم يتمنى انه يسافر وهو مايحاتي شي من كل النواحي
قبل كل شي حبيت احيي كل الاعضاء القائمين على هذا المنتدى الرائع بل اكثر من ذلك واحي كل مشترك فيكم
كنت اتابع المنتدى من قبل اربع سنوات ولكن لم اشارك بمشاركة وحدة والسبب انه لقيت مايكفي من مواضيع ماخلتني اشارك وكنت اشارك الاصدقاء في رحلاتهم صراحة واسلوبهم الرائع في وصفهم للحرلات كأنني مسافر معاهم
بالنسبة لموضوعنا اللي انا ناوي اتكلم عنه
في سنه 2004 كان اول رحلة لي إلى النمسا وفرنسا وانا ماكان عندي معلومات كافية عن هذي البدلان فقط كنت اسمع في دزني لاند وزال ام سي وباريس فقط
كانت رحلتي على الخطوط الجوية الاماراتية وكانت رائعه جدا" الرحلة متجه إلى النمسا
5 ايام فينا
6 ايام زل ام سي
4 ايام يورو دزني
الحجز كان عن طريق مكتب سفريات بالكويت وهذي كانت مشكلتي و البعض منكم وقع في مصيدة المكاتب لانه اكرثهم هدفهم الفائدة

اول ماوصلت بالسلامة لفينا كنت ساكن في Holiday Inn Vienna South

الفندق كان جيد والمعاملة فية جيدة لكن بعيد عن السنتر وثاني شي كان شهر عسل واول مرة لي في النمسا يعني مااعرف شي كلش وكنت طالب من المكتب مكان قريب هذي اول مشكلة عديناها
المنطقة الثانية رحنا لي زلم سي المنطة جدا" رائعه وجمال طبيعتها خلاب سكنا في فندق اسمه لاتيني اربع نجوم المعاملة فية ممتازة جدا" جدا" حسينا انه مو غريبين صراحة لكن الفندق يبعد 10 دقائق بالمشي من السنتر وهذي مو مشكلة بالنسبة لي لكن كنت طالب من المكتب مكان قريب
وطبعا" كنت حاجز من الكويت تذاكر القطار اللي تودينا يورو دزني طبعا" المسافة من زل ام سي لي يورو دزني تقريبا" 14 ساعه قطار لذلك طلبت من المكتب ونحن في الكويت قطار يكون بالليل لكن المكتب يقولي مافي اي قطار يحرك بالليل مستحيل هناك قطارات بالليل صدقنا واخذنا منه الحجز وكان الحجز القطار يحرك الصبح
لما كنت بزلم سي مريت على محطة القطار وسألتهم عن اذا كان في قطار باليل او لاء قالولي بكل بساقطة انه في هناك اكثر من 6 شركات قطارات شغلها ليلي مثل يورو نايت لاين وغيرها
طبعا" على طول حجزت منهم ودقيت على المكتب وطبعا" عطيتهم شوية كلام محترم
رحت لفرنسا وقعدنا في نيو بورت وكنت حاجز الليلة ب 100 دينار شامل كل شي رحت قلت ليش ما اسأل عن اسعارهم سألت الرسبشن عن الاسعار ما اذكر جم باليورو لكن حسبتها بالكويتي 56 دينار يعني فرق شاسع
هذي اول رحلتي والاخطاء اللي وقعنا فيها........ (ادري انه طولت عليكم لكن حبيت ابين لكم شنو هدف المكاتب )
الرحلة الثانية هي رحلة جميلة لمدة 11 يوم وكات في سنه 2007
5 يام في ميونخ و6 يام في زيورخ
كانت رحلة جميلة جدا" لكن انا اعرض في هذا الموضوع المشكللات اللي وقعت فيها
على طول فكرت اسافر على القطرية حجزت منهم تذاكر السفر فقط وكانت اسعارهم جدا" ممتازة
الكويت دوحة درجة اولى دوحة ميونخ درجة اولى زيورخ دوحة بزنس دوحة كويت درجة اولى وكان سعر التذكرة 650 دينار شامل الضرائب
دخلت على موقع booking وشفت الفنادق اللي عجبتني وقارنت الاسعار مع بعض المكاتب لقيت فندق في ميونخ اسمه regent عجبني كا موقع وكل شي ورحت لمكتب القطرية وحجزت منهم عشان اضمن لانه الحجز عن طريق النت اقل تقريبا" ب3 دنانير عن كل ليلة وبالنسبة لزيورخ انا قررت اروح هناك واحجز بنفسي بالنسبة للقطار قلت اروح بنفسي واحجز من هناك لانه ما ابي يصير معاي مثل ماصار من قبل
توكلنا على الله وسافرنا باليل الساعه 11 والوصول لمينوخ كان الساعه 7 الصبح وصلت اخذت الاندر قراوند لانه عندي خبرة كنت ادرس في لندن ولندن كلها اندر قراوند وصلت للفندق الساعه 8 الصبح تقريبا" بسوي جيك ان ماسمحولي قالو الجيك ان الساعه 3 العصر قلت الحين شلون قلت بضيف من عندي ليله عليهم قالو مايصير انطر حتى الساعه 3 العصر رحت انا وزوجتي لفندق 3 نجوم قريب من الفندق اللي حاجزين فية ونمنا عندهم حتى الساعه 3 العصر
اليوم اللي انا وصلت فية لميونخ كانت درجة الحرارة عالية يعني يحتاج تكييف في الغرف الفندق 3 نجوم مافية تكيف بس شسوي من التعب لازم انام شوية نمت وقمت على موعد الجيك ان الساعه 3 العصر رحت للفندق ودخلت الغرفة الغرفة كئييبة جدا" جدا" وفيها فتحت تهوية ماتبرد والجو حار فقررت انه اشوف فندق اخر غيرة رحت دورت في ميونخ مكان انترنت لانه فندقنا ماكان فية انترنت بحثت عن فنادق فيها تكييف لقيت فندق سوفوتيل خمس نجوم كانت الليلة 199 يورو نفس السعر اللي كان في موقع booking
حجزت عندهم وكلمت مكتب القطرية في الكويت يلغي باجي حجوزات الليللي في فندق regent
يعني حجزت بيوم واحد 3 قناادق والحمدلله كملت باجي الليالي في سوفوتيل وكان جدا" ممتاز وانا انصح فية بالنسبة لزيورخ كانت حجزوزات الفنادق جدا" سهلة اول ماتوصل لمحطة القطار في مكان فية خاص للفنادق لوحة كبيرة على الحيط حاطين ارقام جميع الفنادق تتصل عليهم وتستفسر من نفسك
اللي انا استفدة من السفرتين اللي طافو انه ما احجز إلا اشوف بنفسي ولكن المشكلة هني شنو سفراتي قبل كلها كانت في شهر 9 تقرييبا"
بس الحين انا راح اسافر في شهر 7 لفرنسا وسويسرا والمانيا والنمسا وانتو تعرفون انه موسم شهر 7 هل تعتقدون يا اهل الخبرة انه راح احصل حجز من الفندق دايركت لانه هذي المرة عددنا زاد عن قبل 3 اشخاص وطفلين
تقبلو تحياتي واسف على الاطالة