ماعندي فكرة عن تشغيل النت عن طريق الجوال...لكن بطرح سؤال اذا تسمح لي
اذا أحد جرب الوايرلس انترنت في فرنسا..باريس تحديدا..ممكن يقول لنا كيف طريقة الاشتراك؟
هي ببطاقات؟ ومن وين نشتريها؟ واشهر الأماكن والمقاهي والمراكز اللي توفر الخدمة؟
وكم سعر البطاقة؟ وهل في أماكن أو أوتيلات توفرها مجانا؟

بالنسبة للانترنت عن طريق الجوال فلا يوجد لدي علم
ولكن بالنسبة للويرلس فسبق لي تجربة الخدمة عن طريق الفندق الذي اسكنه وكانت الخدمة موجودة (لابد ان يكون معاك كمبيوتر محمول ويكون المعالج من نوع سنترينتو او توجد به خدمة الواي فاي )
وكان السعر غالي جدا" (الساعة ب 10 يورو )
اما السرعة فكانت عالية (11 ميجا بايت بالثانية )
وقد شاهدت الخدمة موجودة في مطار شارلز ديقول صالة المغادرة
ومن هذا الرابط تجد المواقع التي يمكنك تشغيل الخدمة لديها (طبعا في باريس )
اضغط هنا http://www.wi-fizone.org/zoneFinder.asp
وتحياتي للجميع ...

شكرا على الموقع هذا هو المطلوب!
وحتى عجبني لأن فيه دول ثانية غير فرنسا...حتى السعودية
ولقيت هذا الملف مفيد جداً
للتحميل http://www.wi-fizone.org/zoneLocatorXls.asp?type=.xls
وعلى فكرة لقيت فيه كوفي شوبز توفر الخدمة مجانا
وشكرا المغترب مرة ثانية

انا نفس الشي استخدمت الواير لس في فندق سيتادين في باريس وكان مجاني
وكنت مره في فندق في ليون قريب من الحديقه الكبيره هذيك كانت اسعاره غاليه
واللي الاحظه ان اغلب الفنادق اذا كان مهب كلها توفر الخدمه هذي
بس نرجع ونقول
من اللي جرب الانترنت عن طريق الجوال

المنقفط ايش هي مميزات الانترنت عن طريق الجوال؟
ممكن تكون أفضل من الوايرلس؟

سؤال وجيه
انا اقولك اش مميزاتها
انا الحين في جبال الشيموني اكيد تعرفينها
سكنت قبل كم يوم في فندق النوفيتيل وكان عندهم واير لس واسعاره حلوه كانت الساعتين بعشره ومن الساعه ست الليل الى الساعه تسع الصبح بثنعش ومن الساعه تسع الصبح الى ست الليل بخمس وعشرين ,وفي يوم من الايام طلعت امشي انا والوالد على رجولنا حول الفندق ونمر من ذاك الكامب اللي ياخذ العقل وندخل ونسال على كم الشاليه وكانت شاليهاته حلوه ومرتبه وتطل على مناظر احلى وتعجبنا وناخذها ونطلع من الفندق .الكامب مافيه تلفون ولا واير لس والفندق صارت ساعاته ماتناسبني وانا الحين اكلمكم من مقهى بالسنتر والكامب لو يحطون فيه تلفون ويزودون ميه يورو باليوم اخذته لانه بصراحه خالع وحلو ماينقه الا انترنت وبالحاله هذي ماتجي الانترنت الى عن طريق الجوال
ودام اني جبت طاري الكامب ,, وش فيه كامبات بجبال الشيموني حلوه اذا كنتي تعرفين ؟؟

انا الحين استخدم الوايرلس...حلو ومرن بدون اسلاك ولاحوسه...
نفس الشي الساعتين بعشرة يورو ولازم داخل الاوتيل بس...
لكن في اماكن تغطية ثانية مجانية بدخل منها
بالنسبة للكامبات للأسف مازرت شاموني...لما أزورها وألقى مكان حلو بعلمك
ايوه انت جربت تسأل شركات الاتصال مثل Orange؟
إذا لهم فرع في شاموني؟..
أعتقد يوفرون هالخدمة...إذا تبيني أسأل لك تراهم جنب الأوتيل الحين؟
أو شوف الويب سايت http://www.orange.fr

المشكله اخوك في الله مايعرف بالفرنسي الا بونجو بونسوار ومرسي ولا الحمدلله الانجليزي عندي عسل واذا جيت ابي اتفاهم مع احد او اسال اتوهق مافيه احد يعرف انجليزي وبالنسبه للحقت الاورنج انا اشتغلت فيها من قبل بفندق لوفيتيل بس وش دخلهم بالجوال ؟؟

عادي جرب يمكن يعرفون انجليزي..
وبالنسبة لشركة أورانج هي من أكبر شركات الاتصالات في فرنسا...للجوال والانترنت اللاسلكي...علشان كذا أتوقع يفيدونك...