السلام عليكم
اخوي انت حجزت ولا
ترى في بوكت فنادق وايد حلوه
على سبيل المثال غريس لاند عندك واماري كورال بيتش و بان تاي
كلهم من فئه 4 نجوم وافضلهم موقع بان تاي

شيخ على ربعة
مشكور اخوي عالرد والله جبرت بخاطري
انا ماحجزت للحين بس بخاطري احجز بهالفندق لانه شكله وايد حلو وفيه حمام سباحه خاص داخل الغرفه ... اعرف كل الفنادق اللي قلت عنها ممتازه بس ودي اجرب شي يديد
والمشكله ان مافيه اي تعليق باي سايت من السياح اللي سكنوه لانه توه فاتح
اي بالمناسبه انا اختك ام وهابي

السلام عليكم
والله انا نفسج ام وهابي اول مره اسمع فيه
بس انا من النوع الي ماحب اغير الفندق دامني اعرفه وماحب اجازف
بس الفندق جم نجمه و ين موقعه
وانتي الحين حاليا هناك ولا هني

اخي الكريم لا تشاور الفندق فوق الممتاز بخصوص السعر جرب احجز مع اسيا روم ارخص شيئ بتحصل عندهم طبعا للغرف التى من غير مسبح خاص
http://www.asiarooms.com/thailand/phuket/la_flora_resort_patong.html
اخوك ابو بدر

شيخ على ربعة
اي والله انك صاج
انا دايما اسكن بالهوليدي ان وماعليه كلام بس الظاهر هالصيفيه عندهم تصليحات عاد مابي اغامر واحجز عندهم
اما الفندق اللي انا ذاكرته فهو منتجع وسبا وموقعه عجيب احسن من الهوليدي ان بعد واهوو خمس نجوم
وتقريبا مقابل شارع البانجلا واهوو عالبحر مباشره بدون ماتعبر شارع مثل الهوليدي ان
شكلي والله بتوكل على الله واحجز عندهم
وانشالله الاقي حجز
ادعولي

mzen2100
اخوك ابو بدر
مشكور اخوي بوبدر ماقصرت
انا والله عاجبني وايد خصوصا الغرف اللي بمسبح
ولاقيه حجز ارخص من اسيا روم عندهم عرض تدفع 3 ليالي وتقعد 4 بس مادري مو واثقه بالسايت وايد لاني ولا مره استخدمته وبصراحه اول مره اشوفه
مع ان الريزورت هذا اول ماشفته شفته عندهم وماكان موجود باي سايت ثاني .. بس ماشالله خلال اسبوع لقيته بسايتات ثانيه بس ماعندهم نفس العرض
بحطلك السايت وابيك تعطيني رايك فيه ماعليك امر
عشان اتوكل على الله واحجز .. هذا اذا لقيت حجز
http://www.hotelthailand.com/phuket/la-flora-resort-patong/
يريت تعطيني رايك فيه

عجبتني فكره المسبح الخاص داخل الغرفه وانا قريت عن فندق وفكرت احجز به بس ابي رايكم به اول
http://www.sawadee.com/hotel/phuket/thantipvilla/pictures.html
وارخص بكثير من الرابط اللي انتي حاطته اختي ام وهابي
واذا شفتي الخارطه يكون بعده عن ال باتنق بيج 300 متر
انا فكرت اول يومين اسكن بالقريس لاند عشان عرسان جداد ههه وبعدين اروح thantipvilla واقعد ليله في غرفه ذات مسبح خاص بما ان احنا متحجبات ومانقدر ننزل بأي مسبح حتى لو كان في مكان معزول لكن خطر اذا مكشوف
ايش رايك؟؟

قمر بنت راشد
قمر بنت راشد ... عجبني النك
صح كلامج ودنا نسبح ونستانس
بس الفندق اللي قلتي عنه ماعندهم غرف بحمام سباحه خاص ؟؟؟ بس عندهم غرف مفتوحه على حمام السباحه المشترك
وبعدين الفندق مايبعد عن الجريسلاند وايد اثنينهم على نفس الشارع يعني مايسوى تغيرين وتشيلين اغراضج
ولا شرايج

um wahaby
موقع رسمي لفنادق تايلند وموثوق اخوك ابو بدر