أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
ابي اسألكم عن جهاز القارمن شنو احسن نوع تنصحوني فيه خصوصا اني ابسير لألمانيا وسويسرا وفرنسا
وهل الجهاز يطلع لي كل المحطات ؟؟ والفنادق وغيرهاا
ضروري ماعليكم اماره
اختي في محل في اسمه الانقاوي للكترونيات وهو الوكيل لجهاز قارمن جهاز قارمن
هو عبارع عن دليل للاماكن فقط يعني ممكن ادخلين فيه المكان الي تبينه ويوديج على طول والمحل الي
قتلج عنه عنده جهاز القارمن جاهز فيه شبكة اوروبا بس اهم شي انت اتكونين اتعرفين توجهينا الي المناطق
الي تبونها وبتكون رحلتكم سهله مثل ماتكونون في بلادج
وبنسبه الي الفنادق والمحطات الجهاز بيطلعلج كلشي في الشيرج مثل عن اي فندق او محطه تحتاجينه
بحكم الخرايط الي مخزنه فيه
السلام عليكم
يا جماعه طولوا بالكم و ان شاء الله ما صار الا الخير
اختي الكريمة
من واقع تجربه فجهاز نوفي 205w لا بأس به و يؤدي الغرض
و لكن ان بغيتي نصيحتي بامكانك شراء جهاز نوفي 760
و السعر يفرق شي بسيط تقريبا 300 ريال
و لكن فيه العديد من المميزات
1- مشغل ام بي ثري و بامكانك الاستمتاع فيه بالطريق
2- مرسل اف ام و بامكانك تحويل صوت التوجيه او الام بي ثري الى الراديو و الاستماع الى الصوت بوضوح
3- بلوتوث و بامكانك استخدامه كموبايل و هالشي يبي يكفيكم شر مخالفات المرور لان الهاتف النقال ممنوع استخدامه أثناء القيادة
4- و الاهم من هذا كله ... ميزه اختيار الطريق كالمثال التالي
تخيلي راح تروحين من ميونيخ الى جنيف ... الجهاز راح يعطيك الطريق الاقصر أو الاسرع على حسب اختياركم
و لكن مع جهاز نوفي 760 بامكانك ادخال معلومات الطريق بنفسك
يعني تقولين له ابي أروح من ميونيخ الى جنيف و أمرعلى انترلاكن بعدين مونترو بعدين ايفيان و بالاخير جنيف
و فوق هذا يخزن لج الطريق اللي انتي سويتيه على ذوقج و بامكانج العوده له بالمستقبل
هذا الفرق بين الجهازين و بنظري 300 أو 400 ريال ما هي المبلغ الكبير على هالمواصفات الرائعة
تقبلي تحياتي
مشكورين كلكم نورتوني بس بسألك عن جهاز nuvi 760 يعني اقدر اخليه هو يحدد شو اقرب محطة قطار موجود واقرب فندق مثلا او اقرب مطعم ؟؟؟
لو يستوي جي حلو بيكون انطر ردك
قطريه ^.^
نعم اختي الكريمه
توجد هذه الخاصيه و سهلة جدا جدا
و تسمى خاصية ( نقاط الاهتمام )
مثلا اذا انتم بحاجة الى مطعم ... تختارون ( الى أين ) و بعدها تختارون (نقاط الاهتمام) و بعد ذلك تختارون (مطعم)
فيقوم بوضع جميع المطاعم المحيطة بكم و يضع بجانبها المسافة و يرتبها لكم من القريب الى البعيد
و بامكانكم ايضا البحث عن الاسم عن مطعم معين
و ما عليك سوى اختيار ( الى أين ) و بعدها تختارون (نقاط الاهتمام) و بعد ذلك ( البحث عن طريق الاسم )
و تكتبون mcdonalds مثلا
فيقوم باظهار جميع فروع مكدونالدز المحيطة بكم و يرتبها من الاقرب الى البعد و يضع لكم المسافه بالكيلو
أتمنى أن أكون قد أفدتكم
والخرائط انتي اللي تخزنينها تلقينها عند الشركه اللي باعت لج الجهاز