نايف
27-05-2022 - 11:14 am
صباحكم عسل
عجزت القى رحلة عالسياحية من الخطوط السعودية
لاحد يقولي روح ترانزيت
ماحبها ومالي خلق اوقف وانلطع 5 الى 10 ساعات بمحطة الوقوف وبعدين نكمّل
من يدبّرلي حجز عالسياحي تكفون عن طريق الخطوط السعودية وله مني خالص الدعاء تكفون
رحت للطيار والصرح وفرسان
ولا لقيت شي ابد
كله فل
تصدقون عاد واحد قالي انه يوم يروح شهر العسل قبل كم سنة كان حاجز عالسياحي
يوم ركب الطيارة حطّوه درجة أولى
تدرون ليه ؟
لأنه يعرف واحد بالخطوط ومشّاها له
يقولون اذا تعرف احد بالخطوط وركبت الطيارة وصارت مقاعد الأولى فاضية يقدر يخليك تروح درجة أولى وانت سياحي
واحد من اقاربي يقولي كثير تصير
المهم
انا عجزت القى حجز ابيكم تدبّرون لي تكفون
لقيت حجز بالطقاق على الأولى لكن تذكرتها للشخص الواحد 8000 ريال
يعني الاثنين ب 16000 ريال
يعني قيمة التذكرتين تعادل قيمة الرحلة كاملة
0شيل منها 6500 (قيمة تذكرتين سياحي) يبقى معي 9500
قيمة الفنادق خل نقول 7500
راح يبقى معي 2000 ريال
راح تمشّيني هناك ومعليش لوازودها كم الف
وش رايكم ؟
يوم حسبتها كذا لقيت انها فيه فرق كبير مرة
حتى درجة الاعمال سعرها غالي شوي ( 6000 ريال ) للشخص يعني اثنين = 12000 ريال
وش رايكم
انا بصراحة يوم فكّرت
قلت لأنها رحلة العمر وشهر عسل والواحد مضطّر ... والشكوى لله
وبيني وبينكم المسافة طويلة ( 8 ساعات ) خل الواحد يستانس بالطيارة مقاعد فخمة ووسيعة وخدمة روعه
وش رايكم تكفون
ابي رايكم
اول شي مبرووك الزوااج والله يجمعكم على خير ان شاء الله
ثاني شي ياخوك
اذا الماده متوفره والله ميسر عليك ولقيت حجز لدرجة رجال الاعمال
ياخي دلع نفسك وعروسك وتوكل على الله واحجز ؛؛ على قولتك (( رحلة العمر))
واذا تحب تقتصد ياخووي لك عني كذا حل
يا اما على الانتظار والشي هذا غير مضمون !!
أو
تحجز بالسياحيه على سنغافورة او بانكوك تمكث فيها يومين للسياحه
ومنها تحجز على كوالا بواسطة طيران اير اسيا الاقتصاديه
والعوده من كوالا الى ديرتك
يعني تكون رحلتك من ديرتك الى بانكوك والعوده من كوالا
وبالتوفيق وان شاء الله الاخوان بيفيدوونك اكثر
اخووك الراايق