حياكم الله
هذا جدول سياحي فيه جميع الاماكن السياحية
https://artravelers.com/p/re/395938
وهذي خارطة سياحية فيها كل التحركات من قطار وباص
https://artravelers.com/p/re/199757
واذا فيه سؤال اخر نحن في الخدمه

اخ موادع بصراحه وفرت علي وايد يزاك الله خير بس سؤالي شلون اقدر اطبع الخريطة الي بالرابط وايد عجبتني جزاك الله خير وماقصرت وبالنسبة للجدول السياحي راح التزم فيه بالحرف لاني رايحه اسبوع واحد

بخصوص طباعة الخريطة - موس يمين وبعدين سيف بيكجر - بتنحفض في الكمبيوتر وبعدين اطبعها
ونحن في الخدمة

السلام عليكم ورحمة الله وبركاته
هلا وغلا اختي
وحياكم الله بين اخوانكم وخواتكم وان شاءالله اتفيدون وتستفيدون
ماقصر مشرفنا ودكتورنا وهذا الموضوع زياده عن مجمع الويست فيلد
https://artravelers.com/p/re/238695
واي خدمه احنا في الخدمه

اول شي تسوونه من نفس المحطه تاخذون بطاقه الاويستر مالت الباصات حق اسبوع كامل 16 باوندز اذا عندج من قبل البطاقه بس اعاده شحن و اذا ماعندج 19 باوندز
عند اي محطه باص اذا بتروحين الويست فيلد او سوق شبربوش
باص 94 ( من اوكسفورد مقابل بريمارك او مقابل سلفردجز)
و ممكن تروحين بالاندر قراوند بس اغلا الي محطه سنترال شيفرد بوش
اكسفورد ستريت من بادنقتون مشي .. او من صوب بادنقتون عندج باص 23 او 7 او 159 كلهم يودونج الماربل ارش و اكسفورد او البيكاديلي
هارودز باص 10 ايضا مقابل سلفردجز او 36 من البادنقتون
اسهل و احسن و اوفر شي بلندن الباصات صراحه و انا افضلها علي الاندرقراوند في الاماكن القريبه هذي