تبون اكمل الموضوع ولا لا

وعليكم السلام
ياهلا والله فيك اخوي سالم وياهلا في مواضيعك وتجاربك المعهوده ...
والله اخوي ياليت تكملنا وخاصه موضوع الهدايا علشان فيه أخوه لنا دائماص يسئلون عن نوعيه الهدايا التي قد تهدى للعوائل الخواجيه والتي يحبذونها ...
المهم اخوي عطنا التكمله خلنا نعيش اجمل لحظاتها
تمنياتي لك بالسعاده
تحياتي

الحلقة الاولى
قعدت الصبح ( قبل دوام المدرسة بساعة واحدة تقريبا) ولبست ثيابي ورحت لوقف الباص ***
انتظرت لمن يجي الباص اللي ارقام الباص 104 105 -107 108 109 110
وكان الجو بارد وغير مشمس ومعاي الارقام اللي قعد يحفظنياها صاحب البيت اللي ساكن فيه وركبت الباص لمن لقيت المدرسة طبعا كان فيه ناس تروح مشي وناس تروح بالباي سيكل واللي يروح بسيارة تتنوع الوسائل اللي يروحون فيها الناس للمدرسة.
توقعت بالمدرسة ما فيه ولا شخص عربي ,,,وو دخلت المدرسة وما لقيت ولا واحد عربي وانتظرت بالكوفي شوب وشفت واحد شكله جنه عربي ورحت اكلمه وطلع سعودي قلت زين فيه عربي وبعدين طلعت نتيجة امتحان المستوى وطلعت بأردى مستوى , دخلت الكلاس ولا كل الصف عرب!!!!!!!!!!!!!!!!!!!!!!!!!!!!!!!!!!!!!1 ما عدا وحده المانية اسمها ميخائيلا كانت من سويسرا وتتكلم بالالماني مسيكنه جايه تتعلم انجليزي ولا اتعلمت عربي لان الكلاس كله نتكلم بالعربي والمهم كان التدريس قوي لكن يعلمونا كلمات سهلة مثل فيديو فوتبول وكان الصف كله نكت وغشمره بعدين بعد ما نتهى الدوام رجعت للبي واكلت كان الاكل زين وتعرفت على جم واحد بالمعهد ( كانوا غالبية المعهد سعوديين ) وبعدين نمت على الساعة 10 مساءا طبعا البيت ما فيه تلفزيون او أي شي لان التلفزيون كان مشترك
ان شاء الله التممة في اقرب وقت

ماشاءالله رايحين تدرسون ودرستو الغرب العربي
اخوي وبما انك رايح تدرس حدد صفك قبل تدخل .... واللي شفته شي كثر والله يعافي اخواننا المسلمين من كل محرم ...
نكمل ولا ننتظر التتمه
تحياتي

1. الحلقة الثانيه


2. وقعدنا على العشب بس الجو بالليل بارد وحنا لابسين هدوم ( ملابس - ثياب)

السلام وعليكم
اشكرك اخوي يا ماص على متابعتك موضوعي المتواضع وسأكمل الحلقة الثانية ان شاء الله .......................

الحلقة الثانيه

اليوم التالي قعدت الصبح وكان الدوام عصر( الدوام في مدرسة الاسبكت يوم صبح ويوم عصر وفيه دورة حصتان باليوم وفيه ثلاث حصص باليوم والحصة 2 ساعة )
المهم ما عرفت وين اروح قلت اروح للمدرسة ورحت أكلت شي بالمطعم ورحت عند الكمبيوتر اشتغل على الانترنت ولقيت الشباب العرب ( اغلبهم سعوديون ) وقعدنا سوالف وطبعا ما استفدنا شي ( وبعدين قلنا خن نقلبها سياحة ) ورحت انا ويا واحد من الشباب وقلنا نركب اي باص وندوج ( ندور ) ولقينا موقع سياحي هناك اسمه tower park تور بارك
فيه حدائق وفيه ايس كريم رخيص جدا وبعدين رحنا لصالات العاب فيها العاب تحط فلوس وبعدين تطلعك فلوس وبلياردوا والعاب ثانيه بس اكثر الالعاب فيها ربح وخساره ( قمار) المهم قضينا وقتت ممتع بالتور بارك يمكن قعدنا حوالي الساعتين هناك وبعدين رحنا نتغذنا بمطعم جمب المدرسة يبيع تشكن فيليه وهمبرغر والعياذ بالله يبيع اللحم المحرم لحم الخنزير ويقليه على نفس الطاوله مالت اللحوم البقريه طبعا هذا الشي دريت عنا بعدين المطعم يشتغلون فيها جزائريين .....
وبعديت بدا الدوام بعد الظهر ولكن الكلاس ( الصف ) اللي ندرس فيه كلنا عرب ما عداا الالمانيه عاد ما نفهم شيء لأننا كله نتكلم مع بعض بالعربي ونقعد مع بعض وهم ما يعلمونا بأخلاص وبعض المرات تغيب المدرسة( الابلة) ويحطون لنا فلم مثل فلم مستر بين الفلم الاخير له طبعا استانسنا على الفلم بس ناقص الفشار وتصير قعدت سينما
وبعدين بعد ما نتهى الدوام كل واحد مننا راح لبيته علشان ياكل عند العايله اللي ساكن فيها ( أكل العائله ممتاز جدا بصراحه ولا يوم ما اعجبني الاكل)
بعدين اتلاقينا بالسكوير sqweer i` هذا مثل ما تقلون الحي الرئيسي بالمدينة بعدين راح اكلمك عنه بالتفصيل............

وقعدنا على العشب بس الجو بالليل بارد وحنا لابسين هدوم ( ملابس - ثياب)

خفيفة وبعدين قمت انا وصاحبي نروح للباص ولقيت وجهي يرجف من كثر البرد وقمنا نركض علشان الجسم يسخن نركض نركض............. والحمدلله لقينا الباص مار علينا وركبنا فيه ونزل صاحبي لبيتهم وانا رحت ببيتنا وانا ماشي للبيت طبعا الساعة كانت11 يمكن ما فيه احد بالشارع نهائيا لولا ضو القمر ما كنت شفت شي هناك عندهم القمر اكبر واكثر نور يمكن اقرب لهم من عندنا!!!!!!!!
التممة في الحلقة القادمة

حلو
كمل القصه ,,, عجبتني .

لو عندك صور لاتنسى تحطها ...

السلام وعليكم اختي سفريا ت
ارحب فيج وعلى اهتمامج بالموضوع ومشاركتك به وان شاء الله باجر راح اكمل الموضوع وبحاول اتكلم عن السكوير واجيب لكم صور وبسأل الاخ يا ماس شلون ادخل صور بالموضوع وجزاكم الف خير

ياهلا والله اخوي سالم
اخوي ماصارت رحلة دراسية كلها تونس وسعة صدر .... وشكلك من النوع اللي يحب الأكل .... :d الله يقويك اخوي
اخوي اذا بتحط صور اما عن طريق جيران او ترسلهن لي وانا ارفعهن للسيرفر ونضعهن في موضوعك ... فشوف الأصلحلك وانا بالخدمه
ننتظر التكمله
تحياتي