ابدأ اول موضوع لي في هذا المنتدى الجميل والمفيد بأخطاء وقعت فيها حتى لا تقعوا فيها خلال زيارتكم إلى ماليزياخصوصا للي أول مرة يزور ماليزيا مثلي:
1- لا تشتري شرحة جوال من المطار أو أي محل ثاني إلا إذا كان مكتوب عليها السعر. سعر شريحة الجوال هوت لنيكhotlink من شركة مكسس maxis ب 8.8 رنقت وانا شريتها ب 20 رنقت من المطار وكان وحد قبل هذا قال لي ب50 رنقت فالحذر من هالحرامية.
2- لا تشري شرحتين من نفس الشركة خوصوصا هوت لنيك وخصوصا شريحة الانترنت لان في صن واي لانقن الانترنت من هوت لينك بطيء جدا والاتصالات (انترنت & جوال) من نفس الشركة رديء إلى ابعد حد في بننق في المنطقة اللي فيها الهوليدي ان والسوق الليلي الظاهر عندهم مشكلة في هالمنطقة فقط وجالسين يصلحونها.
3- لا انصح بالذهاب من لنكاوي إلى بننق أو العكس عن طريق الفري ferry لانها جدا قذرة الصراصير يمكن اكثر من عدد الركاب. وإذا تورطت وحجزت فيها فالحذر كل الحذر من عمال التحميل راح يقولون لك انهم راح يركبون اغراضك إلى السفينه وراح يطلعونهم لك بره وراح يخذون عن كل شنطة 15 رنقت (انا كان عندي شنطين وأخذوا مني 30 رنقت) تراهم كذابين راح بس يركوبنهم إلى السفينه اللي ما تبعد عن مكانهم أكثر من 15 متر وراح يلوحونهم بره السفية إذا وصلت إلى وجهتك الثانية وراح تدفع فلوس زيادة علشان يشلونهم لك من السفية إلى الخارج. فأنصح انك انت تشيل اغراضك بنفسك ولا تعطيهم هالحرامية.
4- في بننق ما انصح أحد يسكن في الهوليدي ان لان حماماتهم وانتوا بكرامه ما فيها هوز للطوهور أو حنفيه قريبة واذا تهاوشت معاهم مثلي راح يجيبون لك بالدي صغير.
باقي منطقتين ما بعد ازروهم وإذا في تحذيرات زياده راح اذكرها لكم