وعليكم السلام ورحمة الله وبركاته
هلا وغلا ام سيف ..
احنا جيرانكم في اخن للعلاج ..
رحنا هولندا وبلجيكا ومحد وقفنا ولا حد سألنا ..
الجواز مش مطلوب ولا اتشيلون هم ..
ولكن هل بتروحون وترجعون في نفس اليوم !

الله يشفي مريضتا ومريضكم يأرب نحن ما لقينا علاج في كولون وحولوها على اخن وطلبوا منا ننتقل لاخن للسكن لكن ما عندنا خبرة في اخن لذلك طلبنا ننتظر في كولون بحيث لو وجدوا علاج في اخن ننتقل هناك. وين احسن مكان للسكن في اخن وهل هي مدينة متوفر فيها كل شي؟بصراحة شي طيب اذا نقدر نمشي بدون الجواز يارب تتسهل الامور

بخصوص التنقل بين مدن المانيا ودول مجاوره له لابد من وجود اصل الجواز وفي حالة التفتيش وعدم وجود الجوازات بتكون لم مشكلة مع الشرطة ،،، لانه حصل هذا الشي معاي نفس الشي ولكن الحمدلله انه جوازي كان عندي وفيه الفيزا

أبواا يعني لازم الجواز الاصلي ما ينفع النسخة شكرًا عالتنبيه وين حصلت لك هالمشكلة مع اي بلد؟

كلام مراقبنا صحيح ..
ولكن الحمدالله على كثر مارحنا وجينا محد وقفنا ولا حد سألنا ..
وبما انكم في القطار فما اعتقد راح اتواجهون تفتيش
بالنسبه للسكن في اخن هالفتره صعبه ..
افضل شي تسكنون في فندق واتشوفون شقق بعيونكم ..
انظف شقق هي شقق ام فراس ..
وعلى كثر ماقريت عنها في النت العام ولكن لما جيت وشفت شققها وشفت الشقق الثانيه لقيت ان شققها انظف شي ..
وقعدنا في شقتها العام 3 شهور ..
وبينا وبينها الأجار واحنا انتعامل مع عيالها لانهم هم الي ماسكين الاجارات ..
هل اتحبين رقمهم واتكلمينهم !

لا ما نرجع نفس اليوم عالاقل اربع ايام ديزني وبرج ايفل