أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
سمعت عن جزيرة اندونيسيه قريبه من ماليزيا يطلعون لها بسفينه عن طريق ماليزيا من الصبح الين المساء ومادري من وين ممكن نطلع لها اذا كانت فعلا موجوده لان المصدر شخص قابلته في مكتب السفريات اليوم
ترا سؤالك من جد صعب ... تدري ليه لأن جزر إندونيسيا منتشرة حاولين ماليزيا ... وكلها قريبة من ماليزيا حتى إنه فيه جزر اندونيسية أقرب لماليزيا من إندونيسيا الجزيرة الأم ... إندونيسيا ما شاء الله عليهم مكوشين على الجزر كلها ... يعني المفروض إنك أخذت اسم الجزيرة ... والا على الأقل من وين طلعلها .... عشان نعرفها .... أخذت لك كم صورة من قوقل إيرث توضح السالفه .... شوف هنا مثلا .... الجزيرة الصغيرة اللي فوق لماليزيا واسمها kukup والجزيرة الكبيرة اللي تحت لإندونيسيا ... واسمها karimunbesar ... هنا مثلا الجزر اللي تحت كلها لإندونيسيا .... واللي جايه فوق لسنغافورا ... وفي أعلى الصورة جزيرة ماليزيا اللي ذكرنها أول .... يعني الناس خشه في بعضها .... هنا مثلا اندونيسيا .... أخذين جزر جايه في النص بين طرفي ماليزيا ( الأرض الأم ) و ( الجزء الشرقي من ماليزيا بورنيو ) ... لا وحاطين خط بعد اندونيسيا يعني يا ويله اللي يقرب عاد هنا لا صاروا حبايب وقسموا جزيرة نصفين ... النص اللي فوق لماليزيا والنص اللي تحت لإندونيسيا ... ويا دار ما دخلك شر .... والجزئين لهم نفس الإسم (( جزيرة سيباتك )) حتى تايلند داخله في الموضوع شوف هنا لنكاوي وجنبها جزيرتين تايلندية .. وانت بلنكاوي تقدر تشوفها بالعين المجردة .... القصد من عرض هالجزر أول شي بغرض الدعابة ... يعني كأني شايفك معصب ... وثاني شي عشان نشوف كيف دول شرق آسيا متداخلة مع بعض .... بالتوفيق أخوي أبو مها ... وللأسف بعد كل هالسالفة .... ما جاوبنا على سؤالك .... ممكن إنه في وحدة من جزر اندونيسيا المكاتب هناك مركزة عليها ... بس الصراحة ما عندي فكره أيهم ...
مشكور اخوي ابو ميسم وبصراحه اذهلني مارايت واعتقد ان هالشي بيخليني اغير رائيي واروح للعمه اندنوسيا الي عندها كل هالجزر خصوصا مع زحمة الحجز الله يعين واشكرك جزيل الشكر
أبوميسم
خبيرنا الغالي ابو ميسم
فعلاً من لانجاوي هناك جزر تابعة لتايلاند واضحة تماماً ، وقريبة ايضاً ، وتشاهد بالعين المجردة ، وحسب معلوماتي المتواضعة ، أن هناك رحلات بحرية من لانجاوي إلى تايلند وبالعكس بالفيري ، والرحلة تستغرق ساعة واحدة فقط ، لأقرب منطقة مأهولة ، ومنها تستطيع الدخول إلى تايلند مع المرور على منطقة الجوازات .
لكم خالص تقديري
فيه جزيرة اسمها باتام
اعتقد قريبة من سنغافورة وماليزيا
وإذا اخطيت اسمح لي بحذف اجابتين
طيب احنا لو نجيب 1000 اسم للجزيرة أيش يدرينا أي وحدة اللي تقصدها ياعسل
حتى بقوقل إيرث ماجبتها لغز هذي ولا إيش
ابو تركي
