أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
بسم الله وعلى بركة الله متوجهين اليوم الى انترلاكن من زل ام سي...
ان شاء الله ما نضيع الطريج
وادعوا النا نتوفق ونوصل بالسلامه...
بنطمنكم عند الوصول بالسلامه والاخبار الطيبه باذن الله
حياك اخوي .. اكيد انكم وصلتوا بحفظ الله ورعايته .. وان شاءالله كانت الرحلتة ممتعه .. ياليت يالغالي لو تذكر اهم اشي في الطريق ( الرسوم - السرعة المسموحة - هل الطريق سريع ام هناك طرق جبيلة او انفاق .. الخ )
شكرا لك مقدماً ,,
اكيد وصلتو بالسلامه اذا تكرمت طمني كيف كانت رحلتكم ومتى حركتو ومتى ووصلتو وكم سعر التذكرة للشخص لاني ان شاء الله بيكون خط رحلتي زيك وشايله هم طول الطريق ,,,, اه وبغيت كم بدلتو قطاار ومشكور جزاك الله خير
السلام عليكم... انا الان بانترلاكن وصلنا الحمدلله وكله تمام... على فكرة البارحه كتبت كل شي بس فجاه قطع النت وحاولت اني اتصل مافي فايده والحين انا صاحي من الصبح عشان اكتب لكم انا الان فاللوبي اكتب لكم عشان ما يقطع النت ههه الطريق كان مره ممتاز ومره صعب شويه من زيلامسي الى انسبروك كان صعب شوي وفيه منحنيات كثير وانفاق كثيره تملل ههه بس لما تطلع عالهاي ويه الطريق ممتاز ولا تشل رجلك عن البنزين والله السرعه محدده في بعض الشوارع 80 وبعضها 100 واتوقع شفت 120 بعد طلعنا الساعه 9 ونصف صباحا من زل ام سي ووصلنا انترلاكن 4 و10 عصرا... فيه منطقتين دفعنا رسوم مكان كان ب 7 وشوي يورو ومكان كان 12 وشوي او اكثر ما اذكر كم بالضبط... مرينا بكذا قريه والسرعه محدده 40 الى 50 كم، كنا حاجزين بشقه طلعت مب نفس الموقع مالهم ومش نظيفه لغينا الحجز وسكننا بفندق du nord خذنا الغرفه ب250 فرنك خذنا غرفتين ب500 فرنك لليلة مع الفطور اللي اعده جيد ومش هذاك الريوق السنع ههه بس فيه اخوان خذوا الغرفه ب200 فرنك على حسب العرض والطلب ههه ورحنا امس قمة جينفرو اعلى قمة في اروبا الصراحه برد شديد ابرد عن الكابرون بس روعه وفي مطاعم فالقمه منها هني جيد بس اكله حار شوي ههه واليوم بنشوف وين بنسير وباجر بنغادر انترلاكن بس للحين ما ندري وين؟ بنشوف الدولة القريبه وبنحاول نسير طبعا احنا مب مسوين حجوزات فاي مكان الا في فيننا يوم وصلنا 1/7 يمكن نسير ميونخ عشان طريق العوده لفيننا ويمكن نرد زل ام سي؟!! ويمكن زيورخ بنشوف شكرا للجميع وما اقدر اطول اخاف النت يقطع بعد هذا اللي كتبته سلام واي اسئله انا حاضر
عسى الله يحفظكم