تسلم اخوي على طرحك هالموضوع
اكثر شي عجبني في النمسا طبيعتها الخلابة وجمالها الساحر وطيبة اغلب شعبها وتعدد الوجهات
السياحيه فيها يعني لو بتقعد شهرين الاجازة ما راح تمل كل يوم بتحط لك برنامج مختلف وتقدر منها تروح
للدول اللي جنبها
وما اذكر اني تضايقت من شي فيها الحمد لله في رحلتنا 3 اسابيع وناسة في ربوع النمسا واسبوع كدر
في ميونخ

تسلمين يابنت قطر على التجاوب بس ماقلتي لي وش الشئ اللي مسويتيه ولو حصل لج روحه مره ثانيه بتسوينه ؟

بنأجر سيارة من بداية السفرة لان هالمرة ما اخذنا السيارة الا على اخر اسبوع الحبيب ما كان مقتنع وبعدين
استمتع بالسواقة احم احم طبعا بتشجيعي
وبعد بنحرم نروح رحلة مع مكاتب السياحة خساير ع الفاضي ما قصر هالمنتدى الرائع في الشرح والتوضيح

بارك الله فيج ومبروك فوز العربي علينا وعقبال اليوم جدام السد

والله موضوه حلو بصراحه انا االنمسا كلها اعجبتني جوها رائع ولو انه يقولون انه بالصيف اللي فات كان اشد سنه يجي فيها الحر في اوروبا بس والله هم كان حلو اهلها مرره طيبين ولا شفت اللي يقولون عنه الاعضاء من عبوس في الوجه والا عدم احترام حبيت في فيينا قصر الشنبرون بالمره وحبيت ساحه ستيفن لها رونق خاص برج الدانواب له اطلاله مميزه والاهم من كذا فيينا ا لمترو حقهم سهل جدا وماراح تضيع هناك بعكس حق باريس المعقد
سالزبورغ رائعه جدا واجوائها ساحره وبصراحه انا اعتبرها رومانسيه اكثر من زيلامسي لهدوئها خصوصا نهر السالزاك الجميل اللي ضايقني هناك اني مازرت اماكن كثير مثل قريه وولف قانق ومثل جبل الملح واشياء كثيره حسافه فاتتني هناك لقصر المده انشاء انعوضها مره ثانيه واللي قهرني اكثر واكثر المطعم الايطالي اللي تكلم عنه الاخ حدي مصر في تقريره والقهر انه قدام الفندق اللي ساكنه فيه ولادريت عنه ههه
زيلامسي تجنن حبيتها مع انه في اعضاء ذموها بسبب الزحمه ومعامله اهلها السيئه والشهاده لله اني ماشفت معامله سيئه من اهلها طول الفتره اللي كنت فيها هناك الجو كان ممطر الا يوم واحد طلعت الشمس وصار الجو شوي حاار رحت شلالات كريمل تهبل تهبل بس عيبها الصعود لفوق متعب جدا المفروض يحطون تلفريك والا شي عشان الناس تصعد هناك يعني انا وصلت نص الطريق بعدين ماقدرت اكمل ورحت كابرن بس ماوصلت للثلج حساافه بعد هذي فاتتني ورحت الزحليقه الصيفيه اللي بقريه سلفدين .
وبالنهايه اقول انه النمسا كلها جميله و حلوه واتمنى اني ازورها مره ثانيه بالشتاء بس اذا رحتها ابي المده تكون اطول من المده اللي رحتها بالصيف وازور الاماكن اللي مازرتها .

اخوي el-6awaaash
صدمتني بكلامك الجميل والشكر .. والله انا بعد من قلبي اشكركم ...
والصراحه اللي متندمه عليه واذا رديت النمسا بسويه اللي هو .. اني بصحى من الساعه 5 الفير وبتم امشي في الجو الرائع.... لان كنا كل سنه نسي النمسا نصحا من الساعه 5 ونمشي لكن ها السنه ما نضمنا الجدول ههه وبعد اذا رديت بمشي في كل شارع في ميونخ ... ههه احلى شي بنات ما يشبعون من السوق ..

اشكرك اختي الفارسه والشكر موصول للاخت العزيز فراشة الخليج

انا زرت النمسا بشهر اكتوير سنة 2006 لمدة 6 ليالي نظرا" لطبيعة عملي..وطبعا" وبشهادة الجميع..النمسا في قمة الروعة والجمال..فأن زرت قصر الشنبرون وساحة ستيفن بالإضافة الى مزارع النبيذ ونهر الدانوب والبرج ، أما من ناحية الشعب فهو طيب جدا" ويحترمون العرب عموما".
بخصوص المترو انا عكسك يافاررسة فأنا ما أضيع بباريس بل أضيع بالنمسا نظرا" لأن أغلبيت النمساويين ما يعرفون انجليزي..وكلمات المحطات طويلة ومعقدة نسبيا" مقارنة بفرنسا. وبعد النمسا زرت سلفاكيا بالقطار (حوالي ساعة) لمدة يوم واحد فقط..البلد فقير جدا" لدرجة تحسسك انك مب في أوروبا ، في إعتقادي ان هذه الدولة إنضمت مؤخرا" لدول الإتحاد الأوروبي.

حمدالله على سلامتك وشكرا لمشاركتك