السلام عليكم ورحمة الله وبركاته ،
أخي الكريم ، إحنا رحنا البحرين وسكنا في الجفير في شقق الماريوت ، ثلاث غرف نوم ، مطبخ كبير ، صالة وغرفة طعام ، وغرفة خادمة ، وحجرة غسالة ، بسعر 2000 درهم تقريبا ، والحجز من موقع بوكينغ دوتكوم ، وفي شقق بغرفتين تقريبا 1200 درهم ، شفننا أكثر من مكان بس يبقى الماريوت غير ، بس إذا تبغي أقل من هالسعر ، عندك إليت في ضاحية السيف ، على البحر وقريب من مجمع السيف ومن فندق الريتز كارلتون ، ثلاث غرف ب 1000 وأحيانا أكثر ، الموقع ممتاز صراحة ، وتقريبا شبيه بسويتات رامي ،،
بس إحنا ماعجبنا لأن الشقق الفندقية غير ، ناس من معارفنا رايحين وعجبتهن وايد والناس أذواق .

شكرا على الرد اخي الكريم

بانتظار ردود الخبراء

السلام عليكم اخوي بوفاطمه بالنسبه للفندق الي ذكرته انا سكنت فيه وروعه من كل النواحي ودخلت بوكنق ابي احجز فيه بس موموجود الاني جربته بس حاول تحجز من النت او من مكتب الموجود على جسر البحرين الان السعر يفرق معاك

مرحبا أخوي بو فاطمة ..
بخصوص الفنادق اللي ذكرتها .. راح أعلق فقط على المناطق .. أخوي منطقة الجفير تعتبر من أرقى المناطق في البحرين وأحلاها .. وتوجد فيها جميع الخدمات والمطاعم .. ولكن منطقة السنابس فيها مشاكل شويه فأتمنى أنك تبتعد عن فندق Dream Suites Hotel Apartment وتجوف لك فندق ثاني .. وعندك يا أخوي فندق ميركيور جراند للشقق الفندقية بجانب مجمع العالي والسيف .. وعند فندق فريزر سويتس للشقق الفندية وهو ملاصق مجمع السيف ويوجد ممر يقودك من الفندق إلى مجمع السيف مباشرة .. وعندك أيضاً شقق إليت السيف .. وعند أيضاً منتجع إليت ريزورت سبا للشقق الفندقية على جسر الشيخ حمد اللي يوصل المحرق بالمنامة ..