اخوي البلوي ابجاوبك على الطاير ابن عمي
التربتك سعره 400 ريال ويختلف سعره من محطة لاخرى يعني تقدر تاخذه باقل شوي يعني 300 الى 350 ريال وانصحك تطلعه لان المنفذ السوري يأخذ منك زيادة اذا كان مامعك تربتك
رسوم دخول الاردن 10 دنانير يعني 50 ريال اما رسوم سوريا تقريبا 2000 ليرة اذا كان معك تربتك
المسافة من الشام الى كسب تقريبا 400 كلم
اسعار الفلل ما عندي فكرة بس اسعار الشقق تقريبا في كسب من 2000 الى 4000 ليرة
واسف على التقصير واي خدمة انا حاضر

الترتبتيك اذكر سعره بين 450 الى 500
ومثل ماقال لك اخوي الهقاوي طلع ترتبتك اذا رايح لسوريا

خيو خالد
يا هلا ومرحبا فيك في بوابتنا
الإخوان ما قصروا ويعطيهم العافية واحب ازيد عليهم
في الإردن تدفع 9,5 دنانير يعني 55 ريال
واذا معك سيارة مكتوب فيها 9 ركاب تدفع 21 دينار يعني اكثر من 100 ريال
والأفضل تقص التربتك لأنه بالأساس جمرك الحديثة ما يخليك تطلع بدونه
وهذي مشكلة ربعنا يعني ما يدققون على هالتربتك إلا بالإجازة الصيفية
اما باقي الأوقات ما فيه احد يسألك عنه
يعني بالعربي مزاجية
واسعار الشقق والفلل تختلف بإختلاف الحجم والمكان والنظافة
ميزة سوريا ان كل المدن تجد لها اكثر من طريق وبعضهن لها أوستراد طريق سريع
وبالنسبة لكسب عندك طريقين
اما من اللاذقية على صلنفة 45 كلم وبعدها كسب 50 كلم
او
من اللاذقية فيه طريق اوستراد سريع على كسب وهو تقريبا 70 كلم
وهذا الطريق حتى تتأكد منه عليه بعض القرى مثل ربيعة والقسطل وسد بللوران
وهذا الطريق يوديك على حدود تركيا طبعا بعد ما تتعدى كسب
واتمنى لك رحلة ممتعة وموفقة

الشمال ماعندي فكرة باسعاره
المسافة بين الشام وكسب بما يقارب 450 كم
الاسعار بالزبداني بال4000 ليرة وطالع بيرجع حسب مستوى الفيلا وخدماتها

خيو
نسيتها
من الشام إلى اللاذقية 350 كلم

على الطاير بس ..
أسعار الفلل .. في الزبداي .. من 7000 وفوق إذا تبي شيء يبيض الوجه ..
وتحياتي ،،،

الف شكر لكم وماقصرتوا والله
لكن كيف اجد الطريق السريع الى اللاذقية بدون المرور بالشام

خيو
اعتقد لازم تمر على الشام بس مرور الكرام
فيه طريق يطلعك على اوتستراد حمص
واول ما تدخل الشام اسأل عنه
ومن هالطريق الى اللاذقية تقريبا 350 كلم

الذيب666
شكرا لك يا لذيب
الي اذكره ان فيه طريق يجعل دمشق على يسارك -الى حد ما - بعد دخولك دمشق اذا تبي حمص
هل تغير شيء ؟
ربي يوفقك
اخوك من زمن مارحت بالسيارة