بالنسبة للنقدية الريال يساوي 13.6 ليرة سوري ، على حد علمي العام الماضي ويمكن تغير ،، والله شئ طبيعي انك لابد تأخذ مبالغ وليست جميعها ، واذا بغيت تصرف هناك رح للبنك نفسه قرب فندق الشام فيه بنك واصرف منهم اضمن لك اما اللي يصرفون في الشوارع ماتضمنهم يمكن يكون فيهم الصادق ويمكن يكون فيه الكاذب ...!!
والا بإمكانك انك تصرف من الصراف الدولي اذا كانت بطاقتك دولية ، فيه اماكن كثيره مثل مجمع الستي مول في المزه ، وعندك في فندق الميرديان فيه صراف ، وفيه في وسط الشام قريب من فندق الشام برضو ..
بالنسبة للسيارة تفكيرك جيد اتمنى انك تشحن السيارة للقريات وتذهب انت والعائلة بالطائرة اريح لك واريح للعائلة لأن الطريق غير جيد خاصة من رفحاء إلى عرعر ، ولاتنسى شئ مهم في السيارة عند الحدود لابد انك تأخذ دفاتر جمركية تربتيك سمعت انه إلزامي السنة هذي ، ماعندي اي تفاصيل غير انه قيمتها 300إلى 400 ريال وتقدر الحصول عليها عن طريق مكاتب السفر والسياحة والنقل ...
ارجو انك استفدت لكن قد تكون معلوماتي فيها أخطاء بحكم عدم خبرتي في هذي الامور وماقد ذهبت الى الشام الا مرة واحدة ..
ورحلة موفقه إن شاء الله

اخي فهد هل كنت بفرنسا قبل شهر .انصحك بشحن السياره والسفر بالطائره وصرف خمسة الاف ريال من الاردن قبل منفذ الخروج وعد المبلغ زين قبل مغادرة محل الصرف عدة مرات من الجهتين وبعد العد لاترجعه للصراف وانما اطلب اكماله وبمجرد لمسه له اعد العد وباقي المبلغ احتفظ به وبعضه مع المدام اذا سكنت بشقه امابالفندق يوجد سفتي بكس وانصحك بزيارة كسب وصلنفه وحمص وصافيتا والكفرون واللاذقيه وبلودان ولو تروح يومين لبيروت افضل وترجع...تحياتي.

اخوي فهد مثل ما قالو الاخوان اشحن السياره الى القريات وسافر طياره
لاءن الطريق من رفحاء الى عرعر ومن عرعر الى القريات سيئ..
واما بنسبه لصرف العمله
اليره السوريه غير ثابته يوم طالعه ويوم نازله
تقل حد لنزولها بريال السعودي 13,4 واعلا شي 14
واتوقع الايام هذي سعر الصرف ب 13,7
واما بنسبه الى سؤالك وين تصرف :
انصحك بأن لا تصرف في البنوك السعوديه .. لاءنها بتصرف لك ب 13 ويمكن اقل
اصرف في منفذ الاردن وتنبه عد الفلوس كذا مره قبل تروح.. واصرف في بنك معتمد
وخذ منه وصل بصرف العمله ... على شان التزوير
واتمنى لك السلامه اخوي فهد

1- لاتنسى التربتك ( 400ريال) وبالاردن راح ياخذوا منك 9 نيرات (45 ريال تقريبا) تامين لمدة 3 ايام , وبالشام راح ياخذوا منك (125 ريال تقريبا ) بعد التربتك كانوا اول ياخذوا 270ريال غير رسوم التسجيل اللي مفروض ببلاش بس على مين (غير تعطيهم 100 ليره ) وبالنسبه للدهن اذا انت ناوي تعطيهم شي اعطيهم وريح نفسك (لانهم وبكل كلاحه راح يطلبوا منك ) واذا انت مانت ناوي تعطي شي دقها تتنيحهاو سوي نفسك مانت فاهم شي .
2-بسوريا راح يعطوك كيلو من الورق خلها كلها بالسياره, وفي كروت حمر راح تعبيها بالحدود لكل جواز لاتضيعها لانك راح تسلمها لهم وانت خارج من سوريا الاسد واذا ضاعت اظن ياخذوا 500 ليره على كل كرت .
3- اذا طوفت المده اللي طلبتها للتامين (14يوم اظن ) جهز عمله صعبه عشان الغرامه ، وتكون عمله غير الليره والغرامه على مااتذكر (بحدود 80 دولار ) بس ماني متاكد .
والله يسهلك الطريق والرفيق

نصيحتي لك لا بد لك من خوي

ebnazzam بالنسبة للتربتيك وش الفايده منه مدام اني بدفع لحدود الاردن 45 ، وحدود سوريا 125 ريال ، مااستفدت شئ يقولون إلزامي ، طيب لو ماكنت داري ورحت هناك هل بإمكان طلعه من الحدود والا لا ...

الاخ / مهضوم
بصراحه لسه ماحد اعرفه جرب وراح بدون تربتك واعتقد وعلى حد خبرتي انه من الفوائد العظيمه للتربتك
1- انه يفكك من شر السورن لانه وانت داخل سوريا بالسياره كل شئ يسجلوه على جوازك (حتى اسطوانة الغاز) وطبعا وانت خارج ماتصدق انك تفتك من غثتهم (الحدود) فممكن انك تنسى انك تنزل السياره من الجواز وممكن انهم يتملعنوه وينسوك ثم اذا جيت مره ثانيه الى الشام يعتبروك مسوي جريمه وهي انك مهرب السياره من سوريا .
2-انه اذا كنت ناوي تروح لبنان مع جروب سياحي بباص وتترك السياره بالشام تفتك من موضوع انك تنزل السياره من جوازك لواحد سوري (زي ابو رامي راعي البقاله او حسين ولد ابوحسين صاحب الفيلا اللي انت مستاجرها )

انصحك تصرف من الرياض (الصرفين بالبطحاء ) السعر تقريباً 13.85-13.75 بالصيف ترتفع الليرة
او من الاردن من عند الزعبي او الزغبي والحجي عند حدود سوريا الاردن مضمون ويعطيك ورقة مختومة السعر هناك بحدود 13.75-13.80 ولا تصرف من اي مكان حتى لو عطاك اسعار اعلى " اذا عطاك سعر عالي عن المعقول اعرف انه يبغي ينصب عليك ممكن يعطيك وياخذ جزء من المبلغ ونت ماتحس ونصيحة لا تصرف ونت تعبان ترا ما تركز وسهل غشك حتى لو كنت ذيب
جمارك سوريا لازم تدفع جمرك السيارة بالريال السعودي او العملة الصعبة الاخرى وتحولها من البنك الرسمي من عندهم بحدود 12 ليرة للريال ما ادري وضعهم بعد التربتيك. انتبة لمدة تشيرة السيارة فية 30 يوم وفيه 15 عادة يعطيك 30 يوم اذا كنت بتقعد 15 يوم او اقل خذ 15 يوم اقل بكثير " ما اذكر الاسعار "
من سوريا يمكن تصرف من سوق الحميدية بس يبغالك تطول بالك شوي وتبين لهم انك من محتاج تصرف ضروري بس تبغي تشوف اسعارهم اذا عجبتك بتجي بكرة تصرف مبلغ اكبر تقريباً الاسعار 13.8-13.70
واذا قالك اصرفلك بس اشتري من عندي قولة لا لان سعر الصرف بيختلف وينزل من 13.8 الى 12.8 ويبيعلك بضاعة بسعر اعلى يعني انت خسران من الجهتين
اصرف مبلغ بسيط 1000 ريال مثلاً واذا شفت السعر زين والعملة ماهي مزورة ولا شي اصرف مبلغ ثاني من بكرة وهكذا .
انصحك بالسكن في الزبداني او بلودان جو حلو واسعار رخيصة ولا تنسي تروح شمال سوريا صلفة وراس البسيط واهلها طيبين وعلى طبيعتهم مهو مثل اهل دمشق .
سفر سعيد وعود حميد .

ebnazzam
في السنة الماضية تأخرت عن المدة المحدده للتأمين اللي هي 15 يوم ، وعطوني غرامه ،، لكن ماادري هل انزلت السيارة من الجواز زي ماتقول والا لا ، لكن لو مانزلتها وش يبي يصير اذا رجعت لهم هالسنة إن شاء الله ....؟؟
وشكرا على تجاوبك ...