eng_84
08-12-2022 - 03:00 am
السلام عليكم
اشكر كل من اجاب على تسائلاتي بالسابق
لكن حبيت افتح موضوع جديد لكي يتم الاجابه على اسالتي بالضروره اذا تكرمتو بالسرعه
انا كنت محتار بين استراليا واوربا وطبعا القرار صار على استراليا ونيوزيلاندا
وتم اخذ الفيزا بالامس من النت وارسلولي الموافقه ورقم الفيزا
ولكن انا ما حجزت تذاكر وسكن ولكن حددت الوجهه والسكن واتمني من ذوي الخبره بتطلعون على برنامجي الي اعددته من حكم اللفه على المواظيع
اولا الطيران راح يكون على الخطوط الامراتيه للاستفاره من التوقف المتعدد للطيران
والجدول الي انا حاطه
تاريخ السفر من الكويت الي بريزبين والمكوث فيها 10 ايام من تاريخ 21 السفر والوصول 23 -6
الي 3-7
من ثم السفر على الخطوط الاماراتيه
من 3-7 الي اوكلاند والمكوث في اوكلاند يوم واحد
وبعدها بيوم الذهاب الي كوينز تاون والمكوث فيها 6 ايام من 3-7 الي 10-7
والذهاب على الخطوط الاماراتيه من كوينز تاون الي سيدني تاريخ 10-7
والرجوع الي الكويت تاريخ 13-7 الساعه 6 صباحا
الاسئله الي شاغله بالي يا جماعه الخير
1-هل الجدول حلو وتمام ولا يحتاج تغير على حسب نظرتكم ؟؟؟وبالنسبه لسيدني هل كافي ولا ازيد واشيل من الايام وبالنسبه الي اوكلاند اشوف كانها بسيطه والكوينز روعه وخيال وجو ؟؟
2- بالنسبه لفيزا استراليا طبعا انا خذيتها حاليا بس الي ابي اعرفه طبعا قدمت الفيزا ل 3 شهور
بس الي ابي اساله هل الفيزا اقدر اروح فيها استراليا بعدين اروح نيوزيلاند وارجع الي استراليا يعني الفيزا خروج ودخول ولا بس دخول وتنتهي ؟؟وبالنسبه لنيوزيلاند هل احتاج فيزا ؟؟
3-بالنسبه لكرت التيلفون اذا ابي اشغل النت للواتس اب وغيره شنو تنصحون اي شركه واي باقه ؟؟
4- هل احتاج تامين صحي لاستراليا ؟؟
5- بالنسبه للمدخنين كم كرز زقاير اقدر ادخل؟؟2 او 1؟
6-بالنسبه للرحلات السياحيه في جولد كوست من وين اخذ الرحلات السياحيه وشنو افظل الرحلات الي تستحق الزياره؟؟
7- الكوينز تاون ما هوافظل مكان لاخذ الرحلات السياحيه وما هو افظل الرحلات التي تستحق الذهاب؟
8- بالنسبه لسيدني وين اروح فيها وشنو الاماكن الي تستحق؟؟
9- بالنسبه لجولد كوست طبعا الاختيار الرائج على الهيلتون او الهوليدي ان لكن اشوف اسعارهم عاليه وعموما اذا في فندق نظيف وجيد ويقترح يكون افظل واذا لا مو ضروري
وبالنسبه للكراون بلازا في الكوينز اتوقع اهو الافظل ؟
لكن في سيدني قالولي اسكن في الهاربر لكن اي فندق تنصحون ؟
بالنهايه اعرف ان اسئلتي كثيره لكن طمعان في الاجابه واشكركم مره ثانيه واسف على الازعاج يالاخوه
وضحت انك ستجلس في بريزبن 10 ايام وهذا كثير على بريزبن حاول ان تقضيها في القولدكوست
1-هل الجدول حلو وتمام ولا يحتاج تغير على حسب نظرتكم ؟؟؟وبالنسبه لسيدني هل كافي ولا ازيد واشيل من الايام وبالنسبه الي اوكلاند اشوف كانها بسيطه والكوينز روعه وخيال وجو ؟
الجدول جيد لكن زيد المدة في سيدني وكذلك لا تجلس في اوكلاند اذا كان يوم واحد رتب امور وصولك وخذ طائرة ثانية لوجهنك التالية لان اوكلاند فيها اماكن سياحية جميلة
2- بالنسبه لفيزا استراليا طبعا انا خذيتها حاليا بس الي ابي اعرفه طبعا قدمت الفيزا ل 3 شهور
بس الي ابي اساله هل الفيزا اقدر اروح فيها استراليا بعدين اروح نيوزيلاند وارجع الي استراليا يعني الفيزا خروج ودخول ولا بس دخول وتنتهي ؟؟وبالنسبه لنيوزيلاند هل احتاج فيزا ؟؟
فيزا استراليا للخليجين تعطى سنتين عليك قراءة الفيزا ومعرفة المدة
لان مدة جلوس السائح في استراليا فقط 3 شهور
يمكنك الخروج والعوجة إلى استراليا دام الفيزا سارية المفعول
3-بالنسبه لكرت التيلفون اذا ابي اشغل النت للواتس اب وغيره شنو تنصحون اي شركه واي باقه ؟؟
هناك اكثر من شركة منهم ابتس وفودافون وغيرهم وجميعهم يعملون عروض عليك بالاطلاع على العروض واختيار الافضل لانها كلها توفر الانترنت
4- هل احتاج تامين صحي لاستراليا ؟؟
لا تحتاج إلى تامين صحى لاستراليا ونيوزيلاندا
بالنسبه للمدخنين كم كرز زقاير اقدر ادخل؟؟2 او 1؟
الله يكرهك في هذا الافه لكن يمكنك حمل 200 عبة سيجارة لا اعرف كم علبة احسبها
6-بالنسبه للرحلات السياحيه في جولد كوست من وين اخذ الرحلات السياحيه وشنو افظل الرحلات الي تستحق الزياره؟؟
جميع الرحلات تستحق الزيارة في الجولدكوست ويوجد اكشاك كثيرة في الشوارع المولات الفنادق كلها ممكن توفر لك كل احتياجك من الرحلات
7- الكوينز تاون ما هوافظل مكان لاخذ الرحلات السياحيه وما هو افظل الرحلات التي تستحق الذهاب
هذا السوال اطرحه في بوابة نيوزيلاندا
8- بالنسبه لسيدني وين اروح فيها وشنو الاماكن الي تستحق؟؟
هي العاصمة التجارية ويوجد بها اماكن سياحية جميلة مثل حوض السمك وبرج سيدني وحدائق الحيوان والابرا والمتاحف والكهوف والجبال الزرقاء ...الخ
9- بالنسبه لجولد كوست طبعا الاختيار الرائج على الهيلتون او الهوليدي ان لكن اشوف اسعارهم عاليه وعموما اذا في فندق نظيف وجيد ويقترح يكون افظل واذا لا مو ضروري
وبالنسبه للكراون بلازا في الكوينز اتوقع اهو الافظل ؟
لكن في سيدني قالولي اسكن في الهاربر لكن اي فندق تنصحون ؟
الهيلتون هو الاحدث في القولدكوست هناك الكثير من الفنادق لكن يعتمد علي مكانها كما يوجد الشقق الفندقية كثيرة وهي الافضل للعوائل
في سيدني الدالنج هاربر هي افضل منطقة سكنية وهي على المحيط وبها جلسات حلوه
على الرحب والسعد
مع تحياتي