1. الف مبروك اخوي و الله يهنيك ان شاء الله و يسعدك

الف مبروك اخوي و الله يهنيك ان شاء الله و يسعدك

انا راح اجاوبك على الي اعرفه و الي اقدر عليه و سامحني اذا ما جاوبتك على باقي اسئلتك
في شهر يناير بيكون الجو حار في استراليا و رطب شوي .. اعرف وحده راحت شهر عسل في يناير الي راح و تقول مره ما انبسطت لان الجو كان جدا حار و رطب ... حتى اهل استراليا نفسهم قالوا لنا ان الجو يحتر في هالاوقات
بس من جد انا اشوف ان استراليا تنفع لشهر عسل خصوصا سدني و الجزر الموجوده هناك و اذا انتم راعين فله و مغامرات و رحلات روحوا جولد كوست لان كل شئ فيها
و بالنسبه للاسعار ما ادري اذا كانت اغلى والا ارخص بس اتوقع بتكون غاليه لان بيكون وقتها احتفالات السنه الجديده و عادة يسمون هالوقت high season
و بالنسبه للسكن .. انا من ناحيتي احس ان الفندق بيكون احلى للمعاريس لكن صديقتي لما راحت شهر عسل لاستراليا تقول انهم تحسفوا لانهم ما اخذوا شقق لانك عارف الشقه فيها راحه اكثر خصوصا اذا مليت من اكل المطاعم تقدرون تغيرون في الشقه
و تذاكر الرحلات و الاماكن السياحيه خذها من هناك لان بكل مكان بتلقى كوشك صغير يبيعون فيها تذاكر الاماكن السياحيه و تقدر تاخذها مع التوصيل و الا بدون و يكونون ارخص من لما تحجز من المكان نفسه ...
و بس هذا الي اقدر افيدك فيه ... آسفه على التطويل

ونا بعد بحاول افيدك باللي اعرفة
سيدني بالنسبة للسكن انصحك بفندق شانقريلا بالهاربر او النفوتيل بالدارلينق هاربر والسعر في حدود 800 ريال بس لاتطول فيها اكثر من اربعه ايام
اما القولد كوست اذا كنت تبي شقق عندك الصن سيتي وكراون تاورز واسعارهم بحدود 500 ريال اما الفنادق عندك الهوليدي ان وفندق قولد كوست انتر ناشيونال وفندق الشيراتون بس الشيراتون بعيد شوي عن السيرفس بردايس سنتر وهو مركز المدينه يعني عشر دقايق بالسيارة تقريبا بس انصحك بالشقق واهم شي تكون مطله عالبحر وبالنسبة للمدة لاتقل عن 10 ايام
اما بالنسبة للرحلات والمواقع السياحية تقدر تتطلع على مشاراكات الاخوان اللي ماقصروا واستفدت منهم الكثير
مبروك الزواج مقدما ورحلة موفقه ان شاء الله بس لاتنسى تعزمنا عالعرس

شكرا لكم احبتي على المرور... وفي انتظار مشاركات باقي الاخوان.......
وعقبال اللي ما تزوج ان شاالله ......
فيه استفسار ثاني صغير.... كم تكلفة مصروف اليد هناك....؟؟؟ تقريبا ... هل 1000 ريال يوميا كافية شاملة التمشيات والطلعات والاكل وكل شي؟؟؟
مشكورين مرة اخرى.......

يا هلا فيك اخوي
الاخوان ما قصروا بالاجابة
حبيت اؤكد لك ان الجو صيف في شهر يناير و ابعد عن ملبورن بالذات لانها حارة بالصيف
لكن بقية المدن الجو معتدل بين 22 و 33 درجة
اقترح عليك 5 ايام في سيدني و 10 في جولد كوست
للتمشيات و الاماكن السياحية ياليت تراجع ردودي على هذا الرابط
الى خبراء استراليا... ابي برنامج حلو https://artravelers.com
و تقدر تراجع تقارير الاعضاء و هي موجودة في الارشيف المثبت اعلى الصفحة
انا افضل انك تحجز التذاكر و الفنادق من المكتب السياحي... و بعدين التمشيات عليك هناك انت تختار و تضبط وضعك
و 1000 ريال مصروف يومي كافي و زيادة
اجمل تحية

هلا والله يوفقك إنشالله ويهنيك بأستراليا وصدقني ما راح تنساها :suprise:
وبأكمل كلام الأخوان بأشياء بسيطة يمدحون مره شقق الماريوت اللي بالجولد كوست و بالنسبة للفنادق
ملبورن Vibe Savoy Hotel Melbourne صراحة جنان
هذا رابط الفندق http://www.vibehotels.com.au/driver.asp?page=main/find+the+vibe/melbourne+vibe+hotels/vibe+savoy+hotel+melbourne/view
وجولد كوست HOLIDAY INN SURFERS PARADISE
حلو وانا اعتبره مو هذاك اللي مره بس على سعره مره حلو
هذا رابط الفندق http://www.ichotelsgroup.com/h/d/6c/1/en/hpt/OOLHI/1/pt?ptLink=hd
وكيرنز Rydges Hotels & Resorts مره حلو
هذا رابط الفندق http://www.rydges.com/3/RQCAIR/hotel/CitySuburban/lo.htm
وسيدني Crowne Plaza Hotel
DARLING HARBOUR-SYDNEY صراحة مرره حلو ومريح وراقي
هذا رابط الفندق http://www.ichotelsgroup.com/h/d/6c/1/en/hpt/SYDDS/2/pt?ptLink=hd
وفي شي مرره مهم إذا اخذت تور من اي مكتب باستراليا تاخذ تورين يعطونك واحد فري
والسي وورد والموفي وورد والدريم وورد والوايلت اند وايلد تاخذها بكج (من اي بوابه من بواباتهم او المكاتب) تطلع عليك أرخص.

أنصحك بشركة virgin blue مره كويسه للتنقل داخل أستراليا إدخل على موقعهم
http://www.virginblue.com.au/
وسوي الحجز عن طريق النت وتدفع بالكريدت ومن تدخل رقم البطاقة يسونلك صفحة كونفيرم وتطبعها ورقة عادية وبالمطار تعطيهم الورقة ويعطونك البوردنق ومضمونه هالطريقة أنا مسويها بنفسي مره كويسة وعلى ضمانتي :suprise:
وعلى فكرة السعر ممكن يتغير كثير على حسب وقت الرحله
وأتذكر يوم كنا بنروح من جولدكوست إلى كيرنز
أخذناها بطريقة تخفض لنص السعر وهو إننا ناخذ القطار اللي رايح لمطار برسبن ويكون حجزنا برسبن كيرنز ( وترا بهالقطار يمكن نص ساعة ويوقفك بمطار برسبن )

ترا حاولت أساعدك بمكتب الحجز بس إنت ماشغلت خاصية الرسائل الخاصة لإني ما اقدر أكتب اسم المكتب :55654:

اشكر جميع الاخوان على الردود...... والله ما قصرتوا........ بس محد جاوبني عن المصروف هناك؟؟؟؟ هل 1000 ريال يوميا تكفي ولا لا؟؟؟ وايش الافضل هل اخذ الفلوس معي بالدولار الامريكي او الاسترالي؟؟؟
وشكرا،،،

هلا أخوي وبالنسبة لل1000ريال أظن فتى الشرقية رد عليك وقالك كافية وزيادة.
والدولار الأسترالي ما أتوقع تلقاه لأني دورت قبل ما أسافر ما لقيته نادر جداً وأنصحك تاخذ معك 1500دولار أمريكي حق الزنقة وينفعك بمطار هونج كونج إذا هي طريقك بالترانزيت أو غيره من المطارات وتاخذ معك بطاقة صراف (فرق سعر العملة مو كثير) وأضمنلك بس لاتاخذ بطاقة وحدة خذ ثنتين ولو يكون معك كردت حلو على حلو.