بالنسبة لخط السير منطقي ...
بالنسبة للفنادق موضوعها هيّن يعني ممكن اترتبوها من الشركة او حجز شخصي بواسطة الانترنت وينتهي امرها لكن اهم شيء شو هدفكم من الرحلة .. يعني شو تحبون تشوفون ؟؟ ... هل تحبون الآثار .. أو تحبون الطبيعة .. أو تحبون التسوق .. أم الترفيه ..
أنا عندي كم سؤال .. وإن شاء الله افيدج باللي اعرفه
كم يوم بتقعدون في كل من الصين وهونج كونج ؟؟
ممكن موقع الشركة السياحية ؟؟
على فكرة ترتيب الشركات لازم تحطون بالكم منه واتابعونهم .. تراهم سهل عليهم أن يعدوا البرنامج في ايام ممكن يعدونه لج وبعدين تقولين لهم ماريد اسير فيه عادي عندهم .. اكيد هم ربحانين من ناس ثانين كثير ..
بعدين كاسروهم لأنه أسعارهم مرتفعة مهما كان ..
وأنا رحت مع شركة صينيه وعديت البرنامج معهم .. فيها عيوبها وفيها محاسنها .. لكن هي تجربة مفيدة .. الشركة عادةً لما تسألج عن الفندق تريد تعرف عدد النجوم وهي اترتب الفندق لحالها .. انتوا تقدرون تطلبون مع افطار أو بدونه والشركة توفره ..

bu5ale
أخوي احنا مفكرين باسبوعين او اكثر بشوي يعني من 16 7 الي نهاية شهر 7 ونبي الصراحة من كل شي شوي يعني ترفيه واثار وتسوق طبعا. انا شفت جم شغلة ترفيهية وتسوق بكوانزوا وهونج كونج بعد فيها ديزني لاند حق اليهال . المهم المكتب حتي الوجبات بيوفرونها. يعني نفس التور بس خاص بنا. احنا عمرنا ماجربنا هلون .يعني احنا ناخذ تكسي وانخليه معانا طول اليوم واهوا حتي المطاعم ايودينا. فانت شنو راييك ناخذ بعد المواصلات من عندهم؟ عشان اللغة؟

1. ام احمد76

ام احمد76

بخصوص بكين .. فيها آثار ومتاحف كثيرة .. طبعاً سور الصين العظيم .. و المدينة المحرمة Forbidden City و القصر الصيفي Summer Palace ومتحف بكين .. ومتحف الشمع Beijing Wax Museum وساحة Tiananmen.. أنا جمعتها في خريطة ممكن تفيدج من اهنه http://maps.google.com/maps/ms?hl=en&ptab=2&ie=UTF8&oe=UTF8&msa=0&msid=112021959374488652817.000472db435270318e725..
بالنسبة لكوانزو فيها ترفيه وسوق وايد .. لذلك أفضل تقللوا من الشراء في بكين وتقتصروا على الاشياء المميزة في بكين .. ممكن يفيدوج فيها من زارها من الاخوة .. لأن كوانزو فيها من كل الأسواق .. وبالنسبة شو الاسواق فيها والاماكن افضل انج تشوفين الخريطة وتختارين الاماكن الي تفضلينها .. اما من ناحية السوق ما اتوقع راح تحتاجون الى مترجم لأنه سهل تتفاهمون مع الصينين بالآلة الحاسبة .. أما إن بغيتوا تشتروا اثاث وشي فيه تخصص يفضل تستعينوا بمكتب يوفر لكم مترجم .. الخريطة من اهنه http://maps.google.com/maps/ms?hl=en&ptab=2&ie=UTF8&oe=UTF8&msa=0&msid=112021959374488652817.00046bc485d709d9c9592
هونج كونج طبعاً فيها سياحة وفيها سوق كما تسمى بفردوس الشراء عند الصينين .. ممكن تشوفين الخريطة .. من اهنه http://maps.google.com/maps/ms?hl=en&ptab=2&ie=UTF8&oe=UTF8&msa=0&msid=112021959374488652817.000472dc521afb0d01dd4
انصحج تقرين مواضيع الاخوة عن المدن الي تريدين تروحينها .. كانت لي خير عون في سفراتي إلى الصين ..
طبعا أكدوا على المكتب يوفر لكم وجبات على الطريقة الاسلامية .. مع اني احبذ أنكم تروحوا بنفسكم المطاعم لأنه فيه مطاعم عربية كثيرة في كوانزو وبكين أكيد ما تخلى من الاكل الاسلامي وكذلك هونج كونج .. مواضيع الاخوة تغني خذي عناوينها واسماءها واحفظيها في نوته .. لما تروحين هناك التكاسي توديكم ..
المواصلات نعم تحتاجون أفضل لأنكم عائلة تحتاجون سيارة كبيرة توديكم بس حق البرنامج السياحي ، أما السوق والمطاعم فأنصح تروحوا لها بنفسكم بالتاكسي ..لكن ان بغيتوا الشركة توديكم السوق والمطعم فهذا لازم تشترطوه عليهم لأنه عادةً ما يوفرونه مع الخدمة.. فقط هم عليهم بالبرنامج السياحي ... عادةً 300 رمبي تكفي حق سيارة خاصة ليوم كامل في حدود المدينة ..
اي استفسار انا حاضر ..

تسلم اخوي
احنا مفكرين انروح مع شركة سياحية بالبحرين بتودينا اسبوعين موزعين علي بكين وشنغهاي وكروز بس مع الوجبات بس مو متاكدة 3 او بس 2 بس طالبين علي الشخص في غرفة دبل حول 1100 دينار يعني تقريبا 11 الف درهم . احس المبلغ وايد علينا خصوصا الفنادق بين 5 و4 نجوم

ام احمد76
أقترح عليكم تشوفوا لكم شركة صينية لها موقعها على النت وتفصلون الرحلة لكم باللي يريحكم .. أتوقع السعر راح يطلع أقل من 11 ألف درهم لأنه عادةً كل ما زاد عدد القروب يقل السعر .. وأنا سافرت لوحدي في مدة 10 أيام في أكثر من 4 مدن بسعر 11 ألف درهم تقريباً .. إن شاء الله بتحصلون على سعر أفضل
شركة China Highlights لها صيتها مع أني ما رحت معها لكن راح يتجاوبون معاكم ..
إن فضلتي تشوفين الشركة فاتبعي الخطوات الآتية
كيفية إعداد برنامج سياحي
1. ادخلي الموقع http://www.chinahighlights.com/
2. بتحصلين صورة فيها جملة Custom Tailor اضغطي عليها
3. بتحصلين خيار Advanced Tailor Made Form اضغطي عليه
4. بتطلع لج خيارات المدن السياحية اختاري المطلوبة إذا عندج مدن أخرى اكتبيها في المربع.وعبي البيانات تحت من نوع الفندق والدرجة ونوع الأكل والمواصلات وكل الي يهمج اكتبيه.
5. اضغطي Confirm & Submit وانتظري ردهم عن طريق الاميل.
هذي الطريقة تفيد في معرفة فكرة عن الاسعار والخدمات المقدمة وجيدة للقروب السياحي الي يرغب بالخصوصية بعيد عن الباصات و القروبات الجماعية ..

الفنادق هناك اسعارها اقل من المعروض بالنت ,,
ما اعتقد تحتاجين تتفقين مع شركة سياحية ,, لكن اعتقد انكم بحاجة لسائق فان علشان تركبون كلكم في سيارة واحدة ,,
الفنادق السويتات بحدود 800 - 1000 ريمببي واقل ,, في شينزن وجوانزو ,, بكين ما عندي خلفية عن فنادقها ,,
عندك ميركيور في شينزن رائع لابعد حد ,, اخذت سويت غرفة بصالة كبيرة جدا بسعر 800 ريمببي مع الفطور انتركونتنيتال ,,
فيه فندق 3 نجوم رائع اسمه city inn غرفهم حلوة بس صغيرونه والنت مجاني ,, عيبها ما فيها ثلاجة وكنت محتاجتها لوجود اطفال معي ,, هي كانت مع فطور بس ما ننزل لانه ما يناسبنا , فطور صيني فكنا ناخذ خبز وجبن من الميني ماركت ,
اخذنا السويت ب200 ريممبي ,,
جوانزو اخذنا الفندق من محطة القطار من المكاتب المنتشرة ,, ما فيه لغة تتواصل بها لذلك جهزي ورقة فيها اسماء الفنادق بالصيني واساليهم عن الانسب لك والمتوفر ,,
الخيار الاول كان فل فاخترنا فندق مقارب له لقربه من شارع المطاعم العربية اسمه Asia Hotel نسيت كم نجمة اخذنا السويت ب 600 ريممبي ,,
وكان خيار موفق فكان على بعد خطوات من سوق فخم فيه ماركات عالمية ومن المطاعم العربية ,
اللغة الانجليزية تكاد تكون معدومة ومثل ما ذكروا الاخوان افضلهم بمستوى المتوسط عندنا ,
اسماء المطاعم يفضل تطبعينها وعناوينها بالصيني والاخوان ما قصروا , كل المطاعم والفنادق اخذت اسمائها من المنتدى هنا الله يجزا كل من شارك بكل خير ,
الجو في بداية شهر ماي كان حار وممطر في نهايته في مدينة جوانزو ,, قلت يمكن تحتاجين تاخذين فكرة عن الجو
موفقة ,

ماتقصرون اخواني
انا ودي اروح الصين من تقارير الاخوان الي شفتها وخصوا ان فيها اثار وايد بس متخوفة من الاكل واللغة اذا بغيت اخذ لي مترجم كم بيطلع علينا تقريبا وعندكم رقم اي احد منهم؟

فيه موضوع كامل بارقام المترجمين في الصين والمترجمين يقدرون يوفرون سيارات ,
شوفي حليمة صينية مسلمة من موضوع هداوه ,
وراجي موضوع ابو ضرار اعتقد حق المترجمين ,
بالتوفيق

ام نواف ونورة
السلام عليكم ...
تم التحذير أكثر من مرة من التعامل مع حليمة ....
للعلم فقط ...
أسيرالدوحه