السلام عليكم ورحمة الله وبركاته
يعطيكم العافيه اخواني وخواتي على مجهودكم بالقسم وعساكم على القوه
انا طالب في اكسفورد في بريطانيا
وعندي اجازه وودي اروح يومين تقريبا حق باريس
بس ماعرف شنو الطريقه او افضل السبل
ياليت لو احد يفيدني
وسامحوني لو كثرت عليكم بالاسئله بس انا متعشم فيكم الخير وان شاء الله بتفيدوني
وماتبخلون علي بشي حتى لو بالاجابه على بعض اسألتي
وشلون الطريقه يعني من لندن لين باريس اي محطه ؟ سمعت عن اليورستار
بس ماعرف وين مكانه بالضبط وكم سعر تذكرته
ووين يوصلني بالضبط في باريس هل في كذا محطه والا بس محطه وحده هناك؟
ووين اقدر اروح في باريس يعني شنو اللي الاماكن اللي تستاهل اروح لها ؟
وبالنسبه لدزني لاند هل هي قريبه من باريس وشلون الطريق للوصول لها (تكسي,,قطار,,..)
وكذلك يا اخوان ودي اسأل عن الفنادق المناسبه واللي سعرها حلو ياليت اللي عنده خبره
يفيدني باسم كم فندق لشخص واحد يعني ..
وجزاكم الله الف خير مقدما
واسف على الاطاله