حلم صعب المنال
16-09-2022 - 01:20 am
السلام عليكم ورحمة الله وبركاته
اولا :-احب اشكر كل مشرفين واعضاء هذا المنتدى الرائع الله يعطيكم العافية
ثانيا:- ابي منكم خدمة ابيكم تساعدوني بالتخطيط لرحلة لامريكا بالصيف
انا بصراحة نويت اسافر لامريكا بعد امتحانات الاولاد يعني ب21-6-2012 الى 12-7-2-12 هذا اذا كان في مجال تخلص الفيزا مع العلم اني ما طلبت فيزا لما الحين واذا كان الوقت مو كافي يمكن أأجل الرحلة لبعد العيد .
المهم ابيكم تساعدوني وين اروح ؟ ووين اسكن ؟ وشنو احسن الاماكن ؟
مع العلم اني احب الاستقرار بالرحلات يعني ما احب اقعد بالمدينة ثلاث ايام او خمسة وأحول لمدينة ثانية هالشي ما يمشي عندي انا احب الريلاكسيشن والتسوق بهدوء والقهاوي والاستمتاع بالمكان اللي اروحله يعني اذا كانت سفرتي 3 اسابيع تقريبا ما احب ازور اكثر من مدينتين فساعدوني شنو المدن اللي ممكن نستمتع فيها
عطوني اقتراحاتكم بليز بسرعة
يا ليت تعطوني فكرة مبدئية عن تكلفة الرحلة المتوقعة مع العلم انا 3 اشخاص بدون اطفال
شكرا على سرعتك بالرد وبالنسبة لموضوعك القيم امريكا للمبتدئين كان فعلا موضوع رائع وقيم ومفيد جدا تستحق ان نشكرك عليه
بس لو سمحت انا ابي معلومات محددة ابي تفيدني انت والاعضاء الخبراء بامريكا برايكم ومقترحاتكم
يعني ابي احد يسويلي جدول خاص بالرجلة يشمل الفنادق والمواصلات
مثلا ابي تقترح علي اسافر اسبوع في سان فرانسسكو مثلا بفندق كذا القريب من كذا وكذا وباقي المدة في مدينة كذا وكذا وهلم جرا
يالله واللي يعافيكم ابيكم تساعدوني عطوني افكاركم ومقترحاتكم مع ملاحظة ان ما عندنا سيارة انا اخاف اسوق برا واولادي الله يحفظهم عمرهم 16 و14 سنة يعني بعدهم صغار ما يقدرون يسوقون
وعندي ملاحظة ثانية ,,, انا ابي المدينة تكون معتدلة الجو ما احب الحر والرطوبة واولادي يبون مكان فيه بحر وسباحة
تعتقدون في مجال لرحلة ترضي كل الاطراف والا صعبة ؟؟
بليز لا تاخرون علي بالرد ساعدوني واللي يعافيكم