اخوي بعطيك بعض المعلومات اللي اعرفها وان شاء الله الشباب يعطونك معلومات اكثر
جامعة Orgon State تقع في مدينة كورفاليس والمدينة هاذي تبعد عن العاصمة بورتلاند حوالي ساعة ونص والجامعه نظام كوارتر واللي اعرفه من بعض الشباب انها جامعة قوية شوي
وبالنسبة لاوريغون ومثل ماقريت انها ولاية فيها طبيعة وجمال رهيب والجو بارد شوي لكن الثلج ماينزل عندهم الا قليل لكن المطر دايم
وبالنسبة لمدينة كورفاليس فيها طلبة خليجيين واجد على كلام واحد من الشباب سعودي
الا على فكرة شنو ناوي تدرس ؟؟

الله يجزاك خير اخوي على هالمعلومات
انشالله انا ناوي ادرس محاسبة باذن الله تعالى
استفسار بسيط وش تعني بنظام كوارتر؟

اخي الكريم نظام الدراسة في الجامعات نظامين
1
نظام السمستر ويكون فصلين بالاضافة للصيفي
2
نظام الكوارتر ويكون ثلاث فصول بالاضافة للصيفي
اللي اعرفه ان الكوارتر يكون مضغوط شوي
وماادريم المعلومة هاذي صحيحة او لا
ياليت احد الشباب يعلمنا بالفرق بين النظامين بالتفصيل اذا ممكن

سمعت عن كلية أسمها lewis and clark college
في نفس الولاية ونصحني موظف في مكتب التسجيل بأني أدرس فيها لانها صغيرة وداخل المدينة ومستواها جيد، وبعدين قالي إذا حابة تكملين دراستك في جامعة ثانية ممكن تنقلين... لأني أود أن أحصل على درجتي من جامعة كبيرة
هل يعرف أحد بهذه الكلية؟

سوداء العينين. اي نعم lewis and clark college كليه طيبه وحسب ماسمعته من الشباب انها قويه ويبي لها شغل. وعلى العموم ولاية اوريغن بالنسبه لي جنة الله في ارضه" طبيعه وناس محترمين" وفيها خليجين وبكثره واذا بقيتو اخواني بالنسبه للشباب او لك اختي سوداء العينين. فيه نادي سعودي ويجتمعون فيه العوائل الخليجيه كل يوم سبت. " عوائل من اللي يحبهم قلبكم" بصراحه الواحد يرتاح معاهم ويعتبرهم مثل الاخوان وأكثر.
واذا في استفسار عن اوريغن انا حاضر سواء من الجامعات والكليات واي امور اخرى, سكن شباب نوصيهم عليكم.

اي نعم lewis and clark college كليه طيبه وحسب ماسمعته من الشباب انها قويه ويبي لها شغل.
غريبة الكلية هاذي مو معترف فيها من التعليم العالي الكويتي

شكرا راعي الشرقية، بصراحة طمنتني، على الرغم أنني حتى الآن لم أتخذ القرار بشأن المكان اللي راح أتجه إليه، لكن على الأرجح راح أقضي الفترة الأولى في هذه الكلية فترة تحضير اللغة وأتكتسب خبرة في المعيشة، بعدين أنتقل لجامعة ثانية عشان دراسة الماجستير....
بس حتى اللحين حاسة أني قلقانة ومو عارفة كيف راح أرتب الشؤون الأخرى مثل السكن ووسائل المواصلات، ومتوسط المصروف الشهري اللي يكفي للمعيشة هناك...

نصيحة اخوية لاتفكرين في النقل حاولي تختارين ديرة وتستقرين فيها طول فترة دراستك

اخوي المفجر
وش رايك في مدينة كورفاليس في ولاية اوريجون
لاني انا انقبلت في جامعة اوريجون