شخصيه مهمه
26-08-2022 - 08:07 pm
السلام عليكم ورحمة الله وبركاته
بعد قرائتي لبعض التقارير الحمد لله اتضحت لي الرؤية بالنسبه لتحديد المناطق والحمد لله استقرينا على الغرب ..
بتكون الرحله بتاريخ 21/6 على القطريه الى نيويورك ...
والعوده بتكون نفس الشي من نيويورك ...بتاريخ 15/7
الحين الحيره بعدد الايام لكل منطقه ...وكيف ارتب الايام يعني مثلا وين اروح اول واطلع لوين
لاني لازم ارجع لنيويورك عشان رحلة العوده
رتبتها مبدئيا وعطوني رايكم ...
الوصول 21 /6 لنيويورك ونقعد فيها 3 ايام يوم 24 مغادرتها الى سان فرانسسكو ونقعد فيها 4 ايام وبعدين شمال لوس انجلوس ومن بعدها لاس فيجاس وبعدين جنوب لوس انجلوس وبعدها سان دييقو
ومنها السفر الى نيويورك ..
ادري ان جدولي معتفس
فكرت ان نقطة الوصول تكون لاس فيجاس ..ومره اقول لوس انجلوس ومره سان فرانسسكو
ومحتاره بنقطه المغادره لنيويورك بعد لاني ابي ابدأ في الحجوزات للفنادق والطيران الداخلي
وبالنسبه للطيران الداخلي شنو ترشحون لي افضل بالنسبه للسعر والجوده
وسلامتكم ....
و من سان فرانسيسكو ( بالسيارة ) الى شمال لوس انجلوس ( 6 ساعات تقريبا _ هوليوود ) يستحسن استئجار السيارة قبل يوم من السفر لأن سان فرانسيسكو ما تحتاج سيارة المواصلات متوفرة و اجرة الموقف غالية , ثم الى اورانج كاونتي و يفضل السكن في نيوبورت بيج او ايرفاين , ثم الانتقال الى سان دييجو , و بعدها الى لاس فيجاس ( حوالي خمس ساعات بالسيارة ) و تسلم السيارة الى شركة التأجير ثم الى نيويورك ثم بالسلامة الى بلدكم
ارجو لكم رحلة موفقة