يرجى تاريخ الوصول مع الوقت
وتاريخ العودة
وإن شاء الله ما يقصرون مع الشباب

يامرحبا أخوي ( قلم )
أنا من عشاق ( القلم ) ... والمغرمين به ... حد الثمالة
بخصوص رحلتك ياغالي ... عندك ( 15 يوم ) بدون يومي السفر ...
وهذا التخطيط الأجمل ... والبرنامج الأفضل ... من وجهة نظري المتواضعة :
يومين سلانجور ... فندق البيراميد
أربعة أيام لنكاوي ... فندق الفوربوينت شيراتون
ثلاثة أيام بينانغ ... فندق القولدن ساندس
يومين جنتنغ ... فندق الفيرست وورلد (غرفة وورلد كلوب )
أربعة أيام كوالا ... فندق الرويال شولان
طريقة التنقلات بين المدن :

• من سلانجور إلى لنكاوي ... طيران air asia والمسافة ( 50 دقيقة )
• من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )
• من بينانغ إلى جنتنغ ... الباص بسعر ( 35 رنقت ) والمسافة أربع ساعات ..
• من جنتنغ إلى كوالا ... تاكسي بسعر ( 90 رنقت ) والمسافة ( 45 دقيقة )

مشكور اخوي وافي ما قصرت .. طيب وين اقدر احجز الفنادق عن طريق موقع البوكينغ او غيره اخوي زامل الوصول الساعة 14.55 بتوقيت ماليزيا والعودة الاقلاع من هناك الساعة 2.00

هلابك يالغالي ...
الأفضل طبعا تحجز من النت ... أرخص بكثير من المكاتب السياحية ...
عندك مثلآ ( بوكينق - أقودا - أسيا ترافل ) ... كلها مواقع ثقة ومضمونة
وتفضل موضوعي هذا يساعدك في حجز الفنادق بأرخص الأسعار
https://artravelers.com/p/re/707515

يعطيك العافية اخوي وافي

قلم200
العفو ياغالي ... وأي خدمة ... عطنا خبر بس

ما نستغني اكيد بنطلب بس تحملنا عاد لاني اول مره اسافر مكان بعيد خلني اشوف الفنادق بس وارد لك خبر

بخصوص تذاكر الرحلات الداخلية كيف ممكن احصل عليها وهل توجد بالفنادق خدمة استقبال وتوصيل للمطار ؟؟

هلا بك يالغالي ..
أسعار الطيران الداخلي تجدها في مواقع الحجز ...
عندك مثلآ الخطوط الماليزية وأيضا طيران air asia
أدخل مواقعهم وحط التواريخ + الوجهة ... وتطلع الأسعار
لكن المعروف بأن أسعار الطيران الداخلي بحدود ( 180 رنقت ) للشخص في الوجهة الواحدة ...
وبخصوص ( التوصيل من وإلى المطار ) فهي خدمة موجودة في كل الفنادق
لكن ماأنصحك بهذه الطريقة لأنها غالية ... وسعرها دبل
الأفضل تحجز من التكاسي الموجودة أمام باب الفندق ... وهم كثير ... لاتشيل هم