السلام عليكم ورحمه الله وبركاته ..
اسعد الله اوقاتكم بكل خير ورضى ..
اخواني من خلال متابعتي الطويله للمنتدى استفدت كثير منه خاصه في سفراتي مع الشعب
هالمره الشعب مصمم انه يروح لماليزيا .. وانا مااعرف اي شي عنها الا من خلال تقاريركم
ممكن تساعدوني في تخطيط الرحله .. والاماكن الي تنصحوني بها ..
وياليت بعد رقم تلفون (( ابو حفيظ )) شفت وحده من الاخوات تتكلم عنه .. ابي ناس موثوقه
واللحين نوصل للتفاصيل ..
الرحله من 7/7 ---------> 20/7 /2011
الشعب عباره عن 4 اطفال تتراوح اعمارهم بين 6 سنوات -------> 12 سنه
يعشقون الطبيعه والحيوانات ..
شايفين الالعاب المائيه وتقارير الاخوان عن ماليزيا في المنتدى ..وطايرين فيها
السؤال شلون بالنسبه للالعاب؟ فيه اماكن يقدرون يبدلون فيها ؟؟ اللبس هناك محتشم ولا
ياليت اخواني تساعدوني في تخطيط الرحله .. وقبل لانسى .. تراهم شايفين الشاليهات الي ع البحر ناويه احجز فيها ليله ..
وايش الاحسن التنقل بالطائره ولا الباص احسن ؟ عشان الواحد يشوف مناظر اكثر؟
ويزاكم الله كل خير