عليكم السلام ورحمة الله وبركاته
دام الميزانيه مفتوحه ماشاء الله وشهر عسل فياخذ الفنادق الممتازه
وانا اقترح عليه هالبرنامج بما انها اول مره
ليلتين سيلانقور فندق الصن واي لاقون غرفه كلوب او إذا يبي فيه فلل بمسابح خاصه الليله حدود 1900 ريال
ثم 3 ليال لنكاوي -- فندق الويستن
ثم 3 ليال بينانق -- فندق الراساسايانق او البارك رويال والراساسايانق جناح الراسا افضل فندق
ثم ليلتين الكميرون هاي لاند -- فندق الكاميرون هاي لاند
واخر الليالي بكوالالمبور قريب البرجين فندق الماندرين اوينتل او تريدرز غرفه مطله علي البرجين
او في شارع العرب فندق الويستن او الماريوت والويستن افضل
وممكن إلغاء الكاميرون هاي لاند لأن طريقها طويل ومتعرج ومتعب شوي ولكنها منطقه تستحق الزياره
مرتفعات بارد وجميله جدا ولكنه هادئه ولا يوجد فيها نشاطات
وإذا تم إلغاء الكاميرون ممكن إضافة ليله في لنكاوي تصير 4 ليال بدل 3

عفوا
فندق صن واي هذا اهوه الي في بيتالينغ جايا ؟
وممكن تذكر لي شنو الاماكن اللي يفضل زيارتها في كل منطقه بهاالمناطق
وشنو الفرق بين البرايفت بييج والبييج العادي وجم تكلفة البرايفت
وفندق الويستن مب موجود في booking
مسامحة باغربلك شوي وياي

نونته
نعم الصن واي لاقون هو اللي في بيتالينغ جايا
هو مو بيتش بركه سباحه خاصه ومافيه شي عادي بس فلل فيها برك سباحه خاصه
او غرف في نفس الفندق اسعارها معقوله مو لازم فيلا والتكلفه حق الخاصه من 1500 إلي 1900 تقريبا
وبالنسبه لفندق الويستن فعلا مو موجود في موقع بوكنق إتفاقيات بين الفنادق والموقع وممكن تشوفه بمواقع
ثانيه مثل آسيا ترفل وآسيا ويب دايركت واقودا
بالنسبه للأماكن شوفي هالرابط فيه جميع الأماكن اللي ممكن الواحد يزورها
https://artravelers.com/p/re/452938

برنامج zazaz رائع جداً مافيه أحلى منه للعرسان
وأؤيد بشدة إلغاء كاميرون هايلاند رغم روعتها وجمال طبيعتها بس طريقها شاق ومرهق للعرسان
وألف مبروك عليهم وعقبالك إن شاء الله وكل الشبان والشابات والعزاب والعازبات

ممكن تستفيدي من برنامجي كالتالي:
سلانجور / صنواي لاقون 3 ايام
بينانج / بي فيو بيتش 4 ايام
لنكاوي / منتجع بيرجايا 3 ايام
جنتنق / فيرست وورلد 2 يوم
كوالالمبور / رويال بنتانج 6 ايام
كان كامل التكلفه في هذه الفنادق الجميله والرائعه 7030 ريال
تذاكر طيران على القطريه 5020 ريال لشخصين
اخذت مصروف جيب 20,000 الف ريال ورجعت معي 9000 ريال
مطاعم اعلى مستوى وهدايا وتنقلات واسواق
شامل الافطار وبعض الفنادق يتم تجهيز الغرف يومياً للعرسان مجاناً

ksa1ksa
أخي الغالي ( ksa1ksa )
تحية كبيرة لك يالغالي ... أعجبني جدآ تخطيطك الرائع ... وجدولك المميز .. ماشاءالله تبارك الله
وبصراحة حلاوة السفر في التخطيط والترتيب من كل النواحي ... وفقك الله أخيksa1ksa لكل خير
وافي بزمن جافي

ksa1ksa
اخوي ممكن اعرف من وين حجزت الفنادق
ومتى كانت السفره؟؟
ما شاء الله سعر خرافي
وانا كمان راح اسافر بالصيف شهر عسل
يا ريت تفيدنا

ksa1ksa
كلمة السر هي فندق رويال بنتانج
المفروض التكلفة الحقيقية للفنادق في مدة مثل مدتك 18 يوم = 9000 ريال
لكن أنت لعبتها بذكاء
جيت لأطول فترة اللي هي 6 أيام في كوالا وأخذت فندق سعره رخيص
مقارنة ببقية الفنادق (رويال بينتانج 270 رنقت) هذا اللي أدي إلى انخفاض تكلفة الفنادق

بالنسبه لموعد السفر
بالعام الماضي بنفس الوقت
######################
ممنوع إدراج أسماء مكاتب سفريات مخالفه لشروط وقوانين المنتدى