ABO ALANOUD
11-11-2022 - 06:40 am
السلام عليكم
الله لا يهينكم عندي كذا استفسار لأني مسافر الاسبوع القادم الى دبي ...
س1 - كيف وضع اللابتوب في دخوله لمطار دبي يعني فيه تفتيش عليه ؟
س2 - أنا ممكن آخذ بضايع جمله من دبي هل أشحنها معي بالطياره عادي وهل ياخذون عليها جمارك ؟
س3 - وش رايكم بحجز الفنادق عن طريق الانترنت فيه خطوره أو مضمونه وأسعارها معقوله ؟
اللابتوب تخليه في الشنطة حقته وتحمله وياك عادي، التفتيش هو أنك تخليه داخل آلة الأشعة مع باقي العفش بشكل جدا طبيعي، أحيانا في حالات نادرة مسؤول التفتيش يطلب منك أنك مجرد تراويه أن اللابتوب شغال يعني مو مجرد هيكل محشو بمواد ممنوعة أو خطرة.
شحن البضائع يعتمد على وزنها وحجمها، إذا كانت ما تتعدى 25 كيلو تقدر تمشيها معاك، بعض خطوط الطيران وخاصة الاقتصادية تحسب عليك 20 درهم عن كيلو زائد عن الوزن المسموح، إذا عندك بطاقة المسافر المتكرر راح يزيدون الوزن المسموح حسب الدرجة. تقدر تشحن البضاعة عن طريق أي مكتب شحن وبإمكانك سؤال الأعضاء عن مكاتب الشحن ذات السمعة الجيدة.
جرب هالموقع hoteloogle.com راح يبحث لك عن الفندق في كل مواقع الحجز المضمونة.