في البداية ومع اني بروح لدبي بكرا تقريبا
الا اني اقولك
دبي تخب عليها التسعة ايام هذي
ليه ماتدور لك ديره بارده وتبرد على نفسك وممكن تخلي دبي يومين من التسعة مثلا !

تسعة أيام شوي على دبي...بس لازم تحدد انت شو حاط في بالك....سياحة أو سوق......
في أماكن كثيرة في دبي تستحق الزيارة.....واذا نويت على دبي
وعندك أي استفسار أحنا في الخدمة
أختك المسافرة

اختيار موفق اذا كانت المرة الأولى .. وان شاء الله راح تنبسط فيها

دبي جميلة ... ولكن كما ذكر لك أحد الأخوان ... سياحة دبي (غالبا) سياحة تسوّق لذلك فهي سياحة عوائل أكثر منها سياحة عزّاب ... وهذا لا يعني أنّك لن تجد ما تعمله في دبي ... بل بالعكس هناك أماكن ترفيهيّة كثيرة ...
المشكلة الأخرى ... الجو ... وكما تعلم معظم البلدان الخليجيّة جوّها حار ورطب وتزيد الرطوبة ابتداءا من هذا الشهر ...
ممكن تكون إجازتك موّزعة بين دبي وبيروت مثلا ... أو دبي والمالديف ...

روح أفريقيا - تنزانيا - الحدائق و روح جبل كلمنجارو - بتستانس

واذا جيت دبي - تعال مركز الدعوة (الدعوة و التبليغ) و خلهم يودونك المناطق النائية - هو خروج للدعوة شوفة ناس - اكل حلال و تجول و خدمة للاسلام تبلغ لك آية أو آيتين لبدوي شايب و تشوف متعة السياحة الحقيقية مب سياحة الفنادق
يعني تدخل بيوت الناس و تتعرف عليهم ووالله ثم و الله اذا جربت هالترتيب ما ودك تمل
كل الموضوع انك تسال عن مركز الدعوة بالشارقة تروحلهم و تخبرهم انك جالس يومين و تحب تقضي بعضها بالخروج معهم و جرب و ما بتندم

وأنا من دبي و ان شاءالله ما بتمل البلاد و اذا عندك سؤال حاضر

اخواني الأعزاء أول حبيب ، الطيب، شامان ،المسافرة، سعيد بن علي.
الف الف الف شكر ويعطيكم العافيه على هالمعلومات الحلوه...وفديتكم فد وفد على قولة إخوانا في الامارات...(لا يكون قلتها غلط).
ومشكورين مره ثانيه عالنصايح الحلوه يالحلوين....تحياتي
إختي المسافره..انا رايح تمشيه بس أكيد ان شاء الله اخر يومين SHOPPING..
الطيب:الظاهر كنت بتروح دبي..بشرني شلون الرحله.وش اخر المستجدات
سعيد بن علي: جزاك الله خير اخوي.
شامان أبوي: كلها تسع ايام ماتسوى أوزعها.
Awal_7abib:خشمك يالغالي.
ملحوظه: اسف جدا عالتأخير..بس والله كان عندي مشاكل بالدخول للمنتدى...أستبيحكم عذراً (الله ياللغه)

الاخت العزيزه المسافره :
لقد سمعت عن عروض لطيران الامارات لفندق جراند حياه وغيره من بعض فنادق دبي فهل عندك تفاصيل هذا العرض
تحياتي