aborose
20-04-2022 - 06:44 pm
السلام عليكم ورحمة الله وبركاته..
تحياتي لكم أعضاء المنتدى الجميل....
عندي رحلة عمل لدبي لمدة أسبوع ... ودي أستفيد من الرحلة وألف (بأم روز )دبي كلها بس أريد أنظمها بمعنى:
1- فنادق مناسبه في مواقع مناسبه.ولا أبحث عن الفنادق الغالية مرة لا أريد أضيع فلوسي في الفنادق لأن الميزانية محدودة.
2- الأماكن التي تستحق الزيارة .
3-أسواق أسعارها مناسبة.واسواق تستحق الزيارة .
4-هل ينصح إستئجار سيارة أو بالتاكسي.
5-هل يوجد عروض أخر الأسبوع (مثلاً لجزر المالديف..).
حقيقة أطلعت على جميع المواضيع في المنتدى وكانت جميلة وأستفدت منها كثير ... بس مش عارف كيف أرتب الرحلة..ودي المساعدة من أهل الخبرة.
والله يعطيكم العافية..
هلا فيك اخوي الكريم
والله بالنسبة للفنادق انا اشوف لو انك سافرت قبل 3182003 كان احسن لك لانك كنت راح تستفيد من عروض الصيف بالنسبة لأسعار الفنادق
لأن حسب معلوماتي ان الحين اسعارها دبل (( ضعف )) الصيف .....
ولكن عموماً الاسعار راح تشوفها مرتفعه نوعا ما بالمجمعات التجاريه الكبرى مثل سيتي سنتر وميركاتو و الوافي وبرجمان وامثالها
ولكنك ستعيش بها جواً جميلاً جداً من توافر جميع الخدمات والمقاهي وغيرها من الامور التي ستسعدك بلا شك
بما انك قلت ان ميزانيتك محدوده وبما انك راح تقعد اسبوع كامل هناك فانا اشوف لو تسكن لك في الشارقه اعتقد راح يكون اوفر لك نوعاً ما
والشارقه فيها ايضا مجمعات تجاريه واسواق كثيره استغربت الصراحه من الشارقه لما رحت لدبي اخر مره لاني مريت يوم واحد على السريع للشارقه فشفت فيها مجمعات تجاريه حلوه ومعقوله
يعني اتذكر فيها صحارى مول و ايضا ميجا مول ....
بالنسبة للسياره او تاكسي هذا على حسب مشاويرك ونوعيتك كمسافر
.. ان كنت مسافر من النوع اللي يحب التمشي بالسياره واخذ جولات في البلاد وروحه وجيه اعتقد انك تاجر سياره افضل لان اعتقد السياره البسيطه مثلا كامري راح تلقاها بحدود 100 الى 120 درهم هذا اذا كثرت يعني
وتلقى غيرها ارخص يمكن تلقى ب70 درهم سيارة اجار
لكن التكاسي شوف ياغالي انا كنت اخذ تكاسي دبي للمواصلات (( اللي لونها بيج))
ولكن كنت من النوع اللي يروح السوق العصر وما يطلع الا 9 بالليل يعني اليوم كله هناك ..
تلقى مشوار الروحه مثلا من شارع زايد الى اي مجمع يكون بين 10 درهم الى 15 درهم
هذا روحه بس ... وتحسب معاك الرجعه 15 درهم = 25 الى 30 درهم اماراتي
بعدها اطلع اجيب للاهل عشا من اي مطعم وتحسب معاك ايضا قول 30 درهم ثانيه صارت تساوي 60 درهم يوميا
وكنت اشوف انها اوفر لي بكثير او اجرت لي سياره لا تقل عن 700 درهم يوميا فالفرق كبير جدا
باحط لك الىن كم صورة كذا لدبي وميركاتو وبرجمان
الصورة الاولي لمدخل سوق برجمان