الطيران القطري ليس بأفضل منه ولا الاماراتي
القطري بحرين قطر سنغافورة جاكرتا من 13 الى 16 ساعه
الاماراتي خدامتي ركبت الطائرة 4 العصر بتوقيت السعودية ووصلت الدمام يوم ثاني الساعة العاشرة والنصف ليلا وعليك الحساب
من هذه النواحي بالذات افضلهم الخطوط السعودية كنها مباشرة وماتستعمل باصات
موفقين

ياعزيزي الكريم
انا شخصياً سافرت على طيران الإتحاد اكثر من مره إلى اندونيسيا ولايوجد ماقلت نهائياً ولو لمره واحده ويتم النزول بواسطه الخراطيش وخدمتهم ممتازه وطيرانهم ممتاز .
طبعا كلامي هذا ليس مدح في طيران الإتحاد أو تسويق له ... وانما هذه الحقيقه واكيد عندهم مشكله أو خلل فني طارئ .. ومثل ماهو معروف عند جميع خطوط الطيران يهتمون اهتمام امني مشدد واهتمام بالإنظمه والقوانين لجميع المسافرين ... بس كلامك هذا فريد من نوعه ومستغرب منه !!!
عموما الحمدلله على سلامتك ...
وتقبل تحياتي .. اخوك بومنتظر

أخي العزيز
بصراحة أستغرب كم المديح الهائل لطيران الاتحاد واللي في نظري يعتبر جدا عادي ولا بعد الصيف اللي طاف سافرت فيه حق أمريكا (نيويورك) وصارلي معاه موقف خلاني أغير نظرتي عنه نهائي..بالبداية كانت الشاشة أمامي معطلة وتخيل سفرة لأمريكا أضعاف الوقت لأندونيسيا وبعدها اشتغلت بروحها ولما حان موعد الوجبة كان ابني نائم فاستيقظ بعد ما وزعوا الوجبات بقليل طلبت من المضيفة وجبه له فرفضت مع انهم توهم موزعين الوجبات و...العديد العديد من السلبيات طوفناها عادي بس لايمكن أنسى آآآآخر موقف اللي لا أحسد عليه وصلنا مدينة نيويورك وحان وقت الهبوط ربطنا الاحزمة وتم الاستعداد للهبوط ونزلنا شوي شوي نزلنا الى ان وصلنا تقريبا للأرض ونفاجأ بالاقلاع مرة وحدة طرنا فوق تخيل من تحت لي فوق بصورة فظيعه وكأن الطيار يجرب فينا طرنا وعند الهبوط ( راح اقولها بالعامية هبد فينا هبده) اللي اهتزت الطيارة كلها هز طاخ طيخ ما حسيت بنفسي الا وأنا أصرخ صراخ بسم الله..بسم الله وأذكر الله والناس كلها تلتفت علي اللي واحنا بالمطار واحد مصري يقول حق زوجي في وحدة ذكرت الله هي اللي حفظت الطيارة ومن بعد هالموقف للأسف صار فيني فوبيا طيران بعد ما كنت استمتع فيه....

الحمدلله على السلامه
اهلا بك اخوى ltz342
اشوف الموضوع عادي جدآ
كان من الافضل وضعه فى
تقريرك القادم
تحياتي لك

أنا سافرت عليها مرة واحده و صراحة كانت ممتازة .......... الرحله كانت من الدمام - أبوظبي - جاكرتا - أبوظبي - الدمام
الا نتظار في مطار ابوظبي أقل من ساعة في الروحه وحوالي الساعتين في الرجعه. و كان النزول من الطائرة في مطار أبوظبي عن طريق الانبوب "الخرطوش" ما أذكر انحن ركبنا باصات.

سلام حار لكل من علق وشارك بتجربته و اكيد كل واحد يتكلم عن شي شافه بعينه وليس للتشفي او (التبلي على الناس بلغتنا العاميه)
و غني عن القول ان كل طيران له سلبياته وايجابياته
والمشكلة ماهيب في وجود الباص او الخرطوش ... بالنسبه لي كلهم اوكي .... مع اني رحت قبل اسبوعين لابو ظبي بالاتحاد ونزلنا في ابوظبي من الطيارة على الباص ( يعني مو شي طارئ ولاهي اول مرة )
الوضع عادي جدا الا بالعكس اخر وناسه في اندو وامس امطار على لمبانق و ... ولا اقول بعدين عشان ما يحترق التقرير خ
امس بعد الفطور في ( استون تروبيكانا باندونق) توصيه ( ابن السعوديه ) الله يطول بعمره خ قلت اتواصل معكم بهذا الموضوع والله عندي ملاحظات كثيره اول مره تحصل لي لكن ما بطول عليكم هنا....
بس ملاحظه على الطاير ... امس فرينا شارع الجينز وملحقاته ... كل المحلات وبالذات اللي على الشارع الرئيسي... انسى ينزلون لك السعر المكتوب على البطاقه والله لو تحب الارض يعني خلاص انتهى عصر المكاسرة يا شباب
ومع كذا عندهم شنط واحذيه ( تكرمون) على مستوى راقي مش مثل اللي عندنا .
سلام

ltz342
هلابك ال تي زد
لاوصيك الله الله بالصور والتوثيق لا هنت
البضاعه في باندونق مستويات والتقلد مو واحد في درجه اولي وفيه اوت ليت اصلي فيه عيب مصنعي مثلا
ولا تنسي تكلفه الايجار للمول او للشارع الرئيسي وهلم جر من تكاليف

LTZ342
منتظرين التقرير
ولو يكون التقرير يومي وانت في بلاد العمة ومثل مايقولون بالعامية (( حار ياافول ))

الله يسعدكم ويهنيكم بالعافية اخوي ltz342 وفعلا سويت دعاية مسبقة للتقرير يعني شوقتنا عليه ولا تنسى وخيتك رحاله في أدق التفاصيل
وبعدين يعني على حظي صارت الاسعار ثابته..ممكن هالشي من مصلحتي لأني ماعرف اكاسر فاذا كانت الاسعار ثابته ومعقوله أحسن من انك تشتري شغلة بسعر وغيرك يشتريها بسعر ثاني
أهم شي انك تستمتع بالرحلة وتونس اهلك واسرتك والله يتمم عليكم سفرتكم على خير وترجعون بالسلامة يارب