السلام عليكم ورحمة الله وبركاته
بالنسبه لاول مشاركه لي في هذا المنتدى العامر
في البدايه اقدم خالص شكري وامتناني" للقائمين على هذا المنتدى" من اداره ومشرفين واعضاء "
لما يقدمونه من مواضيع ومشاركات " تجعل منك" خبير في البلد المراد السفر اليه "للمره الاولى"
وأسال الله ان تكون في ميزان حسناتهم:x1:
بحمد الله تم السفره الى اندونيسيا في اواخر الاجازه الصيفيه " أول زياره لهذا البلد" الرحله عائليه
واحببت ان ارد الشئ القليل لهذا المنتدى وا عضائه الكرام , عرفانا بالجميل***
لن اقوم بتفصيل الرحله , ولكن ساذكر بعض ملاحظاتي . لبعض الامور السلبيه والايجابيه , ليستفيد الاخوان
منها .
اولا : الشعب عامة طيب جدا وودود , تحس انهم شعب مبرمج , مايزعلون ولايعصبون بسرعه ماهم
مثلنا"قشران":112:
حتى نسبة الفهم عندهم والاطلاع دون المتوسط
اللغه :
تشكل عائق لانه من النادر ان تجد من يتحدث العربيه او الانجليزيه , قد لاتعاني من عامل اللغه في جاكرتا
وخصوصا اذا سكنت في فنادق ال5 نجوم ,
اذا لقيت سواق يتكلم اللغه العربيه " ادفع له زياده حتى لو 100000" لانه بيختصر لك الوقت , ويكون
التواصل معه له فايده
ولا جيب معك كراسه ومرسام " وخلها رسم"
طبيت في سواق في باندونق " اتفاهم معه بالرسم" !!!!
يوم واحد وقضبته الباب
جاكرتا :
بالنسبه " لاصحاب العائلات" افضل السكن في شقق " بتافيا ابارتمنت" شقق فندقه 5 نجوم فخمه نظيفه
متكاملة التجهيز , بحراسات امنيه. مواقف التاكسي تحت المبنى مباشره .
التقييم *****
بالنسبه لزيارةالمراكز التجاريه في جاكرتا "اذا كانت السفره عائليه" يفضل زيارتها من الساعه 10 صباحا
والتسوق , وتتغدى على خفيف والساعه 2 المغادره , لان بعض المراكز في جاكرتا " مايسرك" تشوف
وضع شبابنا فيها , فالافضل اختيار هذه الاوقات .
اماكن لا تنسى زيارتها :
دنيا فانتازي *****
تامان ميني *****
ويفضل زيارتها يوم السبت او الاحد " وهي اجازتهم الاسبوعيه" صحيح الزحمه زياده شوي , لكن تضمن
جميع الفعاليات لمثل هذه الماكن.
برج " موناس" ****
وان شاء الله ما أكون غلطان في الاسم , ويوجد في الدور الارض منه " متحف" يستحق الزياره .
يفضل "الانتقال " من مدينه لاخرى في غير ايام الاجازه السبوعيه " شوف لك يوم غير السبت والاحد"
تحاشي لضياع وقتك في الزحام.
لاتنسى هذا السؤال دائما في كل مكان !!
كل ما لقيت واحد يمكن يمكن تتواصل معه باي لغه " أساله عن افضل الاماكن السياحيه اللي ممكن تزوره"
البعض يسأل !!!!
أنت معك سواق ؟
غالبا السواقين اللي معك لو سألته " يدور لك على شي قريب " اختصار للوقت وتوفير للبنزين .
فالافضل اخذ معلومات سياحيه اضافيه من مصادر اخرى !!!
خطأ شائع ...!!!! ؟؟؟؟
عشان اول سفره وعليمي ولاتوجد تجربه اخذت النصائح من المنتدى ومن بعض الاخوان اللي سبقونا
بالسفر وطبقتها بحذافيره ,
قالو لي الاخوان بالنسبه للصرف " الافضل" تصرف من اندونيسيا , وان أخذت دولارات , خلها ممدده
" لا تثنيها" واخوكم ماصدق خبر مخلي الدولارات بطولها , وما بقي الا اكويها وانشيها !!!
لقي شغلت انك تصرف فلوسك هناك " مثل اللي يلحم نص ريال مخروم ب 9 قروش"
صدقوني العمليه ما تستاهل ولا قد المخاطره وضياع الوقت , ويمكن تكون بعيد عن محل الصرف
واحد يقول " ماني مقتنع " !!!!!
مثال :
صرفت الريال من "جده" ب2380 روبيه
وصرفته في جاكرتا " وترى سعر الصرف في جاكرتا يعتبر افضل من الصرف في مدن اخرى في اندونيسا"
صرفته ب 2400 الى 2410 روبيه
يعني الفرق في الريال الواحد من 20 الى 30 روبيه , خلونا نحسبها على 30 روبيه.
الريال الواحد تستفيد من صرفه في 30 روبيه يعن ال1000 ريال تفرق معك 30000 روبيه,
ال30000 روبيه تساوي 13 ريال تقريبا
ال1000 سعودي تفرق معك 13 ريال , يعني ال10000 ريال تفرق معك 130 ريال
ولا تنسى انك تحتاج تدفع للتكسي اللي بيوديك لاماكن الصرف , واضف اليها الوقت اللي ضيعته ومع زحمة
جاكرتا تحتاج لاكثر من ساعه, ولا تنسى " المخاطره" بالصرف من السوق السوداء !!!!
الدولار طبعا افضل " لكن يضل الفرق غير مجدي وغير عملي"
طبعا في الجبل وفي باندونق الصرف اقل !!!!
ملاحظه : في جاكرتا لاتحتاج الي سياره بشكل يومي , التكاسي متوفره , وافضل " بلو بيرد"
اطلع معه وقله " أرقوو" نفس معرفي " يعني عداد"
اذا كانت سفرتك لاندونيسيا اول مره :
خذ الورقه والقلم , وخل لكل مدينه ورقه , وادخل المنتدى والاخوان بارك الله فيهم جميع ما تركوا شي ولا
مكان , الا معطينك نبذه عنه .
فرتب الورقه ,
فين تسكن , وخل اكثر من خيار حسب الافضليه , لانك يمكن تجد المكان المحدد للسكن مسبقا " فل"
فيكون عندك خيارات اخرى .
ايضا اماكن السياحه . من اماكن ترفيهيه , او تسوق , ومطاعم.
وحتى ادق التفاصيل قد تحتاجها هناك !!
اكثر المطاعم العربيه " مقلب" دون المتوسط !!!
ولي رجعه ان شاء الله قريبه , لرصد بعض ملاحظاتي عن الجبل , وباندونق
واتمنى ان اكون قدمت شئ مفيد , واعتذر عن عدم وجود صور , لاني استخدمت كميرا فيديو في الرحله