1. بسم الله الرحمن الرحيم


2. الي وجدناه في الفندق كان شي لم اراه من قبل في اندونيسيا


3. ما كاني طولت السالفه

بسم الله الرحمن الرحيم

اخواني اعضاء المنتدى ....... لكم مع اغلى تحيه وصف بسيط للرحله وارجو ان تسمحو لنا على عدم وجود صور تخص مراحل الرحله ولكن ان شاء الله ... وارجوا ان تتعتبروا هذا وعد مني انه راح يكون هناك ملفات فيديو بتزل عما قريب لاندونيسيا ....(بعض المناطق اللي زرناها) ...
من اول ما صعدنا للطائره وان كنت متوقع للموجموعه وناسه ما بعدها وناسه وذلك لوجود اراء كثيره ومختلفه ولكن لا يعني ذلك الاختلاف في الراي وانما تواجد اكثر من شغله يجب ان نقدم عليها .
طبعا الرحله بالطائره بالنسبه لي كانت اشبه (حلوه اشبه ) كانت نوم للنخاع .... تخللها صحوه لمدة ساعتين بسبب الازعاج اللي كان القنيط مسويه في الطياره. وعند الوصول لجاكرتا . تخاوينا مع شله من الرياض شباب حلوين كان اشبه بالاخوان لنا وقد لاحظنا الاخوان الماسات قائمين بشغلهم عدل من ناحية البعص وما الى ذلك . المهم خلصنا من المطار ...
ومن الاشياء الجيده تواجد من يستقبلنا في المطار (ماس من ربع القنيط) وعلى السنترال وديني.
طبعا سنترال كان راي من القنيط ... وخبركم كنت انا وفنتاسي نبي نشوفه عن قرب وكثب .... جلسنا فيه ثلاثة ايام كانت روعه وصدقوني اذا قلت لكم ما كنت اتوقع انه كذا (بالصوره هذي)
اول يوم :
عند وصولنا لسنترال ووضع الشنط في الغرفه ..... واتوجه للتلفون (الو مندي حضرموت ممكن لو سمحت 2 نفر لحم مندي وحبه دجاج مع الرز ) وطبعا اكل ونوم الى الساعه مدري كم ........ ما اطول عليكم

الي وجدناه في الفندق كان شي لم اراه من قبل في اندونيسيا

1_حفل الزواج الي حضرناه في الدور الثاني ... وقد استقبلونا بكل حفاوه وخاصة الاخ الماس اللي قد اشتغل في جده حيث اخذنا وجلسنا بالقرب من المعرس وعرفنا عليه وعرفنا على زوجته وكان الجميع متقيدين بالاسلام من لباس الحشمه والستر .... وبالفعل تقولون كنك في السعوديه (الفرق ان عندهم العرس حزة الغداء) اول من ضيفوا اخوانكم في الله ... بصراحه كانوا قمه في الاحترام والضيافه كانت جميله جدا...
2_ عرض الازياء (مالنا في الشغله بس قلنا نتفرج حاجه جديده ) وكان العرض في الجهه الاخرى من العرس
3_ الساعه 12 ليلا من كل يوم من الايام الثلاثه كنت انزل اتفرج على عروض الدبابات اللي قدام سنترال
واخر يوم حصل اللي مستغرب انه ما حصل من زمان .... الدوريات حاوطتت المنطقه اللي حول الكبري واللي اخر الشارع وسكرت المنافذ ..... وهات يا كفش في عرابجة الماسات...
طبعا غالبيتكم يعرف الاسواق والبلياردو حق سارينا عشان كوذيه ما ابي اطول في شرح الباقي
اليوم الرابع وعند الصحوه ومن بدري لمينا العزبه وعلى الجبل ....كان يوم اثنين وكانت الزحمه في الجبل لا توصف المساريين كلها نزول ........ لكن وبدون لا نعلم (طلع الماس طاره ودليله وصنيان) طلعنا مع خط مختصر وسريع نحو بونشاك (بصراحه سميت هذاك الخط ....خط المائه الف روبيه) وعلى فكره في هذا الطريق واجهنا لاعب ايسي ميلان (طفل عمره يتراوح بين 11 و13 سنه بالكثير ) خاونا على طول الخط وهو يركض يبي يلحقنا... ولكن وللاسف الخط طلعات ونزلات والماس (السواق ما يقدر يهدي ) ولا القنيط كان حالف يعطيه مائة الف ...

ما كاني طولت السالفه

المهم وصلنا الماس للمنطقه المراد الوصول لها وبسرعه ما كانت تطري على البال ...(طبعا بقالة السعوديه)
وعند الاتصال باحد الاخوان الله يطول في عمره ويخليه للمنتدى واهل المنتدى قام مشكورا جدا باعطانا وصف لاحد السواقين وكان نعم الراي ... لانه لولا الله ومن ثم هذا السائق لكانت الجلسه في الجبل ما لها داعي ...
كان السائق اشبه بمرشد سياحي .. الف شكر لك يا كبير يا امير يا غالي ...
الجبل قضيناه تمشيات وجلسات وشوي وشلال والليدو .... وبصراحه اول مره نطب نحن الثلاثي هذه المنطقه (الليدو) كانت جنه وبالفعل جنه روعه ومناظر رائعه واكل للاشباع سمك وجمبري ... مشوي ومقلي .... شي ولا احلى.
وصادف وجودنا في الليدو هطول امطار غزيره جدا .... حتى العوده للسكن كانت صعبه جدا حيث الرؤيه كانت شبه منعدمه والمطر كان يزيح السيارات عن الخط.
ايه يا قلبي ما عاد اقدر اكتب احس اني ببكي .....
وصف الجبل وبسرعه :
السكن في فلل جيا جياكرتا لمدة ثلاثة ايام فقط ... الجلسه الحلوه عند الشلال وانواع الطبخ والنفخ والشوي ...الليدو ... المطامر في المطر ..
حظور حفل في مواقف السيارات حقت الاجار وانت طالع للفلل على يدك اليمين ...(لا يومكم ما دري وش سالفته لكن كان شي من باب التجديد ).
لا وابشركم واجهنا اسكندر
ولكن قام العضو الفعال القنيط بطرده بعدما تاكد وبنفسه انه رايح فيها...
ايه يا الجبل لو تجيه مليون مره ما تمله وخصوصا الجلسه الحلوه مع شباب حلوين مثل الشله الكوكبانيه
ارجو ان ما اكون طولت عليكم ولي تكمله معكم بس خلوني اصحى من العارض الصحي اللي اواجهه
القنيط ودنيا فنتاسي اذا عندكم اي تعقيب على الموضوع ارجوا انكم توضحونه
ترى اخوكم عقله ماهو معه (مريض مريض مريض ) وادعولى بالشفاء .... تكفون
والباقي حق الرجعه من الجبل يبيله وقفه طويله...
شكرا على مرورك اخي العضو