وقت مناسب جدا وبتكون الاسعار معقوله ما يحتاج اخوى بكجات احجز عن طريق النت وريح بالك ورحله سعيده ان شاء الله

ah_mink

بالنسبه لحجز الانترنت هو الاوفر .. وبه الضريبة والعمولة تنخفض

• تدخل على موقع http://www.Agoda.com
• تسجل وراح يصلك بريد بالرقم السري والمستخدم
• تدخل عن طريق الرابط اللي وصل لبريدك
• تختار بينات الماستر كارد او الفيزا
• تدخل رقمها والارقام الثلاث الاخيرة اللي بالخلف
• كذا انت جاهز للحجز
• عندك كذا طريقة لحجز الفنادق
• اما انك تختار عن طريق البحث المباشر
• او تطلب خدمة المحادثة 24 ساعة وتحدد رغبتك

مثلا : تحادثهم بانك ترغب في غرفة بفندق 3 نجوم بمدينة كذا وبمنطقة كذا ولا يزيد سعرها عن 30 دولار امريكي لشخصين غرفة مطلة ومرتفعة وبسرير واحد كبير

• سوف يطلبون منك الانتظار .. وخلال دقيقتين بالكثير راح يوفرون لك غرفة

وهذا انا جربته في كوالا لمبور .. وياليتني جربته في البقية
غير كذا
انه راح يعطوك نقاط على حجزك عن طريقهم او تعاملك معاهم
هذي النقاط ممكن تستفيد منها مستقبلا .. وتكسب حجز مجاني لفنادق انت تختارها
شفت كيف التقنية ايش تسوى
وبخصوص البرامج
ممكن تستفيد من هذا الرابط بالصور والاسعار والتوجيهات
https://artravelers.com
واي استفسار انا تحت امرك

أحبائي.. بغيت وضح حاجة ،، هذي أول سفرة لي لماليزيا فما اعرف الشفلات الزينه من اللي مهيب زينه.. انا بغيت البكجات لأنها أول سفره لي،، لما اشوف الديرة واعرف وش اللي ينفع من اللي ما ينفع ،، ذاك الوقت سويت مقترحاتكم

السلام عليكم ورحمة الله
اخذ هالبرنامج الشبابي مني هديه
اول ليلتين احجز في فندق رويال بنتانغ في كوالا
واذا مالقيت حجز احجز في فندق الكابيتال
واول يوم توصل فيه روح لمحطة الباصات واسمها
بودو رايا يمكن خمس دقايق مع التاكسي من الفندق
واحجز منها تذاكر لبيننغ على الباص واختر نوع الباص
السوبر وسعر التذكره بسيط وحدد الموعد وبعد يومين
كوالا لمبور اخذوا شناطكم وروحوا للمحطه واركبوا
الباص وعلى بيننغ على طول
اول ما توصلون بيننغ راح ينزلكم عند محطه الباصات
احجزوا بالمره العوده الى كوالالمبور مثلا بعد خمس ايام
ثم اخذوا تاكسي وروحوا لفندقكم اللي حاجزينه مسبقا من
بلدكم وعندك ( فندق البي فيو بيتش واذا ما فيه كاشورينا )
وبعد يوم او يومين قصوا تذكره بالعباره الي لنكاوي ذهاب
وعوده وروحوا اول ما توصلون لنكاوي الى المنغروف
وهي رحله بحريه يمكن تاخذ منكم ساعين ونص وبعدها
روحوا للتلفريك تكونون بهذا شفتوا افضل شي بلنكاوي
وبعد ما تقضون ايامكم في بيننغ ارجعوا بالباص الي
كوالالمبور وتكونون حاجزين من بلدكم الفندق في
التاريخ هذا والافضل 3 ايام ومن خلال هذا الايام
روحوا لجنتنق من الصبح للمغرب بتاكسي او باص
واليوم الثاني روحوا لصن واي لاقون من الضحي
تقريبا لين تملون بس ما يكون يوم الثلاثاء لانها
مغلقه واليوم الاخير للسوق ثم العوده
واي استفسار انا حاضر

مشكورين حبايبي وما قصرتوا,, والله يخليكم ذخر لنا ولأهلكم ان شالله

مشكورين وما قصرتوا جميعا .. الله يحفظم يا رب