السلام عليكم ورحمه الله
اخى الباشق تحيه طيبه
عندى لك مكتب يعطيك اسعار جداً رائعه وحلوه انا سويت مقارنه فى الاسعار بينه وبين الطيار والصرح وحصلت الفرق كثير وانصح انك تروحله المكتب يقع على طريق الملك فهد اسمها
المكتب السعودى للسفر والسياحه 00>> لو انك من سكان الرياض

والله معك حق اخووي الباشق ...
انا مثلك تهت مابين الانترنت وبين المكاتب السياحيه ...
بالاخير استقر رأي على اني ادفع للمكاتب السياحيه ولا انتظر المخاوف بالسفر ...
وخصوصا انها المرأه الاولى التي اتعامل فيها مع مكاتب سفر ..
وكان اختياري وقع على الصرح وكانت اسعارهم لابأس بها .. ولو انها غاليه شوي
اتمنى لك سفر سعيد وبالتوفيق

مشكور أخي على الرد ،،،،
الفرق كبير بين النت و المكاتب الحقيقة ،،، و لكن يبدو أن هناك حلا أفضل ،،، وهو أن أحجز أول يومين في أي فندق من هنا ثم أنظم باقي الرحلة من مكتب سياحي في كوالالمبور و الفرق في السعر كبير

الباشق انا بقولك شغله انا واحد من الناس حجزت عن طريق النت
صراحه امان وكل شى بس بقول لك معلومه صغيره حلاتها اذا انت بتحجز من النت تكون عارف انه مكان الفنادق عدل علشان ماتوهق تطلع حاجز فندق بعيد عن الاماكن

الأخ alqreen ،، مشكور على المعلومة ،، بالنسبة لي أنا أعرف مواقع الفنادق لأني رحت لماليزيا من قبل ، و يبدو أن الحجز عن طريق النت هو الأفضل .

اخي الباشق
انا كان عندي تردد نفسك احجز من مكتب سياحي ولا من الانترنت , لان بعض الاخوان قالو لي حجز الانترنت مومضمون
لكني اتصلت على الفندق مباشرة وقلت لهم لو حجزت عن طريق موقعكم بالنت هل فيه مشاكل قالو لي ابدا مافيه اي مشاكل.
وحصلت اسعار الغرف في موقع الفندق نفسها تقريبا الي في المواقع الي تحجزلك.
حتى الطيران الداخلي ارخص عن طريق الانترنت, لاني كنت ابي احجز على الخطوط الماليزية رحلة داخليه عطوني سعر من خلال موقعهم بعدها رحت مكتبين سياحيين قالو لي تقريبا ضعف السعر حتى الي في المكتب السياحي قالي احجز من الانترنت ارخص لك.

1. السلام عليكم ورحمة الله،،،،،،،،


2. 2دينار مو معقول صح ؟!

السلام عليكم ورحمة الله،،،،،،،،

اخواني الباشق والقرين دائمايعجبني تفكيركم وتدبيركم وكأني أفكر بصوت عالي ،،،
بالنسبة للي قاله أخوي الباشق عن الفرق بين النت والمكاتب صحيح مئة بالمئة ،،،يعني أنا لفيت على عدة مكاتب عندنا في الكويت والفرق يموت من الضحك وسبق تناقشنا أنا وأخوي ضاري الشمري في هالموضوع، يعني مثلاً برجايا تايم سكوير نبي نحجز فيه من المكاتب وبدأ السعر من 50 دينار وصعد 55 و60 و63 وكم حصلته على النت؟؟؟؟؟؟؟؟؟؟؟؟؟؟؟؟؟؟؟؟؟

2دينار مو معقول صح ؟!

وبنفس الوقت "أخوي القرين " صديق زوجي توه جاي من ماليزيا قبل أمس وكان رايح من الكويت ميت من الإحباط والخوف في نفس الوقت لأنه لف" الدولية " ( مجمع يضم أغلب مكاتب السفريات في الكويت) وتخيل ما لقا ولا فندق خصوصاً إنه كان بكره السفر بالنسبه له!!!!!!!
والمفاجأه أنه رجع وهو مبسوط سكن في شنقريلا ب416 رنجت سعر لقاه في المطار له هو مع ولده ويمدح في فخامة الفندق ونظافته والمعامله الراقيه ويوصي زوجي أنه لا يطوفنا.
ويقول أن في المطار تلقى كل الفنادق اللي تبيها وبسعر غير عن المكاتب في الكويت خاصه أنه هو ماخذ له لفه قبل السفر بيوم!!!
لذلك قررنا الأتي:-
بنحجز بس أول يوم الوصول عن طريق مكتب والباقي في ماليزيا، خصوصاً أن بوفهود ماشاءالله عليه مدردح وراعي سفر وخبير فنادق :x1:
ورفيجه قال له أن ماليزيا مليانه عالم بس بتلقا أماكن ( على شرط ماتكونون عايله كبيره) إحنا بالنسبه لنا إحنا أربعه أنا وزوجي وطفلين 6-4 سنوات يعني غرفة وحده كفايه.
وأنتوا شرايكم؟؟؟

طيب اذا بغينا نحجز عن طريق الانترنت وش المواقع اللي نقدر نحجز عن طريقها .... افيدوني بارك الله فيكم ؟؟؟