- السلام عليكم ورحمة الله وبركاته
السلام عليكم ورحمة الله وبركاته
انا كتبت موضوعي الاول عن الفيري من بيننانغ الي لنكاوي وحبيت الحين اقول لكم عن مغامرتنا الثانية. يمكن بتقولون ما في تسلسل في مواضيعي بس انا حبيت احطها حسب الاهمية عندي.
طبعا احنا يوم حطينا خط السير مالنا ما كنا انعرف المنتدي عقب ما قمنا بالحجوزات طرحت خط السير بالمنتدي والاخ كندل ماقصر قال لي ان خط سيرنا بيكون صعب بس لالاسف ما كنا قادرين انغير المهم توكلنا علي الله وسافرنا.
خط السير كان كوالالمبور ليلة ، ليلتين جنتنغ، ثلاث ليالي بيننغ، ثلاث ليالي لنكاوي وعقبها ثمان ليالي كوالالمبور. ورتبنا التنقلات علي اساس ان بناخذ سيارة خاصة الي جنتنغ من فندقنا بكوالالمبور وبناخذ فيري من بينانغ الي لنكاوي وبعدين طيارة الي كوالالمبور. انا طبعا كنت ابي استعمل الطيارة في كل تنقلاتنا بس الاهل كانوا مصرين ايجربون كل شي. المهم بقي المواصلات من جنتنغ الي بيننانغ. سالت بالمنتدي قالوا لي يا تاخذون سيارة خاصة او ترجعون محطة بوداريا ومنها باص نايس الي بيننغ. قلنا بندبرها اهناك. عقب ماستانسنا بجنتنغ( وعلي فكرة كانت احلي شي عندي لاني احب البراد والالعاب حتي كانت احلي من صن واي لقون النصابين). حاولنا انحصل سيارة قاموا ايتضربون علينا بالاسعار اقل شي كان 800 رنجت. في واحد يشتغل بالفندق قال ايش حادكم . في الفندق( فيرست ورلد ) في مكاتب باصات بالهبل حتي سنغافورة اتودي والباصات كلش مريحة. قاموا الشباب اقطعوا تذاكر وطلعت حق 7 اشخاص (اهما عندهم الطفل والعود نفس السعر) تقريبا 230 رنجت. ركبنا الباص ثاني يوم عند الساعة 3 ونص علي اساس ان بنوصل الساعة 8 تقريبا. الباص كان كلش مريح مافيه شاشة تلفزيون بس الكراسي كلش مريحة. يمكن اتحصلون باصات احسن بس احنا موعد الباص ناسبنا. علي العموم الشباب تصادقوا مع ماليزي جالس اهوا وزوجته وبالسوالف اكتشفوا احنا احنا غلطنا وان احنا قصينا التذاكر حق بيننغ المدينة مو الجزيرة. طلع ان بيننغ عبارة عن جزئين. جزء الي اهوا المدينة وبها الجسر الكبير الي ايوصلك الي جزيرة بيننانغ الي فيها فندقنا. طبعا متنا من الخوف لان بنوصل بوقت متاخر بالليل ومابنعرف شانسوي. الماليزي طمنا وقال انه اهوا بيتكفل بنا جزاه الله الف خير. المهم وصلنا الساعة 8 الي محطة باصات وبنفس الوقت فيها عبارة. الماليزي قال لنا بدل التاكسي اخذوا فيري مدته 10 دقايق بس والتاكسي يمكن مدته ساعة قلنا يلا انجرب. والحمد لله ان الشنط كانت قليلة وخفيفة وقمنا سحبناها. دفعنا رنجت عن كل شخص. جت العبارة طلعت نفس عبارات امريكا كبيرة وكلش هادية. صج استمتعنا بالرحلة وبالمغامرة. عقب الوصول الماليزي دبر لنا تاكسين . شكرناه ومشينا علي الفندق. الخلاصة يا جماعة ان هالمغامرة ما كانت بالحسبان بس الله سخر لنا هالشخص الحمد لله. والعبار هاذي كانت كلش مريحة عكس عبارة لنكاوي الي اهيا عبارة عن مركب مو عبارة. العبارة هاذي اهيا الي خلتنا انتشجع وناخذ عبارة لنكاوي بدل الطيران.
بالنسبة حق سوال الاخ الفانوس الطيران اهوا احسن اختيار لك بس لازم ترجع من سلانجور الي مطار كوالا ومن لنكاوي احسن لك بعد الطيران لان مو معقولة ترجع بالعبارة الي بيننغ ومن بيننغ باص الي كوالا والله بتهلكون. وعلي فكرة احنا قطعنا التذاكر من لنكاوي الي كوالا بقيمة 54 رنجت الشخص عاد قبل شهرين من السفر وردينا زدناها تذكرة قبل اسبوع من سفرنا طلعت لنا تقريبا بمائة رنجت يعني حاول تقطع قبل بفترة. واي سوال انا حاضرة
والظاهر النصابين في كل مكان حتى ماليزيا
ما صدقنا نبي نفتك من نصابين مصر وسوريا
الله يعين