- يا سلام وهذه يبغالها كلام من بكره اذا اراد الرحمن بنكون هناك .
السلام عليكم ورحمه الله وبركاته
وبعد توقف دام لفترة طويلة يعود إليكم ( Big Boss B ( Treble B من جديد وبتقرير مثير إنشاء الله والذي أتمني من الله العزيز الكريم أن ينال إعجابكم :
الحلقه الرابعه
كما تعرفون اخواني الكرام انني ضعيف جدا من ناحيه حفظ اسماء الاماكن فاتمني انكم ما تزعلوا مني اذا ما ذكرت اسم المنطقه او مكان ما
بعد ما انتهينا من المغامرات الماضية والتي كانت من اروع المغامرات التي مريت فيها بحياتى في العمه وبالتحديد في الجبل بنشاك
قمنا وفكرنا و فكرنا بمغامرة جديده هذه المغامره جاءت فكرتها من اخونا الاندومي ( فخري ) وهو صديق اندونيسي عزيز علي قلبي حيث وبما اننا مغامرون ( والله ما عندك احد) قال ويش رايكم تجربون حاجه غريبه وما تخطر علي بال احد فيكم قلنا وحنا جاهزين ويش هيه قال : التجديف في الماء وتراها جدا حلوه وما تتفوت .
يا سلام وهذه يبغالها كلام من بكره اذا اراد الرحمن بنكون هناك .
و من صباح اليوم الثاني الساعه 11:00 صباحا جهزنا ادوات السباحه واتجهنا الي الموقع والذي يبعد عن المجمع الا كنا ساكنين فيه - وهو موضح في الحلقه الاولي ( والله ما ادري ويش اسمه ) طبعا الموقع يبعد عن المجمع حوالي ( من ساعه الي ساعه وربع تفريبا) هذا الموفع به العديد من المحلات المختصه بامور التجديف اكثر من واحد وكل واحد عنده عرض ومميزات مختلفه . المهم بعد البحث والتحري وجدنا الا نبيه عرض حلو وبسعر احلي :
خمس مراحل – الشخص ب 180.000 الف روبيه مع وجبه غذاء لكل واحد طبعا السعر يتغير حسب عدد المراحل كل ما قلت المراحل قل السعر معاها . انا افضل أي واحد يحب يقوم بهذه المغامره انه ياخذ الخمس مراحل تراها ما تخوف وما تتفوت .بالاضافه الي( رخصه) هذه الرخصه عليها شرط اذا ما انقلتنا في النهر ناخذها واذا انقلبنا وحسنا ما في لا رخصه ولا بطيخ
و الحمد لله كتبنا العقد واتجهنا الي النهر واو علي النهر هذا بصراحه يبغالها تقرير كامل و منفصل والاخوان جهزوا القوارب والعصيان وعلي بركه الله بدأت المغامرة
أكيد في البداية لازم تدريب بسيط :11ight_li علي التجديف يعني متى تجدف يسار ومتي تجدف يمين و زي منتو شايفين المدرب اتوهق فينا :112: ما نعرف الا عربي وانجليزي وهو لا لا
وبعد ما انتهينا من التدريب والشرح باللغه الاندوميه ( وينك يا مترجمنا الغالي )انطلقنا الي النهر و الي التجديف المستمر طوال الرحله والتي استمرت الي اكثر من خمس ساعات
اكيد الوقت طويل بس والله ما حسينا فيه وانت وسط النهر وحولك الاشجار من كل مكان واصوات الطيور
وشوي والا نمر بقرى واطفال يعني والله متعه متعه لا توصف
و لا ازيدكم من الشعر بيت التجديف و المواقف المضحكه معاه .... المدرب يقول يمين ونحنا كلنا نجدف يسار بعيد عنكم ما في لغه
و الصوره هذه تاكد كلامي في ( الاشجار علي طول ) والمصيبه انه لما يقول يمين ونحن نروح يسار ينفلت علينا الضحك وننسى التجديف و ما علينا في اي شئ
طبعا اكيد البعض خايف من هذه المغامره وانا اقلكم مفيش خوف لانه عند المنحدرات الخطره علي قولتهم يكون قارب المنقزين في الامام وبعدين نحن نعدي وهذا حرصا منهم علينا وعلي العموم هولاء اناس مدربون علي الانقاذ وطرقه وخوخا في الانهار لانه لها حالات خاصه
وبعد ما انتهينا من الثلاث مراحل الاولي جاء وقت الاستراحه و مدتها نصف ساعه و الغذا هو عباره عن اكل اندونيسي لا يفوتك
الصور التاليه توضح لحظه وصولنا الي منطقه الاستراحه
وهذه هي المنطقه في وسط الغابه منطقه ت من حلاوتها
وبعد الانتهاء من الغذاء كملنا الرحله وكانت المراحل المتبقيه جدا حلوه والماء كان اقوي والتجديف اقل والتي انتهت ولله الحمد في تمام الساعه الخامسه والنصف عصرا ورجعنا الفله وهاتك يا نوم
وهكذا وبانتهاء المغامره ينتهي موضوعي المتواضع والذي ان شاء الله ينال اعجابكم ومعليش علي الاطاله بس وش اسوي المغامره تستاهل اكثر
اذا كنت ناوى السفر لا تفوتك المغامرة
في الختام أقول لكم دمتم لنا اخوه اعزاء على أمل لقائكم في مواضيع اخري ان شاء الله
استنو تعالوا وين رايحين ما قلتلكم ويش صار بالنسبه للرخصه
ما اخذناها وذلك لاسباب خاصه وانقلابات في اوقات غير مناسبه
تحياتى
:
:
:
:
مغامرة جميلة جدا جدا
و ياليتني كنت معك ...
بس فين كان المكان ؟؟؟؟؟
و بعدين قول لي : انت اللي ماسك زمام
القارب ؟؟ و الا انت الثاني ؟؟؟؟؟
هذا سر .. و ما أعلم أحد ...