نشر في ماليزيا

معنى غرفة مزدوجة

حسين407

22-08-2022 - 02:34 am

السلام عليكم وكل عام وانتم بخير
حبيت اعرف معنى غرفة مزدوجة او توأمية،،،، يعني لو انا وزوجتي تنفع الينا او لا،،،
او لازم ناخذ غير كذا...

التعليقات (9)

ابوعبدالله ( الاسفار )

22-08-2022 - 05:10 am

غرفة مزدوجة : سرير واحد لشخصين
غرفة توأم : سريرين منفصلين
طبعا اذا حاب تختار الثانى شئ راجع لك (امزح معك )
بالتوفيق

حسين407

22-08-2022 - 06:11 am

والله ما يلحق الواحد يكتب موضوع او استفسار، إلا الأجاويد بسرعة الرصاصة يجوه ويفزعوا اله،،،،
كل الشكر لك يالغالي (الاسفار متعتي) يالأجودي

ابوعبدالله ( الاسفار )

22-08-2022 - 07:12 am

قول ما شاء الله و لا قوة الا بالله !
ممكن تطيش الرصاصة !!!
حاضرين لك يا الغالى
رحلة سعيدة

وافي بزمن جافي

22-08-2022 - 08:13 am

هلا بالغالي ...

الغرفة المزدوجة تنفع للعرسان ...
الغرفة التوأمية تنفع للضبان

وافي

ابوعبدالله ( الاسفار )

22-08-2022 - 09:14 am

* الغرفة التوأمية تنفع للضبان
بوهلا ..
حدد اى نوع من الضبان ؟؟؟

بـحـــــر

22-08-2022 - 10:15 am

حسين407
قل لا إله إلا الله
اذكر الله وانا خوك ولا تودي الرجال في دهيه ههه
العين حق لا تعدم المنتدى او الرجال

حسين407

22-08-2022 - 11:16 am

ما شاء الله لا قوة الا بالله،،،
والله ماقصد العين ولا الأذية، بس اللهم كلمة حق اقولها في الغالي الاسفار متعتي و اخوي الغالي بعد وافي

ابوعبدالله ( الاسفار )

22-08-2022 - 12:18 pm

تكرم عينك ..
بس ما قلتنا عن برامج رحلتك ....
يعنى منتهى من كل شئ ..
شكلك مذاكر كويس فى المنتدى !

حسين407

22-08-2022 - 01:19 pm

تدري صار لي تقريباً حول ال 6 أشهر وانا اشاطح في هالمنتدى الجميل، واخطط وارتب،، بس مرة على مهل
التذاكر اخذت قبل 6 اشهر تقريباً، وخلصت كل شيء، بس شفت فيه كم عرض، فاحبيت على طول ابدل ولا أفوت الفرصة...
وان شاء الله انزل الخطة كاملة بعد فترة حلوة، واشوف ارائكم...
بس فشيلة 6 شهور ومااعرف الفرق بين مزدوج وتوأم!!!
وان شاء الله انزل جدولي ومايكون مخيب للأمال..
انا رحلتي ان شاء الله على 12/11/2011
وان شاء الله نلتقي...

ماليزيا المسافرون العرب

معنى غرفة مزدوجة