قلم حٌر
27-05-2022 - 04:48 am
الأخوه الأفاضل خبرآء ماليزيا ..
من عنوان موضوعي واضح شو مطلبي ..
أنا حددت الوجهه لماليزيا بعد ما شد وأخذ وعطا بينها وبين تركيا ..
الأغلب نصحوني أبعد عن تركيا خصوصا انو تاريخ الرحلة بيكون في إجازة عيد الفطر ..
يعني أنواع الزحمة والغلاء وانها بلد ماتناسب اللي معاهم أطفال ومراهقين ..
رسيت بعد الإستخاره ع ماليزيا ..
ولقيت أسعار التذاكر حلوه ..مانقول رخيصه بس الشكوى لله ..
المدة 14 ليلة موزعه بين سيلانجور ليلتين
ثلاث ليالي لنكاوي , ثلاثه ليالي بينانغ , ست ليالي كوالا ومنها زياره ل جنتنغ ..
الفنادق الحمدلله ماعندي إشكاليه فيها ..
من تقارير الأعضاء قدرت أحدد شو أبي بالضبط في كل منطقه ..
لكن واجهتني حقيقة مشكلة أنو عندي أبناء مراهقين ..
خفت كثير أروح لأماكن يشوفون فيها أشياء موش كويسه ..
أبغى أتجنب الأماكن اللي ماتناسب العوائل المحافظة , الأماكن اللي تكثر فيها الموسيقى والفنادق , المطاعم ..
أبغى أنسب الأوقات لزيارة الاماكن السياحيه بحيث أتجنب الأشياء اللي موش كويسه ..
أنا متأكده مو كل الناس تسمع الموسيقى وترحب فيها ..
ولاكل الناس ترحب بزيارة الأماكن اللي تكثر فيها مناظر العري والخ ..
واللي عنده أبناء مراهقين متأكده أنه بيفهم موقفي وطلبي ..
وأكيد اللي زار ماليزيا أكثر من مرة عنده خلفيه كافيه توجهني ..
طلبتكم ياكرام ساعدوني ..
شو هي الأماكن اللي ماتنصحوني أبدآ اروح لها أنا والعيال ..
البعض نصحني ألغى لنكاوي وقالي ماراح تنسابكم وماادري ايش ..؟؟
وأكتفى ب بيينانغ ..وكوالا ..وأقيم كم يوم في منتجع أفاموسا ..بدال الصن وي لاقون ..
فكرت أدخل الكاميرون , بس ماادري قالوا ممله ومافيها شيء غير الطبيعه والجو والعيال بيملون منها؟؟
غير أن السفر لها مشقه ومتعب وماتجيب همها ..
منتظرة فزعتكم لاهنتووا ..
كلمة أخيرة : سبق طرحت طلبي بمنتدى ثاني ..
ومالقيت الا ردود ساخره ومسخره ..وحدّك مكه والمدينه ومن ذا الكلام ..
أتمنى أنو المنتدى هنا يكون أرقى ومايتكرر معي اللي صار بمنتديات ثانيه ..
لأن مااظن طلبي تعجيزي , ولاكل أرض الله فساد ..
من تخرج من مطار الملك خالد سترى العري والموسيقى في كل مكان وكل بلد
فاذا انت لاتحب هذه الامور ولاتريدها فستتعب نفسك وعائلتك
ماليزيا كوالا لمبور في الشوارع ملابس فاضحه
في المنتجعات على البحر والمسابح سترا النساء في ملابس السباحه
مثلا لنكاوي مسلمين الاغلبيه ولكن في المتحعات اغلبهم اوربيين ماخذين راحتهم في اللبس
قد تناسبك الكويت وقطر حتى دبي مليئه بما لاترغب به