مرحبا الصيف الماضى كنت فى دسلدروف صراحة يكفيها سبعة أيام وبجانبها كولون تبعد عنها 25 دقيقة تروح لها وترجع بنفس اليوم يكفيها والسكن أللى سكنتة شقق فندقية أسمة أرت برنس حلو ومرتب وسعرة مناسب ومع الفطور ويبعد مشى عن المدينة القديمة ربع ساعة وأى أستفسار أنا حاضرة وشكرا

دلوعة الفارس
مشكوره على المعلومات عزيزتي .. بس ممكن تكتبين لي الاسم بالانجليزي .. و تخبريني عن بعض الاماكن اللي عجبتك في دوسلدورف ..

أسم الفندق burns art & culture موقع الفندق http://www.duesseldorf-tourismus.de وأى أستفسار فاأنا بالخدمة وبتوفيق

شكرا اختى على الرد على استفساري
بالنسبه للمناطق الي قريبه من دسلدورف انتي قلتي كولون ,, ممكن تخبريني عن المنطقه شوه فيها ,, وشوه بعد غير هاي المنطقه ,,
انا اريد كل يوم اروح مكان ,, مايهمني السوق ,, كثر ماتهمنى المناطق الي اريد زيارتها ,,
وانتظر منج باقي استفساراتي وبعد اطمع من الاخرين والخبراء بالمزيد
شكرا

مثلا انا مقرر اني اقعد خمس ايام ,, اريد تقسيم الزيارات للمناطق

مرحبا أذا كان المدة خمس أيام الوقت ضيق يكفى تروح لكولون ولى أبرز ماشفتة بكولون الكنيسة العجيبة فيها ضخامة وبرا الكنيسة تشوف ناس يستعرضون أللى مسوى نفسة بات مان ومستعرضين أشكلهم بأشكال غريبة وناس تغنى وناس تسوى حركات السحر وناس ترقص ومن هالحركات وبعدين تسوقون شوى فى سوقها وتغدين فى مطعم تركى بسيط ورجعنى وأذا كنت تب تروح لغيرها يقولون بروج تبع بلجيكا وشكرا

هذا الفندق سكنت فيه انا سعره مناسب وحلو وقريب من شارع الملوك
اسمه لندنهوف موقعهم ....
http://www.lindenhof-duesseldorf.de
وقريب من كك مطاعم عربيه منها مطعم مصري يسوي الكبسات اسمه ابو طارق
وقريب منك سوق كبير نسيت اسمه يمكن كوف هوف او حاجه زي كذا .
موفق انشا الله

اخوي خالد
تقدر تقسم زيارتك مثلا اربع ايام كولون واربع ايام دوسلدورف
وهذا برنامج عالطاير لكولون
السكن حاولوا يكون السكن قريب من محطة القطار Hauptbahnhof
من الانشطه اللي تقدر ترسمها مثلا كالتالي
1 - اليوم الاول:
زيارة الكاتدرائيه Koln dom " الكنيسه الرئيسيه " وهي قديمه جدا بدا العمل فيها عام 1300 تقريبا وهي تقريبا اهم كنيسه في اوربا بعد الساينت بطرس " فاتيكان روما "
بعد كذا
زيارة المتحف الروماني الالماني وفيه عرض لتاريخ الامبراطوريه الرومانيه المقدسه اللي حكمت اوربا فتره طويله بقيادة القائد الالماني شارلمان
Romisch Germanisch museum
وبعد كذا تقدروا تاخذوا لفه بالباص السياحي في جوله لأهم معالم كولون ومدتها ساعتين
2 -اليوم الثاني :
تاخذوها رحله الى فنتازيا لاند .. تبعد حدود نص ساعه عن كولون
وهذا تقرير عنها في المنتدى
https://artravelers.com/p/re/14077
وهذا الموقع الرسمي لهم
http://www.fantasialand.de/index.php?display_popup=1
3 - يكون تسوق وتمشي على روقان في المدينه
وعندك اهم شارعين للتسوق
شارع Hohe Strasse
وشارع Schildergasse Strasse
وهم بالاضافه لشارع Konigstrasse في دوسلدورف
وشارعي Kauffinger strasse و Maximillian strasse في ميونخ يعتبرون من وجهات التسوق الاولى في اوربا خلال العام الماضي 2008
تقدروا بعد او قبل التسوق تزوروا حديقة حيوان كولون لو معكم اطفال ..Koln Tiergarten
هذي اهم المعالم في كولون تقدروا تخلصونها في ثلاث او اربع ايام
بالنسبه للتنقل لو سكنتوا في منطقه بين محطة القطار والسوق راح توفروا على انفسكم التنقل بشكل كبير
لان الكاتدرائيه والمتحف وشوارع التسوق كلها قريبه منكم .. يعني على ارجولكم تروحوا لها ..
والروحه لفنتازيا لاند تقدروا تاخذوا تاكسي لها او على كلامك ان معاك سياره وهذا أحلى
ولو حبيت معلومات اكثر عن دوسلدورف ان شاء الله اذا جاني وقت ابشر
بس متى أكون فاضي ؟!
رحله موفقه وبالتوفيق